Bugungi valyuta kursi

Bugungi kunda bugungi valyuta kursini kuzatish va valyutani ayirboshlash uchun bank filialiga yoki ayirboshlash shoxobchasiga borish shart emas. TBC Bank mijozlari xorijiy valyutani TBC UZ ilovasi orqali onlayn sotib olish yoki sotishlari mumkin. Shuningdek, valyuta kursi bugungi holatda tbcbank.uz saytida joylashgan konvertor orqali ro‘yxatdan o‘tmasdan ham ko‘rish mumkin.
 

Valyuta ayirboshlash kursi bir valyutaning boshqa valyutadagi qiymatini anglatadi. Masalan, dollar kursi deyilganda, bir AQSH dollari uchun qancha so‘m to‘lash kerakligi yoki ma’lum miqdordagi so‘m evaziga qancha dollar olish mumkinligi nazarda tutiladi.

Valyuta kurslarining bir necha turi mavjud va ular o‘rtasidagi farqni bilish muhim.

Markaziy bankning rasmiy kursi O‘zbekiston Respublikasi Markaziy banki tomonidan belgilanadi. U har kuni e’lon qilinadi va buxgalteriya hisobi, bojxona hisob-kitoblari hamda statistika uchun qo‘llaniladi.

Banklarda valyuta ayirboshlash ushbu kurs bo‘yicha amalga oshirilmaydi.

Bank kursi esa valyutani amalda sotib olish yoki sotishda qo‘llaniladigan kursdir. Konvertatsiya uchun bankning amaldagi kursidan foydalaniladi. U kun davomida o‘zgarishi mumkin. Ushbu kurs tarkibiga xarid va sotuv kurslari o‘rtasidagi farq, ya’ni spred ham kiradi.

Xarid va sotuv kurslari o‘zaro farqlanadi. Xarid kursi bo‘yicha bank mijozdan valyutani sotib oladi, sotuv kursi bo‘yicha esa mijozga valyuta sotadi. Sotuv kursi doimo xarid kursidan yuqori bo‘ladi.
 

Valyuta kursi turli iqtisodiy omillar ta’sirida o‘zgarib turadi.

Talab va taklif. Valyutaga bo‘lgan talab taklifdan tezroq oshsa, uning kursi ko‘tariladi.

Pul-kredit siyosati. Markaziy bankning foiz stavkalari bo‘yicha qarorlari milliy valyutaning jozibadorligiga ta’sir qiladi.

Savdo balansi. Eksport hajmining ortishi mamlakatga ko‘proq xorijiy valyuta kirib kelishiga yordam beradi va milliy valyutani qo‘llab-quvvatlashi mumkin.

Jahon voqealari. Geosiyosiy jarayonlar, xomashyo narxlari va yirik markaziy banklarning qarorlari valyuta bozorlariga ta’sir ko‘rsatadi.

Inflyatsiya. Inflyatsiya darajasi yuqori bo‘lsa, milliy valyutaning xarid qobiliyati pasayishi mumkin.
 

Valyutani ayirboshlashdan oldin bankning amaldagi kursini hisobga olish muhim.

Valyuta kurslari muntazam ravishda yangilanadi va valyuta sotib olish hamda sotish operatsiyalarida qo‘llaniladi. TBC UZ ilovasida konvertatsiyani tasdiqlashdan oldin yakuniy summani tekshirish tavsiya etiladi.

TBC Bank’da valyuta sotib olish yoki sotishda qo‘shimcha komissiya undirilmaydi. Mijoz operatsiya tasdiqlangan paytdagi amaldagi kurs bo‘yicha hisoblangan summani oladi.

Xalqaro to‘lovlarda ayrim o‘ziga xos jihatlar mavjud. Masalan, xorijda so‘m kartasi orqali to‘lov qilinganda avval so‘m AQSH dollariga, keyin esa to‘lov amalga oshirilayotgan mamlakat valyutasiga konvertatsiya qilinishi mumkin.
 

Valyutani onlayn konvertatsiya qilish bank bo‘limiga bormasdan turib valyuta sotib olish va sotish imkonini beradi.

TBC Bank’da bunday operatsiyalar uchun Visa Virtual kartasi kerak bo‘ladi. Uni TBC UZ ilovasida bir necha daqiqada ochish va faollashtirish mumkin.

Karta to‘ldirilgach, mablag‘larni amaldagi kurs bo‘yicha ayirboshlash mumkin. Barcha operatsiyalar masofadan turib amalga oshiriladi, kurs haqidagi ma’lumotlar esa ilova va valyuta kalkulyatorida aks etadi.

tbcbank.uz saytidagi kalkulyator barcha foydalanuvchilar uchun ro‘yxatdan o‘tmasdan ishlaydi. TBC UZ ilovasida esa kalkulyatordan foydalanish uchun avval tizimga kirish talab etiladi.

Kalkulyatorga o‘tish yo‘li:

Bosh sahifa → Valyuta kurslari → Batafsil → Kalkulyator

TBC Bank orqali valyuta ayirboshlash bir qator afzalliklarga ega:

Komissiyasiz. Valyutani sotib olish yoki sotishda qo‘shimcha to‘lov undirilmaydi.

Navbatsiz. Barcha operatsiyalar TBC UZ ilovasi orqali masofadan bajariladi.

Onlayn dolzarb kurs. Kurslar avtomatik yangilanadi va kalkulyator hisob-kitob uchun amaldagi ma’lumotlarni ko‘rsatadi.

Xalqaro o‘tkazmalar bir ilovada. Kelgan o‘tkazmalarni darhol so‘mga ayirboshlash yoki Visa Virtual kartasida AQSH dollarida saqlash mumkin.

Visa Virtual bilan xorijiy xaridlar. Valyutani kartada saqlab, chet el saytlarida yoki xorijda ortiqcha konvertatsiyasiz to‘lovlarni amalga oshirish mumkin.