TBC Avto yangi mashina olishda qanday yordam beradi

TBC Avto — TBC Bank Uzbekistan ilovasidagi yangi servis. Unda rasmiy dilerlarning mashinalari bir joyga to‘plangan.
Servis orqali mashinalar va ular bo‘yicha takliflarni ko‘rish, shartlarni solishtirish va budjetingizga mos variantni tanlash mumkin. Mashina uchun to‘lovni o‘zingizga qulay usulda qilasiz. To‘liq to‘lashingiz, kreditga yoki 0% kreditga olishingiz mumkin.

TBC Avto’da har xil rusumdagi va toifadagi yangi mashinalar bor. Katalogda Chevrolet Damas’dan tortib, Mercedes-Maybach S-Class’gacha topasiz. Katalog doim yangilanib boradi.

Bitta rusum uchun har xil shartli takliflar bo‘lishi mumkin. Masalan, kreditga xarid qilganda boshlang‘ich to‘lov, kredit muddati va oylik to‘lov har xil bo‘ladi. 

TBC Avto’da minilgan mashinalar yo‘q. Servis faqat yangi mashinalar bilan ishlaydi.

TBC Avto’da mashinani bir nechta usulda qidirish mumkin.

Rusumi va modeli bo‘yicha. Qaysi mashinani olishni bilsangiz, uning rusumi va modelini tanlang. Shunda shu mashina bo‘yicha bor takliflarni ko‘rasiz. 

Solishtiruv natijalari bo‘yicha. Bir nechta mashinani topib, qaysi birini tanlashni bilmayotgan bo‘lsangiz, ularni filtrlarda belgilang va bir-biri bilan solishtirib ko‘ring. 

Byudjet bo‘yicha. Mashina uchun hozir qancha pul ajrata olishingizni yoki kreditga olmoqchi bo‘lsangiz, boshlang‘ich to‘lov uchun qancha pulingiz borligini kiriting. TBC Avto shu byudjetga mos avtomobillar va takliflarni ko‘rsatadi.

To‘plamlar bo‘yicha. Hali qaysi mashinani olishni bilmasangiz, tayyor takliflarni ko‘rib chiqing. Ular sotib olish shartlariga qarab guruhlangan. Masalan, 0% kreditli mashinalar alohida ko‘rsatiladi.

Har bir mashina uchun alohida kartochka bor. Unda mashinaning asosiy xususiyatlari va takliflari ko‘rsatiladi. Kredit variantida esa boshlang‘ich to‘lov, foiz stavkasi, kredit muddati va oylik to‘lovni ko‘rish mumkin. 

Mashina tanlaganingizdan keyin xarid usulini belgilang va rasmiylashtirishga o‘ting.

TBC Avto vakili siz bilan bog‘lanadi. U keyingi qadamlarni tushuntiradi. Sizga mos xarid shartlarini tanlashda yordam beradi va avtosalonda uchrashuv vaqtini belgilaydi.

Pul to‘liq to‘langanda. TBC Avto vakili avtosalondagi hujjat ishlariga yordam beradi va mashinani olguningizcha siz bilan bo‘ladi.

Kredit yoki 0% kreditga olinganda. Oldin kredit bo‘yicha qaror chiqariladi. Keyin TBC Avto vakili bilan birga o‘tirib, mashinani va uni shartlarni aniqlashtirasiz. Vakil tanlagan shartlaringiz asosida yakuniy arizani topshiradi va keyingi rasmiy ishlarda yordam beradi.

Hujjatlar yoki kredit shartlari bo'yicha hamma savollarga TBC Avto vakili javob beradi.
Jarayonda mashina rusumi, komplektatsiyasi yoki xarid shartlarini o‘zgartirmoqchi bo‘lsangiz, buni TBC Avto vakiliga ayting. U sizga boshqa variantni tanlash va keyingi qadamlarni moslashtirishga yordam beradi.

TBC Avto vakili nimalarda yordam berishi haqida batafsil alohida maqola yozganmiz.