TBC Kredit

O‘zbekistonda TBC Bank’dan onlayn kredit

TBC Kredit — har qanday maqsad uchun pul olishning tez va xavfsiz usuli. Kredit onlayn tarzda rasmiylashtiriladi: bankka borish, navbatda turish va qarorni uzoq kutish shart emas. TBC UZ ilovasida ariza topshirasiz va bir minutda javob olasiz*.

*So‘nggi 300 000 foydalanuvchi orasida kredit bo‘yicha qaror olishning o‘rtacha vaqti. Aniq vaqt sizning kredit tarixingizga bog‘liq bo‘lib, bir daqiqadan kam yoki ko‘proq vaqt olishi mumkin.

TBC Kredit rasmiylashtirishning minimal talablari

Bir nechtagina majburiy talablar bor:

1. O‘zbekiston Respublikasi fuqaroligi.
2. 18 yoshga to‘lgan bo‘lish.
3. Doimiy daromad manbai.
4. TBC UZ ilovasida ro‘yxatdan o‘tish.

TBC Bank mijozlarga ortiqcha hujjatlarsiz qulay moliyaviy yechim taklif qiladi: ariza to‘liq onlayn tarzda ko‘rib chiqiladi va oson amalga oshiriladi. Foydalanuvchilar ID-karta bilan kredit olishi va rasmiy ish joyisiz ham ariza topshirish imkoniga ega. Garovsiz kredit olish orqali kredit rasmiylashtirish osonlashadi, an’anaviy garov evaziga kredit jarayonlariga nisbatan yanada qulay yechim yaratiladi. Barcha bosqichlar TBC UZ ilovasi orqali amalga oshiriladi. Kundalik ehtiyojlar uchun mikroqarz olish istagidagi foydalanuvchilar uchun ham mos takliflarni ilova ichida ko‘rib chiqishlari mumkin.

Ariza topshirish uchun rasmiy ish joyiga ega bo‘lish yoki daromad to‘g‘risidagi ma’lumotnoma talab qilinmaydi.

TBC Kredit qanday olinadi?

TBC Bankdan kredit olish uchun TBC UZ ilovasida ariza topshirishingiz kerak — ilovani ushbu havola orqali yuklab olishingiz mumkin. Ro‘yxatdan o‘tganingizdan keyin "Kredit" bo‘limida kichik anketani to‘ldirib, arizangizni yuborasiz. Qaror bir minutda chiqadi* — sizga taklif qilingan foiz stavkasi va tasdiqlangan limit ko‘rsatiladi.

Kredit tasdiqlanganidan keyin xavfsizlik uchun pul vaqtincha muzlatiladi. Mablag‘lardan foydalanish uchun 1150 raqamiga telefon qilib, arizangizni tasdiqlashingiz kerak.

Tasdiqlangandan keyin pul TBC UZ ilovasidagi hisobraqamingizga tushadi. Bu mablag‘ni ilovadagi istalgan Uzcard yoki Humo kartangizga o‘tkazishingiz mumkin.

TBC Kreditni nimalarga sarflasa bo‘ladi?

TBC Kredit — bu ipoteka yoki avtokredit emas, uni xohlaganingizday sarflasangiz bo‘ladi. Masalan, bu pulga maishiy texnika olishingiz, sayohat qilishingiz yoki o‘qishingizni to‘lashingiz mumkin. Shuningdek, TBC Kreditdan kundalik ehtiyojlar: kommunal to‘lovlar, do‘konlardagi xaridlar va pul o‘tkazish uchun foydalanish mumkin.

TBC Bank mijozlarga TBC UZ ilovasi orqali qulay va tezkor xizmatlarni taqdim etadi. Ariza topshirish jarayoni oson, mijozlar ehtiyojdan kelib chiqib online kredit olish imkoniyatlarini ko‘rib chiqishlari mumkin. Kredit shartlari mijozning moliyaviy ehtiyojiga qarab shakllantiriladi, shu sababli ayrim holatlarda kam foizli kreditlarga yaqin takliflar uchrashi mumkin. Barcha jarayonlar TBC UZ ilovasi orqali, rasmiy va xavfsiz tarzda amalga oshiriladi.

TBC Bankda kredit limiti

Ariza topshirishda kerakli kredit miqdorini o‘zingiz ko‘rsatasiz, keyin tizim siz uchun kredit limitini belgilaydi. Limit siz so‘ragan summadan ko‘p yoki kam bo‘lishi mumkin.

Kredit limiti miqdori bir qancha omillarga, shu jumladan kredit tarixiga ham bog‘liq. Agar kredit tarixingiz salbiy bo‘lsa, kredit berilish-berilmasligini ariza topshirib, tekshirib ko‘ring. Buning uchun:

1. TBC UZ ilovasida ro‘yxatdan o‘ting.
2. "Kredit" bo‘limida ariza to‘ldiring.
3. Javobni kuting.

Ijobiy qaror chiqsa, kreditni darhol rasmiylashtirishingiz mumkin. Ajratilgan limit faqat shu kunning oxirigacha amal qiladi, keyin arizani qaytadan topshirish kerak bo‘ladi.

TBC Bank’da onlayn kreditni to‘lash

Kreditning butun muddati davomida siz uni teng qismlarga bo‘lib, har oyning bir xil sanasida to‘lab borasiz. Agar kreditni tezroq yopishni xohlasangiz, muddatidan oldin to‘lovlar qilib borishingiz ham mumkin. Bunday har bir to‘lovdan keyin kreditning qolgan summasi va oylik to‘lovlar miqdori o‘zgarib boradi. To‘lov jadvalingizni TBC UZ ilovasida "Kredit" bo‘limida ko‘rishingiz mumkin.

Kreditni TBC UZ, payme, Paynet ilovalarida, shuningdek, Paynet terminallari va nuqtalarida to‘lasa bo‘ladi. Turli to‘lov usullari bo‘yicha bosqichma-bosqich yo‘riqnomani bu yerda topasiz.

Eslatib o‘tamiz, TBC UZ ilovasida kreditni to‘lash eng foydali usul hisoblanadi — komissiya 0%.

Nima uchun aynan TBC Bank’dan onlayn kredit olishadi?

Biz ortiqcha hujjatlarsiz, uzun navbatlarsiz va boshqa murakkab shartlarsiz qulay hamda xavfsiz kredit taklif qilamiz. Sizdan daromad to‘g‘risida ma’lumotnoma va garov so‘ramaymiz. TBC UZ ilovasida ariza topshirasiz — qaror bir minutda chiqadi. Ariza tasdiqlangan zahotiyoq mablag‘lar ilovadagi hisobraqamingizga o‘tkaziladi.