Korrupsiyaga qarshi kurash: bankimiz pozitsiyasi

Korrupsiya va poraxo‘rlik moliyaviy tizimga bo‘lgan ishonchni yo‘qqa chiqaradi
hamda iqtisodiyot rivojlanishiga to‘sqinlik qiladi. Bankimiz haqqoniylik, shaffoflik va
axloqiy biznes yuritish tamoyillariga qat’iy rioya etadi. Shuningdek, O‘zbekiston
Respublikasi qonunchiligi va ichki me’yoriy hujjatlar talablarini so‘zsiz bajaradi.

O‘zbekiston Respublikasining "Korrupsiyaga qarshi kurashish to‘g‘risida"gi
qonuni, Buyuk Britaniyaning 2010-yilgi "Poraxo‘rlik to‘g‘risida"gi qonuni kabi
xalqaro standartlar, shuningdek, moliyaviy jinoyatlarning oldini olish sohasidagi
yo‘riqnomalar asosida, Bank poraxo‘rlik va korrupsiyaga qarshi kurashish
hamda soliqdan qochishga ko‘maklashishni oldini olish siyosatini joriy etdi.

Korrupsiya – bu xizmat vakolatlaridan shaxsiy manfaatlar yo‘lida foydalanish.
Korrupsiya ko‘rinishlariga quyidagilar kiradi:

• pora olish yoki pora taklif qilish;
• xizmat ma’lumotlaridan shaxsiy maqsadlarda foydalanish;
• uchinchi shaxslarga asossiz imtiyozlar berish;
• qaror qabul qilishga noqonuniy ta’sir ko‘rsatish.

Bankda korrupsiya va poraxo‘rlikning har qanday ko‘rinishi taqiqlanadi.

Pora – xodimning harakatlariga ta’sir o‘tkazish maqsadida beriladigan har
qanday imtiyoz.
Bunga quyidagilar kiradi:

•  pul mablag‘lari;
• sovg‘alar va rag‘batlantirish vositalari;
• xizmatlar va imtiyozlar;
• jarayonlarni tezlashtirish uchun norasmiy to‘lovlar;
• oqilona ish munosabatlari doirasidan tashqari bo‘lgan takliflar va mehmondo‘stlik belgilari.

Bank bunday xatti-harakatlarga nisbatan mutlaq murosasizlik siyosatini olib
boradi.

Korrupsiyaviy xavf-xatarlarning oldini olish maqsadida Bank quyidagilarni joriy etdi:

•  Ishbilarmonlik bo‘yicha axloqiy me’yorlar;
• sovg‘alar va mehmondo‘stlik belgilarini ro‘yxatga olish tartibi;
• mijozlar va hamkorlarni tekshirish uchun KYC/AML jarayonlari;
• ichki nazorat va operatsiyalarni kuzatish tizimi;
• qoidabuzarliklar haqida xabar berish yo‘llari;
• xodimlarni muntazam o‘qitish dasturlari.

Ushbu chora-tadbirlar mijozlarning xavfsizligini va Bank faoliyatining
barqarorligini ta’minlaydi.

Biz mijozlar va hamkorlarimizni quyidagilarga chaqiramiz:

• xodimlarga sovg‘alar, mukofotlar yoki boshqa imtiyozlar taklif etmaslikka;
• Bank bilan munosabatlarda ishbilarmonlik bo‘yicha axloqiy me’yorlar amal qilishga;
• korrupsiya va imkoniyatlarni suiiste’mol qilish holatlari haqida ma’lumot olganda, bu haqda xabar berishga.

Sizning mas’uliyatli xatti-harakatingiz korrupsiyaga qarshi kurashning muhim
qismi hisoblanadi.

Quyidagi kanallar orqali murojaat qilishingiz mumkin:

• rasmiy elektron pochta manzili: incident_compliance@tbcbank.uz;
• qayta aloqa shakli.

Murojaatlar anonim tarzda yuborilishi mumkin.
Xabar beruvchilar tazyiq va ta’qibdan himoyalangan.

Bank haqqoniy va poraxo‘rlikka qarshi muhitni yaratishga intiladi. Korrupsiyaga qarshi siyosatga rioya qilish har bir xodimning majburiyati va mijozlar, hamkorlar hamda jamiyat bilan munosabat o‘rnatiladigan ishonchning asosidir.