Tadbirkor TBC Business’da kreditni qanday rasmiylashtirishi mumkin
Nataly Fein
Agar biznesingizga tovar xarid qilish, bayramlarga tayyorgarlik ko‘rish, ishlab chiqarishni kengaytirish yoki boshqa maqsadlar uchun pul kerak bo‘lsa, TBC Business orqali kredit rasmiylashtirishingiz mumkin. Jarayon oddiy, butunlay onlayn bo‘lib, ariza bo‘yicha qaror esa uch ish kunida qabul qilinadi.
Yuridik shaxs yoki yakka tartibdagi tadbirkor kredit olish uchun nima qilishi kerakligini aytib beramiz.
Kredit shartlariga mos kelishingizni tekshiring
TBC Business krediti allaqachon faoliyat yuritayotgan va aniq aylanmaga ega bo‘lgan kompaniyalar uchun taqdim etiladi. Asosiy talablar:
- biznes kamida 6 oydan beri ishlashi
- kompaniya va ta’sischi kechikishlarsiz sof kredit tarixiga ega bo‘lishi
- ta’sischi O‘zbekiston rezidenti bo‘lishi
hisoblar bo‘yicha bloklar yo‘qligi
Agar siz ushbu shartlarga mos kelsangiz kredit olish uchun ariza topshirishingiz mumkin. Agar yo‘q bo‘lsa, avval mos kelmaydigan joylarini aniqlab oling: muddati o‘tgan to‘lovlarni yoping, biznesingiz faoliyatini yo‘lga qo‘ying, zarur muddatni kuting, so‘ng kredit olish uchun murojaat qiling.
Ariza topshirishdan oldin TBC Business’da hisob oching
Kreditni rasmiylashtirish uchun avval TBC Business’da hisob raqami ochish kerak. Agar bankda hisobingiz bo‘lsa, keyingi bo‘limga o‘tishingiz mumkin.
Hisobni bankning saytida onlayn ochish mumkin. Ro‘yxatdan o‘tish telefon raqami va pasport yoki ID-karta ma’lumotlari orqali amalga oshiriladi. Ro‘yxatdan o‘tgandan so‘ng, hisob avtomatik ravishda ochiladi va undan darhol foydalanish mumkin: rekvizitlar bo‘yicha to‘lovlarni qabul qilish, kontragentlarga pul o‘tkazish va biznes xarajatlarini to‘lash.
Kredit olish uchun ariza topshiring
Arizani TBC Business shaxsiy kabinetida rasmiylashtirish mumkin. Buning uchun quyidagilarni bajaring:
1. Shaxsiy kabinetga kiring
2. “Kreditni rasmiylashtirish” bo‘limini tanlang
3. Kerakli summa va to‘lov muddatini ko‘rsating
Kreditning maksimal summasi — 300 mln so‘mgacha, garov va kafillar talab etilmaydi.