TASDIQLANGAN

“TBC Bank” ATBning

2025 yil _______dagi ____-sonli

Boshqaruv bayonnomasi bilan

Boshqaruv Raisi

Tetrashvili S.

_______________________

“TBC Bank” ATB

bank mahsulotlari va xizmatlarini taqdim etilishi boʻyicha

BOSH SHARTLARI

(yangi tahrir)

 
1-bob. Kirish va tuzilishi ...................................................................................................................3 
2-bob. Atamalar va ta’riflar ..............................................................................................................5 
3-bob. Bank xizmatlari taqdim etilishining umumiy shartlar ..................................................... 11 
4-bob. Bank hisobvaragʻi shartnomasi ..........................................................................................12 
5-bob. Bank kartalari. Bank kartasini/virtual bank kartasini ochish va unga xizmat 
koʻrsatish uchun shartnoma ................................................................................................................16 
6-bob. “VISA” xalqaro bank kartasini / “VISA” virtual xalqaro bank kartasi ochish va unga 
xizmat koʻrsatish uchun shartnoma ...................................................................................................21 
7-bob. Kredit mahsulotlarining umumiy shartlari .....................................................................277 
8-bob. Kredit mahsulotlarini taqdim etish tartibi ......................................................................311 
9-bob. Tadbirkorlik subyektlariga xizmat ko‘rsatish ..................................................................32 
10-bob. Aloqa   ....................................................................................................................................33 
11-bob. Mijozni identifikatsiyalash / masofaviy (raqamli) identifikatsiyalash ............................35 
12-bob. Tasdiqnomalar va kafolatlar ...............................................................................................35 
13-bob. Tomonlarning qoʻshimcha huquqlari va majburiyatlari .................................................37 
14-bob. Tomonlarning javobgarligi .................................................................................................40 
15-bob. Fors-major holatlar ..............................................................................................................41 
16-bob. Mijoz ma’lumotlari va maxfiylik ........................................................................................41 
17-bob. Korrupsiyaga qarshi choralar ............................................................................................47 
18-bob. Bosh Shartlarga muvofiq tuzilayotgan shartnomalarga qoʻshimcha va oʻzgartirishlar 
kiritish, muddatidan oldin bekor qilish va voz kechish ....................................................................48 
19-bob. Boshqa qoidalar ..................................................................................................................499 
20-bob.  Bank  bilan  O‘zbekiston  Respublikasining  norezidenti  bo‘lgan  Mijoz  o‘rtasidagi 
munosabatlarni tartibga solishning o‘ziga xos xususiyatlari ……………………………………... 49  
1-ilova. ………………………………………………………………………………………………54 

2-ilova.

………………………………………………………………………………………………О

шибка! Закладка не определена.5

1-bob. Kirish va tuzilishi

1.1. Bank mahsulotlari va xizmatlarini taqdim etish bo‘yicha ushbu Bosh Shartlar “TBC Bank”

aksiyadorlik tijorat bankining (bundan keyin matnda - Bank) jismoniy shaxslarga va/yoki o‘zini

o‘zi band qilgan shaxslarga (bundan keyin matnda - Mijoz) Bank tomonidan taklif etiladigan

xizmatlarni, shu jumladan onlayn xizmatlarni ko‘rsatish bo‘yicha rasmiy taklifi (oferta)

hisoblanadi va bank xizmatlaridan foydalanish jarayonida Tomonlarning huquq va

majburiyatlarini, shuningdek jarayonlarni tartibga soladi.

1.2. Bank va Mijoz o‘rtasidagi munosabatlar bank mahsulotlari va xizmatlarini taqdim etish bo‘yicha

ushbu Bosh Shartlar (bundan keyin matnda “BSh” deb yuritiladi) bilan tartibga solinadi, ular

quyidagi hujjatlardan iborat:

1.2.1. Ariza/Talabnoma (ilgari Shartnoma/Ariza) / onlayn Bank hisoblarini ochish, ularga

xizmat ko‘rsatish va boshqa bank xizmatlarini taqdim etish uchun ariza/Talabnoma;

1.2.2. www.tbcbank.uz saytida koʻrsatilgan xizmatlar tariflari;

1.2.3. Ba’zi Bank mahsulotlari va xizmatlari boʻyicha shartnomalar;

1.2.4. Bank tomonidan joriy va / yoki kelajakdagi xizmatlarni koʻrsatish va tartibga solish

uchun kiritilishi mumkin boʻlgan har qanday qoʻshimcha qoidalar, shartlar, takliflar

va ilovalar.

