TBC Uzbekistan’ning 2024-yilning uchinchi choragi va birinchi to‘qqiz oyi uchun MHXS bo‘yicha moliyaviy natijalari

TBC Uzbekistan’ning 2024-yilning uchinchi choragi va birinchi to‘qqiz oyi uchun MHXS bo‘yicha moliyaviy natijalari: kredit portfeli yildan-yilga 104 foizga o‘sib, 5,86 trillion so’mga yetdi, sof foyda 97 foizga o‘sib, 343 milliard so’mni tashkil etdi.

Toshkent, O‘zbekiston — 2024-yil 6-noyabr. TBC Bank Uzbekistan mobil banki va payme raqamli to‘lovlar ilovasini o‘z ichiga olgan Markaziy Osiyodagi yetakchi raqamli bank ekotizimi bo‘lgan TBC Uzbekistan bugun 2024 yilning uchinchi choragi va birinchi to‘qqiz oyi uchun MHXS bo‘yicha yig‘ma moliyaviy natijalarni e‘lon qiladi.

TBC Uzbekistan raqamli banking ekotizimi London fond birjasida savdo qilinadigan TBC Bank Group PLC («Guruh») tarkibiga kiradi.

TBC Uzbekistan hisobot davrida yuqori natijalarni ko‘rsatdi: barcha asosiy ko‘rsatkichlar bo‘yicha ahamiyatli o‘sish qayd etildi.

Portfelning jadal o‘sishi: 2024-yil 30-sentabr holatiga ko‘ra kredit portfeli 5,86 trillion so’mgacha o‘sdi (o‘sish o‘tgan yilning shu davriga nisbatan 104 foizni tashkil etdi). Kompaniya O‘zbekiston bozoridagi ulushini oshirishda davom etmoqda: 2024-yil 30-sentabr holatiga ko‘ra naqd pul va mikroqarz ko‘rinishidagi kreditlarining bozor ulushi 14,8 foizni tashkil etdi (2023-yil yakunlariga ko‘ra — 13,9 foiz edi). TBC Uzbekistan’ning TBC Bank Group natijalariga qo‘shgan hissasi ortib bormoqda: 2024-yil 30-sentabr holatiga ko‘ra, Guruh portfelidagi iste‘mol kreditlarining umumiy hajmning 13 foizi TBC Uzbekistanga to‘g‘ri keldi.

Jismoniy shaxslar omonatlarining yuqori o‘sish sur’atlari: Omonatlar hajmi 2024-yil 30-sentabr holatiga ko‘ra 4,0 trillion so’mgacha oshdi (o‘tgan yilning shu davriga nisbatan 70 foizga o‘sish), bu O‘zbekistondagi bunday omonatlarning umumiy hajmining 3,5 foizni tashkil etadi. 2024-yil 30-sentabr holatiga ko‘ra, TBC Bank Group jismoniy shaxslar omonatlari portfelining 10 foizi TBC Uzbekistan’ga to‘g‘ri keldi.

Yuqori rentabellik ko‘rsatkichlari:

Umumiy operatsion daromad 2024-yilning uchinchi choragida 520 milliard so’mgacha oshdi (o‘sish o‘tgan yilning shu davriga nisbatan 103 foizni tashkil etdi), TBC Bank Group umumiy operatsion daromadining 15 foizi TBC Uzbekistan’ga to‘g‘ri keldi. Sof foiz marjasi (NIM) 2024-yilning uchinchi choragida 25 foizni tashkil etdi.

Sof foyda 2024-yilning uchinchi choragida rekord darajadagi 147,6 milliard so’mga ko‘tarildi (o‘tgan yilning shu davriga nisbatan 132 foizga o‘sish) va 2024-yilning birinchi to‘qqiz oyida 343 milliard so’mni tashkil etdi (o‘tgan yilning shu davriga nisbatan 97 foizga o‘sish). 2024-yilning uchinchi chorak yakuni bo‘yicha TBC Bank Group sof foydasining 9 foizi TBC Uzbekistanga to‘g‘ri keldi. Kapital rentabelligi (ROE) 2024-yilning uchinchi choragida 28,2 foizni va 2024-yilning birinchi to‘qqiz oyida 26,6% foizni tashkil etdi.

Mijozlar bazasining o‘sishi: 2024-yil 30-sentabr holatiga ko‘ra, TBC Uzbekistan’da 17 million noyob foydalanuvchi ro‘yxatdan o‘tgan (o‘tgan yilning shu davriga nisbatan 40 foizga o‘sgan), bu esa kompaniyani Markaziy Osiyodagi eng yirik raqamli bank ekotizimlari qatoriga kiritadi. Oylik faol foydalanuvchilar soni (MAU) 5 million deb qayd etildi (2023-yilning uchinchi choragiga nisbatan 34 foizga o‘sish).

