Salom Card

Salom Card keshbeki — u nima va qanday ishlaydi?

Keshbek — bu xarid qilganingizda sarflagan pulingizning bir qismini qaytarib olish. Siz shunchaki, mahsulot yoki xizmat uchun to‘lov qilasiz, biz esa umumiy summani hisoblab, oy oxirida keshbekni kartangizga qaytaramiz. Masalan, agar Salom Card hamkoridan 100 000 so‘mga biror narsa sotib olsangiz, 5% keshbek olasiz. Ya’ni, kartangizga 5 000 so‘m qaytariladi.

Salom Card hamkorlari

Salom Cardning ikkita keshbek dasturi bor:

• Terminal orqali to‘lovlar uchun — 1%;
• Hamkorlardan xaridlar uchun — 5%.

Har ikki holatda ham xaridni terminal orqali Salom Card bilan to‘lashingiz kerak. Ba’zi hamkorlarda terminal yo‘q. Masalan, Korzinka Go yoki Yandex Go’da. Bunday holatda, ularning ilovasiga Salom Card’ni ulab, uni to‘lov uchun ishlatsangiz kifoya. Bunday xaridlar oddiy xaridlardan farq qilmaydi va ular uchun keshbek birdaniga hisoblanadi.

Hamkorlarning to‘liq ro‘yxatini ushbu sahifaning yuqori qismida ko‘rishingiz mumkin.

Xorijda keshbek

Salom Card Visa to‘lov tizimida ishlaydi. Ya’ni u bilan xorijdagi har qanday onlayn va oflayn xaridlarni to‘lash mumkin. Karta balansi so‘mda ko‘rsatiladi, ammo xorijiy valyutada to‘langanda summa bankning o‘sha vaqtdagi kursi bo‘yicha dollarga avtomatik aylantiriladi. Agar terminal orqali to‘lov qilinsa, bunday xaridlardan ham 1% keshbek olasiz.

Keshbek O‘zbekistondagidek sodda ishlaydi: qo‘shimcha shartlar yo‘q va hech narsani faollashtirish shartmas. Siz xorijda karta bilan to‘laysiz, bonus esa Salom Card’ga qolgan keshbeklar bilan birga qaytariladi — so‘mda. U kartaga tushgach, darhol uni sarflashingiz mumkin.

Keshbekdan qanday foydalaniladi? To‘lovlar, xaridlar, pul o‘tkazmalari

Biz oy davomida yig‘ilgan hamma keshbkni Salom Card kartangizga avtomatik o‘tkazamiz. U so‘mda bo‘ladi. Shuning uchun uni istalgancha sarflashingiz mumkin. Masalan, pul o‘tkazmalari, xaridlar, naqd yechish, to‘lovlar va boshqa xarajatlar uchun.

Keshbek limitlari

Salom Card’da xaridlar uchun cheklovlar yoki ma’lum bir hamkordan olinadigan keshbek miqdori bo‘yicha chegara yo‘q. Buning o‘rniga, oyiga faqat bitta umumiy keshbek limiti bor — 500 000 so‘m. Shunchaki, Salom Card’dan foydalaning, keshbek esa o‘z-o‘zidan yig‘ilib, har oy oxirida kartangizga qaytariladi.

Kartaning boshqa bonuslarining ham o‘z limitlari bor. Lekin ular keshbek bilan bog‘liq emas. Ya’ni, siz hamma to‘lovlardan jami 500 000 so‘mgacha keshbek olishingiz, bankomatdan 10 mln so‘mgacha naqd yechganda, komissiyani qaytarishingiz, pul o‘tkazganda, komissiyalarni tejash imkoniga egasiz. Shuningdek, kartada qolgan pul uchun yillik 12% daromad olasiz.

Salom Card’ni qanday buyurtma qilish va keshbek olishni boshlash mumkin?

Salom Card’ni faqat onlayn — TBC UZ ilovasida ochish mumkin. Ro‘yxatdan o‘ting, "Kartalar" bo‘limiga kiring va Salom Card’ni tanlang. Biz kartani 3 kun ichida yoki undan oldin bepul chiqarib, uyingizgacha yetkazib beramiz.

Keshbek olish uchun hech narsani faollashtirish shartmas. Shunchaki, Salom Card bilan xaridlarni to‘lang. Qolgan bonuslar ham xuddi shunday ishlaydi:

• Kartangizda kamida 100 000 so‘m pul saqlang va kartada turgan puldan yillik 12% daromad oling.
• TBC UZ ilovasida komissiyasiz pul o‘tkazing.
• Bankomatdan naqd yechib oling, biz esa komissiyani qaytaramiz.

Shunchaki Salom Card’dan foydalaning, hamma bonuslar avtomatik to‘planib, har oyda kartangizga qaytariladi — ularni xohlagan joyingizda va vaqtingizda sarflashingiz mumkin.