1.2.5. 1.2.1.-1.2.5. - bandlarida koʻrsatilgan BShga va hujjatlarga qoʻshilgan har qanday

ilovalar, oʻzgartirishlar va qoʻshimchalar, Bank va Mijoz oʻrtasida ma’lum bir

xizmatni koʻrsatish toʻgʻrisida tuzilgan (tegishli BShga muvofiq qanday tashkil

etilganligidan qat’i nazar) BShning ajralmas qismi boʻlib, ular ushbu BSh bilan

birgalikda hisobga olingan holda tegishli kontekstda sharhlanishi kerak.

1.2.6. Mijoz ushbu BShlarni oʻqishi, tanishishib chiqishi va 1.2.1.-1.2.5. – bandlarda

koʻrsatilgan kerakli hujjatlarni toʻldirishi va imzolashi / tasdiqlashi / qabul qilishi

kerak, bu bilan u ushbu BShlarni oʻqiganligini va bilishini va ular bilan rozi ekanligini,

va Mijoz oʻz tomonidan taqdim etgan ma’lumotlarning ishonchli va toʻgʻri ekanligini

maʻlum qiladi va tasdiqlaydi.

1.2.7. Mijoz Bankka shaxsini tasdiqlovchi haqiqiy hujjatni (pasport yoki O‘zbekiston

Respublikasining amaldagi qonunchiligi normalariga muvofiq pasport o‘rnini

bosuvchi hujjat) taqdim etadi, uning ma’lumotlari Ariza/talabnoma yoki onlayn

ariza/talabnoma, shartnomalar va Bankning boshqa ma’lumotlar bazalariga kiritiladi.

1.2.8. Agar Mijoz xizmatni olish uchun zarur bo‘lgan ishonchli hujjatlarni (tegishli ravishda

to‘ldirilgan) va/yoki ishonchli va to‘liq ma’lumotlarni tegishli ravishda to‘ldirmasa,

imzolamasa/akseptlamasa va/yoki Bankka taqdim etmasa, shuningdek, amaldagi

qonun hujjatlarida nazarda tutilgan asoslarga ko‘ra, Bank Mijozga xizmat ko‘rsatishni

rad etishi mumkin.

1.2.9. Bank oʻz xizmatlarini faqat tegishli Arizaning (Talabnomaning) majburiy satrlari

Mijoz tomonidan toʻldirganidan soʻng va Bankka soʻralgan hujjatlar va / yoki

ma’lumotni taqdim etib, Ariza/Talabnomani (avvalgi Shartnoma/Ariza)

imzolaganidan yoki onlayn Ariza/Talabnomani qabul qilganidan soʻng taqdim etishni

boshlaydi.

1.2.10. Ushbu BShni tasdiqlash/qabul qilish orqali Mijoz Bankka har qanday mumkin boʻlgan

kanallar orqali Mijoz tomonidan taqdim etilgan va / yoki uchinchi shaxslardan olingan

istalgan ma’lumotni Mijoz tekshirishi mumkinligiga rozilik beradi.

1.2.11. Mazkur BShni tasdiqlash/qabul qilish orqali Mijoz bank hisobvaragʻini ochishga oʻz

roziligini beradi.

1.2.12. Zarur boʻlganda, Oʻzbekiston Respublikasining amaldagi qonunchiligi talablari

asosida ma’lum bir bank xizmatini olish uchun Mijoz Bankka hujjatlarning asl

nusxalarini yoki ularning notarial tasdiqlangan nusxalarini taqdim etishi shart.

