Hurmatli mijozlar,

 

Ushbu bilan sizga shuni ma’lum qilamizki, sanksiyalar ostidagi shaxslar yoki har taraflama qamrab oluvchi sanksiyalar qoʻllaniladigan mamlakatlar va mintaqalar bilan bogʻliq moliyaviy tashkilotlarning faoliyatini taqiqlovchi yoki cheklovchi turli xil sanksiya dasturlari mavjud (masalan, Amerika Qoʻshma Shtatlari Moliya Vazirligi Xorijiy aktivlarni nazorat qilish boshqarmasi (“OFAC”) (http: //www.treasury.gov/about/organizational-structure/offices/Pages/Office-of-Foreign-Assets-Control.aspx), Yevropa Ittifoqi (“YI”)  (http://eeas.europa.eu/ cfsp/sanctions/index_en.htm), BMT (https://scsanctions.un.org/search/) va boshqalar).

 

Muayyan sanksiyalarga qarab, aktivlarni muzlatish/musodara qilish, tranzaksiyalarni rad etish, kredit bermaslik yoki qonunga muvofiq boshqa tartib-taomillar uning oqibatlariga sabab boʻlishi mumkin.

 

Hozirgi kunda keng qamrovli sanksiyalar qoʻllanilib kelinayotgan davlatlar qatoriga Qrim, Kuba, Eron, Shimoliy Koreya va Suriya kiradi. Mijozlarga ushbu mamlakatlar yoki mintaqalar bilan bogʻliq boʻlgan tranzaksiyalar va bitimlarni amalga oshirish taqiqlanadi, agar bunday faoliyat taqiqlardan ozod qilinmagan yoki OFAC umumiy yoki maxsus litsenziyasiga tegishli boʻlgan taqdirda.

 

Bank oʻz faoliyatini amalga oshirishda qoʻllanilayotgan sanksiyalar rejimlariga muvofiq yuridik yoki jismoniy shaxs bilan mijoz yoki kontragent munosabatlarini oʻrnatmaydi yoki qoʻllab-quvvatlamaydi. Xalqaro sanksiyalar talablariga rioya qilish maqsadida Bank biznes hamkorlarini, mijozlarini, ularning vakolatli shaxslarini, benefisiar egalarini va kontragentlarini bitimlar boʻyicha sanksiyalar roʻyxatiga muvofiqligini tekshirib boradi.

 

Bank quyidagi sanksiyalar roʻyxatiga amal qiladi:

• BMTning sanksiyalar roʻyxati;
• YI sanksiyalar roʻyxati;
• Fransiyaning sanksiyalar ro‘yxati (Iqtisodiyot va moliya vazirligi);
• OFAC sanksiyalar roʻyxati;
• Buyuk Britaniyaning sanksiyalar roʻyxati.

 

Bundan tashqari, Bank mahalliy qonun hujjatlarida belgilangan boshqa sanksiyalar roʻyxatidan va/yoki Bankning yurisdiksiyasi yoki faoliyat doirasiga taalluqli roʻyxatlardan foydalanadi.

 

Bank BMT Xavfsizlik Kengashining 1373-sonli qarori (2001 yil) bilan belgilangan sanksiyalar ostidagi shaxslarga ish bilan bogʻliq munosabatlar oʻrnatmaydi va xizmat ko‘rsatmaydi. Turli sanksiyalar rejimlaridan kelib chiqadigan boshqa taqiqlar va cheklovlar mahalliy qonun hujjatlariga, sanksiyalar talablariga, aniqlangan xavflarga va ushbu xavflarni boshqarish uchun manbalarga muvofiq Bankning ichki hujjatlari bilan belgilanadi. Bank sanksiyalar qoʻllanilayotgan mamlakatlar hukumatlari bilan bogʻliq yuridik yoki jismoniy shaxslar bilan munosabatlar oʻrnatmaydi.

 

Ushbu bilan milliy va xalqaro qonunchilik doirasida qat’iy choralar koʻrilmasligi uchun yuqoridagi ma’lumotlarni inobatga olishingizni soʻraymiz