TBC Bank Uzbekistan Shveytsariyaning Blue Orchard investoridan 25 million AQSH dollarini jalb qildi

Toshkent, Oʻzbekiston – 2024-yil, XXX-avgust, mamlakatning eng yirik mobil banki boʻlgan TBC Bank Uzbekistan (TBC UZ) Shveytsariyaning Blue Orchard impakt-investitsiyaga ixtisoslashtirilgan kompaniyasidan 25 million AQSH dollarini uzoq muddatga jalb qilganini eʼlon qiladi.

Mablagʻlar TBC UZ ekotizimini rivojlantirishga yoʻnaltiriladi, bu esa bankning kredit portfelining oʻsishiga va Markaziy Osiyodagi eng ko‘p aholiga ega Oʻzbekistonda moliyaviy xizmatlardan foydalanish imkoniyatlarini oshirishga yordam beradi. TBC UZ moliyalashtirish manbalarini diversifikatsiya qilish strategiyasining bir qismi sifatida shu yil boshida responsAbility Investments AG kompaniyasidan ham 10 million AQSH dollarida kredit jalb qilgan edi.

TBC UZ Markaziy Osiyodagi yetakchi raqamli bank ekotizimi bo‘lgan TBC Uzbekistan’ning bir qismi bo‘lib, unga jismoniy shaxslar va kichik biznes uchun raqamli to‘lovlar ilovasi payme hamda payme Nasiya kiradi (payme – muddatli omonat) – xaridlarni boʻlib toʻlash xizmati. TBC Uzbekistan ekotizimi London fond birjasida ishtirok etadigan TBC Bank Group PLC tarkibiga kiradi.

Nika Kurdiani, TBC Uzbekistan bosh direktori:

“Orchard kompaniyasidan ushbu katta miqdordagi mablag‘ni moliyalashtirganimizdan mamnunmiz. Bu bizga moliyalashtirish manbalarini diversifikatsiya qilishni kuchaytirish va kredit portfelimizni kengaytirishni davom ettirish, O‘zbekistonda moliyaviy xizmatlardan foydalanish imkoniyatlarini oshirish imkonini beradi. Bizning maqsadimiz mijozlarning hayotini yanada qulayroq va yaxshiroq qilishga yordam beradigan innovatsion raqamli moliyaviy yechimlarni taqdim etishdir. Bu borada Blue Orchard kompaniyasi ham bizning sa’y-harakatlarimizni qo‘llab-quvvatlagani uchun o‘z minnatdorchiligimizni bildiramiz”.

Filip Myuller, Blue Orchard bosh direktori:

“Biz TBC Bank Uzbekistan bilan hamkorlik qilishdan va ularning Markaziy Osiyoda bo‘yicha mijozlarning hayot sifati va moliyaviy xizmatlardan foydalanish imkoniyatlarini yaxshilashga qaratilgan zamonaviy raqamli bank texnologiyalarini qo‘llab-quvvatlashdan mamnunmiz. Bizning sarmoyamiz TBC UZ’ga yordam berib, moliyaviy xizmatlarni koʻproq odamlar uchun ochiq boʻlishini taʼminlaydi hamda mintaqaning iqtisodiy barqarorligi va rivojlanishiga sabab bo‘ladi”.

Blue Orchard Finance kompaniya haqida

Blue Orchard investitsiyalar bo‘yicha yetakchi kompaniya hisoblanib, Schroders guruhi tarkibiga kiradi. Impakt investitsiyalar bo‘yicha kompaniya sifatida investorlarga jozibador daromad keltirish bilan birga jamoalar va atrof-muhitga doimiy ijobiy ta’sir ko‘rsatishga intiladi. Blue Orchard 2001-yilda Birlashgan Millatlar Tashkiloti tashabbusi bilan butun dunyo bo‘ylab mikromoliyaviy qarz investitsiyalarining birinchi tijorat kompaniyasi sifatida tashkil etilgan. Bugungi kunda kompaniya ko‘chmas mulkka investitsiya yechimlarini barcha uchun ochiq qilish va kapitaldan ongli ravishda foydalanishni rag‘batlantirish maqsadida rivojlanayotgan va chegaradosh bozorlardagi millionlab tadbirkorlarni investorlar bilan tanishtirib, ko‘plab aktiv sinflar bo‘yicha investitsiya yechimlarini taklif etadi. Professional investitsiya kompaniyasi va innovatsion aralash moliya vakolatlari bo‘yicha mutaxassis sifatida Blue Orchard kuchli xalqaro investorlar bazasiga ega bo‘lib, dunyodagi yetakchi rivojlanish moliya institutlarining ishonchli hamkori hisoblanadi. Bugungi kunga qadar Blue Orchard investitsiyalari 100 dan ortiq mamlakatlarni qamrab oladi, umumiy investitsiyalar hajmi 11 milliard dollardan oshadi. 2023-yil dekabr holatiga ko‘ra, bu investitsiyalar rivojlanayotgan va chegaradosh iqtisodiyotlarda 300 milliondan ortiq kishiga foyda keltirdi. Batafsil ma'lumot kompaniya veb-saytida mavjud: https://www.blueorchard.com/ .

TBC Uzbekistan haqida

TBC Uzbekistan Markaziy Osiyodagi yetakchi raqamli bank ekotizimi hisoblanib, London fond birjasida ro‘yxatga olingan TBC Bank Group tarkibiga kiradi.

TBC Uzbekistan tarkibiga uchta jadal rivojlanayotgan fintex bizneslar kiradi: TBC UZ mobil banki, jismoniy shaxslar va kichik biznes uchun raqamli to‘lovlar uchun payme ilovasi va muddatli to‘lov bo‘yicha payme nasiya.

TBC Uzbekistan o‘zining texnologik platformasi, xalqaro jamoa tajribasi va iste’mol kreditiga yo‘naltirilgan strategiyasiga tayanib, faol rivojlanmoqda. Kompaniya bozor imkoniyatlaridan muvaffaqiyatli foydalanmoqda, bunda bank xizmatlarining past kirib borishi raqamli texnologiyalarni yaxshi biladigan auditoriya orasida zamonaviy moliyaviy yechimlarga talabning ortib borishi bilan uyg'unlashmoqda.

TBC Uzbekistan ishga tushganidan so‘ng ikki yil o‘tib, daromadlilik bo‘yicha dunyo raqamli banklarining ichida rekord raqamni o‘rnatdi; hozirda ro‘yxatdan o‘tgan foydalanuvchilarning umumiy soni 16 millionga yetdi. 2024-yilning birinchi yarmida kompaniya 16 million AQSh dollari miqdorida sof foyda ko‘rdi va uning kredit va omonat portfeli o‘tgan yilga nisbatan mos ravishda 113% va 58% ga o‘sdi. TBC Bank Uzbekistan Fitch Ratings agentligining barqaror prognozli “BB-” reytingini (O‘zbekistonning mamlakat reytingiga teng) qozondi.