1.2.13. Mijoz Bankka taqdim etilgan har qanday hujjatlarning haqiqiyligi, ishonchliligi,

asosliligi va toʻgʻriligi uchun shaxsan javob beradi.

1.2.14. Bank Mijozdan Oʻzbekiston Respublikasining qonunlarida belgilangan tartibda

boshqa mamlakatda berilgan hujjatlarni tarjima qilish, apostil qoʻyish yoki

qonuniylashtirishni talab qilishga haqlidir.

1.3. Bank Mijozga ushbu BShda koʻrsatilgan barcha bank xizmatlarini faqat naqd pulsiz shaklda,

kassa operatsiyalarni amalga oshirmasdan taqdim etadi.

1.4. Bank OFAC, FATF, YI (EC), BMT (UN), Fransiya sanksiyalar roʻyxati (Iqtisodiyot va moliya

vazirligi), shuningdek, Buyuk Britaniyaning sanksiyalar roʻyxatiga kiritilgan jismoniy va yuridik

shaxslar bilan biznes munosabatlarga kirishmaydi.

1.5. Bank oʻz faoliyatini amalga oshirishda amaldagi sanksiyalar rejimlariga muvofiq yuridik yoki

jismoniy shaxs bilan mijoz yoki kontragent munosabatlarini oʻrnatmoqchi yoki qoʻllab-

quvvatlamoqchi emas. Xalqaro sanksiyalar talablariga javob berish maqsadida Bank biznes

hamkorlari, mijozlari, ularning vakolatli shaxslari, benefisiar egalari va kontragentlarining

bitimlari boʻyicha sanksiyalar ro‘yxatiga muvofiqligini lozim darajada tekshiruvini amalga

oshiradi.

1.6. Bank sanksiyalar qoʻllanilgan mamlakatlar hukumatlari bilan bogʻliq boʻlgan yuridik yoki

jismoniy shaxslar bilan munosabatlarga kirishmaydi.

1.7. Bundan tashqari, Bank mahalliy qonun hujjatlarida belgilangan boshqa sanksiyalar roʻyxatidan

va/yoki Bankning yurisdiksiyasiga yoki faoliyatiga xos boʻlgan roʻyxatlardan foydalanadi.

1.8. Bank BMT Xavfsizlik Kengashining 1373-sonli rezolyutsiyasi (2001y.) bilan belgilangan

sanksiyalar ostidagi shaxslar bilan biznes munosabatlariga kirishmaydi va ularga xizmat

ko‘rsatmaydi. Turli sanksiyalar rejimlaridan kelib chiqadigan boshqa taqiqlar va cheklovlar

mahalliy qonun hujjatlariga, sanksiyalar talablariga, aniqlangan xavflar va ushbu xavflarni

boshqarish manbalariga muvofiq Bankning ichki hujjatlari bilan belgilanadi.

2-bob. Atamalar va ta’riflar

2.1. BSh maqsadlariga foydalanilgan atamalar, ta’riflar va qisqartmalar ushbu BSh mijoz tomonidan

qabul qilingandan soʻng, tuzilgan shartnomalarga (shu jumladan arizalar, talabnomalar) va mijoz

bilan Bank oʻrtasida munosabatlar yuzaga kelishi bilan tuzilgan boshqa hujjatlarga taalluqli

ma’nolarga ega.

2.2. Ushbu BShda quyidagi atamalar, ta’riflar va qisqartmalardan foydalaniladiva quyidagi

ma’nolarda talqin etiladi:

2.2.1. Kartani aktivatsiya qilish - bu Kartani chiqarishda belgilangan Karta egasi

tomonidan Xarajat operatsiyalarini amalga oshirish boʻyicha Bank tomonidan texnik

cheklovni bekor qilish tartibi boʻlib, unda Toʻlov limiti yoki boshqa har qanday

shartlardan qat’i nazar, Bank tomonidan avtorizatsiya berishni rad etilishi nazarda

tutiladi va Bank tomonidan taklif etilgan har qanday usulda taqdim etiladi.