Boshqa muhim voqealar:

●       TBC Bank Uzbekistan xalqaro to‘lovlar va pul o‘tkazmalari infratuzilmasini rivojlantirish uchun Visa va Mastercard bilan uzoq muddatli strategik hamkorlik to‘g‘risidagi shartnomalarni imzoladi. Bu bank mijozlari uchun to‘lov yechimlari tanlovini kengaytiradi va ularga onlayn xaridlar, xalqaro tranzaksiyalar va pul o‘tkazmalaridan foydalanishni osonlashtiradi.

●       TBC Bank Uzbekistan Shveytsariyaning impakt investitsiyalariga ixtisoslashgan responsAbility Investments AG kompaniyasidan 10 million AQSh dollarlik qo‘shimcha kreditni jalb qildi. Bu kompaniyalar o‘rtasidagi uchinchi bitim: natijada responsAbility Investments tomonidan TBC UZ olgan moliyalashtirishning umumiy hajmi 35 million AQSh dollariga yetdi. Yangi mablag‘lar bankka jamg‘arma manbalarini diversifikatsiya qilishni davom ettirib, kredit portfelini yanada oshirib, O‘zbekistonda moliyaviy xizmatlardan foydalanish imkoniyatlarini kengaytirishga imkon beradi.

●       TBC Bank Uzbekistan o‘zining Salom flagman debet kartasini taqdim etdi. Karta TBC Uzbekistanning raqamli banking ekotizimiga kirish uchun asosiy nuqta va mijozlar uchun asosiy to‘lov vositasi bo‘ladi. Birinchi bosqichda kartadan eksklyuziv tartibda faqat kutish ro‘yxatidagi obunachilar foydalana oladilar, shundan so‘ng karta uchun arizalar barcha xohlovchilardan qabul qilinadi.

●       TBC Bank Uzbekistan Friends & Family TBC Business rejimida kichik va o‘rta biznes va yakka tartibdagi tadbirkorlar uchun mamlakatdagi birinchi to‘liq raqamli bank servisini hamda kredit kartasini ishga tushirdi. Dastlabki bosqichda ushbu mahsulotlar cheklangan miqdordagi mijozlar uchun imkoniyatli bo‘ladi va yil oxirigacha keng foydalanuvchilar uchun ishga tushiriladi.

Nika Kurdiani, TBC Uzbekistan bosh direktori:

«Biz mijozlar bazasini kengaytirish bilan bir paytda tez sur’atlar bilan daromadli o‘sishda davom etmoqdamiz. Ushbu hisobot davri yakuniga ko‘ra bizda allaqachon 17 million noyob foydalanuvchilar ro‘yxatdan o‘tgan — o‘tgan yilning 9 oyiga nisbatan 40 foizga ko‘p. Bu bizni nafaqat O‘zbekistonda, balki Markaziy Osiyo mintaqasida ham eng yirik raqamli moliyaviy ekotizimlardan biriga aylantiradi.

Uchinchi chorakda biz rekord darajadagi 147,6 milliard so’mga teng foyda ko‘rsatkichiga erishdik (o‘tgan yilning shu davriga nisbatan 132 foizga ko‘p), 2024-yilning 9 oyi uchun sof foyda 343 milliard so’mni tashkil etdi.

Asosiy biznes yo‘nalishlarimiz o‘sib borar ekan, biz qo‘shimcha daromad manbalari uchun poydevor yaratish maqsadida, mahsulotlarimizni kengaytirish va diversifikatsiya qilishga faol sarmoya kiritmoqdamiz.

Shuningdek, biz to‘lov infratuzilmasini faol rivojlantirmoqdamiz va eng yirik xalqaro to‘lov tizimlari — Visa va Mastercard bilan strategik shartnomalar imzoladik, bu bizga mijozlarimiz uchun xalqaro to‘lovlar va pul o‘tkazmalari imkoniyatlarini kengaytirishga yordam beradi.

Biz faol o‘sish bosqichidamiz, mijozlarimiz uchun yangi mahsulotlar va xizmatlarni yo‘lga qo’ymoqdamiz, infratuzilmaga sarmoya kiritgan xolda TBC Bank Group natijalariga qo‘shayotgan hissamizni oshirmoqdamiz. Va bularning barchasiga erishishimizga sababchi «Odamlar hayotini osonlashtirish» bo‘lgan maqsadimizga sodiq qolgan TBCning fantastik jamoasi hisoblanadi».

Qo‘shimcha ma’lumot uchun:

E-mail: pr@tbcbank.uz