2.2.2. Bank xizmatlari - shartnomaga muvofiq Bank tomonidan taqdim etiladigan pullik va

bepul bank xizmatlari;

2.2.3. Kartani / Hisobni bloklash - bank kartasi / hisobvaragʻi yordamida toʻlovlarni

amalga oshirishni va / yoki operatsiyalarni amalga oshirishni toʻliq yoki vaqtincha

taqiqlash;

2.2.4. Bank kartasi - Bank tomonidan chiqarilgan, uning egasiga (Mijoziga) bank

hisobvaragʻida bir necha bor operatsiyalarni amalga oshirish, shu jumladan hisob-

kitoblarni amalga oshirish va hisobvaragʻidan naqd pul olish imkoniyatini beruvchi,

moddiy yoki virtual toʻlov kartasi. Bank kartasiga egalik qilgan Mijozning bank

hisobvaragʻida amalga oshirishi mumkin boʻlgan operatsiyalar turlari bank kartasi

egasi va emitenti oʻrtasida tuzilgan shartnomada belgilanadi.

2.2.5. Bank – mazkur BShning Tomoni hisoblangan “TBC Bank” aksiyadorlik tijorat banki

hisoblanadi;

2.2.6. Bank sirlari - Bank (a) operatsiyalari haqida himoyalangan ma’lumotlar, hisob-

kitoblar va depozitlar toʻgʻrisida, (b) Mijozi toʻgʻrisida, unga bank xizmatlari

koʻrsatilishi jarayonida Bank tomonidan olingan ma’lumotlar, (c) Mijozning Bank

xona va seyflarida saqlanadigan mol-mulkining mavjudligi, uning xususiyat va

qiymati toʻgʻrisida, (d) Mijozlar nomidan yoki uning foydasiga banklararo

operatsiyalar va bitimlar toʻgʻrisida, (e) banklar oʻrtasida bank sirlarini tashkil etuvchi

ma’lumotlarning aylanishi natijasida ma’lum boʻlgan boshqa bank Mijozi toʻgʻrisida,

(f) jamgʻarib boriladigan pensiya tizimi ishtirokchilari toʻgʻrisida, pensiya badallari,

fuqarolarning shaxsiy jamgʻarib boriladigan pensiya hisobvaraqlaridagi pensiya

jamgʻarmalari miqdori va hajmi toʻgʻrisidagi ma’lumotlar.

2.2.7. Bank mahsuloti - Mijoz tomonidan Bank tomonidan taqdim etiladigan har qanday

bank mahsuloti, shu jumladan onlayn mikroqarz/mikrokreditlar, maoshga asoslangan

mikroqarz va boshqalar.

2.2.8. Ko‘chirma - Bank tomonidan belgilangan shaklda taqdim etiladigan, muayyan davr

uchun Mijozning hisobvaraqlaridagi operatsiyalar va qoldiqlar to‘g‘risidagi

ma’lumotlar;

2.2.9. Imtiyozli davr – Bosh shartlarga ko‘ra, Kredit taqdim etish bilan bog‘liq mukofotlar

yoki vositachilik haqlari hamda boshqa shartnomalarda nazarda tutilgan boshqa

vositachilik haqlari hisoblanmaydigan va undirilmaydigan, yoki ayrim xizmatlar

uchun chegirma beriladigan, yoxud asosiy qarz yoki Mukofot bo‘yicha to‘lov muddati

kechiktiriladigan, yoki Bosh shartlarda ko‘zda tutilgan shartnomalar shartlari boshqa

individual tarzda vaqtinchalik yaxshilanadigan vaqt davri. Imtiyozli davr bir yoki bir

nechta shaxsga, bir yoki bir nechta operatsiyalarga nisbatan Bank tomonidan

belgilangan muddat davomida amal qilishi mumkin. Imtiyozli davrni taqdim etish

shartlari Bank tomonidan www.tbcbank.uz saytidagi Internet manbasida tegishli

ma’lumotlarni nashr etish va / yoki SMS-xabar va / yoki yozma xabarnoma yuborish

orqali yetkaziladi;

2.2.10. Tranzaksiya sanasi – tranzaksiya amalga oshirilgan sana;

2.2.11. Oʻzaro hisob-kitob sanasi-mijozning karta hisobvaragʻidan ilgari amalga oshirilgan

tranzaksiya boʻyicha mablagʻlar yechib olingan sana;

2.2.12. Shartnoma – Mijoz tomonidan Bankka taqdim etilgan, shu jumladan elektron shaklda

imzolangan va/yoki tasdiqlangan Talabnomaning, ushbu BShning va/yoki ushbu

BShga nisbatan imzolangan/imzolanadigan/tasdiqlanadigan har qanday qo‘shimcha

ilovaning yaxlitligi va uning ajralmas qismi;

2.2.13. MBX yoki TBC App DT - mobil telefonlar uchun (Android, iOS va / yoki Bank

tomonidan oʻz ixtiyori bilan ishlab chiqilishi mumkin boʻlgan har qanday boshqa

tizim) Bank tomonidan ishlab chiqilgan va Mijozga oʻz hisob raqamlariga

kirishga va Bank tomonidan vakolat berilgan muayyan harakatlarni amalga

oshirishga imkon beruvchi dastur;

2.2.14. Kredit limitining mavjud qoldigʻi - Kredit limitining Mijoz tomonidan

foydalanilmagan qismi, kredit limiti hajmi va asosiy qarz miqdori oʻrtasidagi farqqa

teng;

2.2.15. Qarzdorlik - Mijoz tomonidan toʻlanadigan pul summasi, shu jumladan asosiy

summa, kredit summasi, overdraft summasi, hisoblangan, ammo toʻlanmagan Ish

haqi, komission toʻlovlar, jarimalar, penıyalar, jarimalar, yigʻimlar va Mijoz bilan

tuzilgan shartnomalarda nazarda tutilgan boshqa toʻlovlar;

2.2.16. Qarz oluvchi - Kredit berilgan Mijoz;

2.2.17. Ariza/Talabnoma yoki onlayn Ariza/Talabnoma - Bank tomonidan belgilangan

shaklda tuzilgan, Mijoz tomonidan Bankka shartnomalar tuzish yoki ma’lum bir

boshqa harakatlarni amalga oshirish takliflarini oʻz ichiga olgan hujjat;

2.2.18. Qonunchilik - amaldagi qonun hujjatlari va me’yoriy hujjatlar toʻplami, shuningdek,

Oʻzbekiston Respublikasi huquqiy tizimiga kiritilgan xalqaro kelishuvlar va

shartnomalar;

2.2.19. Kirish PIN kodlari - elektron qurilmalar va autentifikatsiya vositalaridan

foydalangan holda yaratilgan, cheklovsiz, Bank Mijozning oʻzini-oʻzi

identifikatsiyalashi uchun elektron kanallarga xavfsiz kirishni ta’minlash uchun zarur

deb bilishi mumkin boʻlgan PIN-kod (lar), parollar, foydalanuvchi nomlari va / yoki

mustaqil ravishda tanlangan va / yoki Mijozga Bank tomonidan taqdim etilgan har

qanday boshqa kodlar;

2.2.20. Maxfiy ma’lumotlar - har qanday ma’lumot / hujjat (shu jumladan, lekin ular bilan

cheklanmagan holda, Tomonning shaxsiy, ulush ishtiroki bilan bogʻliq ma’lumotlar /

hujjatlar, Tomonning egasi / menejeri / affilangan shaxsi toʻgʻrisidagi ma’lumotlarni

oʻz ichiga olgan ma’lumot / hujjat, uchinchi shaxs bilan tuzilgan, koʻchar va koʻchmas

mulk, aktiv (aktivlar), biznes jarayonlar / tartib-taomillar, marketing strategiyalari,

Tomonning loyihalari va / yoki boshqa ma’lumotlar) BSh imzolanishi va / yoki

bajarilishi vaqtida bir Tomon olgan, qayta ishlagan, yaratgan va / yoki boshqasiga

yuborgan va / yoki boshqa muhim narsalar ma’lumot / hujjatlar;

2.2.21. Kirish kodi - Mijozni identifikatsiyalash maqsadida Mijoz bilan masofadan turib

Bankka murojaat qilganida, Call Markazga qoʻngʻiroq qilishda telefon orqali,

masofaviy aloqa kanallari orqali, shuningdek, BShda nazarda tutilgan boshqa

holatlarda Mijoz ma’lumotlariga kirishning individual raqamli kodi va / yoki harfli

kodi;

2.2.22. Komprometatsiya - PIN-kartani, kirish kodlarini yoki autentifikatsiya

ma’lumotlarini yoʻqotish yoki uchinchi shaxslarning PIN-karta, kirish kodlari yoki

autentifikatsiya ma’lumotlariga kirishiga shubha qilish.

2.2.23. Bankning Tijorat kursi - Bankning valyuta bozoridagi talab va taklif asosida

belgilangan ayirboshlash kursi.

2.2.24. Kredit - qarz oluvchi tomonidan barcha kredit operatsiyalari uchun, shu jumladan

kredit liniyasi orqali, muddatlilik, toʻlov va qaytarishi boʻyicha shartlarida,

tadbirkorlik faoliyatini amalga oshirish bilan bogʻliq boʻlmagan tovarlarni, ishlarni va

xizmatlarni sotib olish uchun berilgan pul miqdori;

2.2.25. Kredit liniyasi - Bankning qarz oluvchiga qarz olish va kredit operatsiyalarini amalga

oshirish vaqtini belgilashga imkon beradigan, lekin Bankning ichki kredit siyosati

toʻgʻrisidagi qoidalar bilan belgilanadigan miqdor va muddat ichida, qayta

tiklanadigan yoki qayta tiklanmaydigan limit asosida, BSh va Bank tomonidan

belgilangan kredit hisobidan kredit liniyasining maksimal miqdori doirasida Qarz

oluvchiga qarz berish huquqi;

2.2.26. Kredit limiti - Qarz oluvchining bir martalik foydalanishida bo‘lishi mumkin bo‘lgan

kredit liniyasining eng maksimal miqdori doirasida Bank tomonidan belgilanadigan

har bir muayyan vaqt uchun qarz operatsiyalari bo‘yicha asosiy qarz summasining

cheklangan miqdori;

2.2.27. Kredit liniyasining maksimal miqdori - Kredit shartnomasiga muvofiq berilishi

mumkin bo‘lgan kredit liniyasi doirasidagi kredit limitining cheklangan miqdori;

2.2.28. Minimal toʻlov - kredit limitidan yoki qarz summasidan foizlarda ifodalangan, yoxud

Bank tomonidan boshqacha tartibda belgilangan to‘lov miqdorini amalga oshirish

orqali qarzni uzish usuli. Ushbu to‘lovni qarz mavjud bo‘lganda Qarz oluvchi

tomonidan majburiy ravishda to‘lanishi lozim. Qarzni uzish Bank tomonidan

belgilangan kredit liniyasi muddati doirasida, moliyalashtirishning maksimal davri

mobaynida amalga oshiriladi;

2.2.29. XTT - xalqaro toʻlov tizimi (VISA);

2.2.30. Telefon raqami - Mijoz tomonidan Bankka taqdim etilgan Mijozning mobil yoki uy

telefoni;

2.2.31. Ta’minot - kafolat, kafillik, shu jumladan moddiy (ashyoviy) kafillik hamda Qarz

oluvchining Kredit shartnomasi bo‘yicha majburiyatlarini bajarilishini ta’minlash

maqsadida Bankka taqdim etilgan boshqa usullar;

2.2.32. Operatsiya - Hisobvaraqlarda aks ettirilishi lozim bo‘lgan har qanday operatsiya

(tranzaksiya), shu jumladan chiqim operatsiyalari, xususan, qarz operatsiyalari (kredit

limiti hisobidan chiqim operatsiyalari), Kartadan foydalangan holda (tovar uchun

to‘lov va naqd pul olish), naqd yoki naqdsiz pul mablag‘larini hisobvaraqlarga kiritish;

qaytariladigan to‘lovlar; Bank tomonidan qarzni qoplash uchun pulni hisobdan

chiqarish; Hisoblangan to‘lovlar, vositachilik haqi va foizlarni Ariza, Kredit

shartnomasi va BSHga muvofiq hisobdan chiqarish; Mijozning hisobvaraqlarida aks

ettirilishi lozim bo‘lgan boshqa operatsiyalar;

2.2.33. Bankning operatsion kuni – bank ish kunining bir qismi boʻlib, Bankka kelib

tushgan barcha pul hisob-kitob hujjatlarini qabul qilish, rasmiylashtirish va

buxgalteriya hisobi hisobvaraqlarida aks ettirish uchun ajratilgan vaqt;

2.2.34. Asosiy qarz - bu Mijoz tomonidan qaytarilmagan (toʻlanmagan), shuningdek,

kapitallashtirilgan yigʻimlar va boshqa toʻlovlar miqdorini aks ettirgan, bajarilgan

kredit operatsiyalari miqdorini aks ettiruvchi Mijoz qarzdorligining bir qismi;

2.2.35. Ilova - Bank tomonidan ishlab chiqilgan va aniqlanadigan oʻzida BShning yangi

xizmatlari, toʻlovlari, jarimalar va / yoki boshqa shartlarini koʻrsatadigan, oʻzgartirgan

va / yoki joriy etgan har qanday qoʻshimcha hujjat (lar);

2.2.36. Foizlar – BShda belgilangan yillik (bir yilda 365 (uch yuz oltmish besh) kalendar kun

asosida hisoblangan) foiz stavkasi, u Mijozning hisobvarag‘ida mavjud bo‘lgan

mablag‘larga Bank tomonidan hisoblanadi va Mijoz tomonidan ushbu BShga muvofiq

to‘lanadi, Mijozning hisobvarag‘ida mablag‘lar mavjud bo‘lgan haqiqiy kalendar

kunlar bilan hisoblanadi;

2.2.37. Karta PIN-kodi - Karta egasiga beriladigan va karta egasini identifikatsiyalash uchun

mo‘ljallangan shaxsiy identifikatsiya raqami, maxfiy kod;

2.2.38. Mijozning xohishiga koʻra toʻlov - qarzdorlikni toʻlash usuli, toʻlovni amalga

oshirish yoʻli bilan, uning miqdori Mijoz tomonidan mustaqil ravishda belgilanadi va

Bank tomonidan belgilangan Minimal toʻlov miqdoridan kam boʻlmasligi kerak, agar

BShda boshqacha tartib nazarda tutilmagan boʻlsa;

2.2.39. Toʻlov limiti - Mijoz kartadan foydalanib xarajat operatsiyalarini amalga oshirishga

haqli boʻlgan pul miqdori. Hisobvaraqlardagi ijobiy qoldiqni va mavjud boʻlmagan

kredit operatsiyalari summalarini olib tashlagan kredit limitlarining qoldiqlarini oʻz

ichiga oladi;

2.2.40. Ijobiy qoldiq - Mijozning Karta xizmat koʻrsatish hisobvaragʻidagi muddati oʻtgan

Qarzdorlik boʻlmagan taqdirda pul miqdori;

2.2.41. Promo davri - ayrim bank xizmatlari va / yoki xizmat toʻplamlari bepul yoki

pasaytirilgan tariflarda taqdim etiladigan davr;

2.2.42. Yuqori mansabdor shaxslar (YMSh) – chet davlatning qonun chiqaruvchi, ijro

etuvchi, ma’muriy yoki sud organida yoxud xalqaro tashkilotda doimiy, vaqtincha

yoki maxsus vakolat boʻyicha tayinlanadigan yoki saylanadigan, tashkiliy-boshqaruv

vazifalarini bajaruvchi va yuridik ahamiyatga ega boʻlgan harakatlarni sodir etishga

vakolatli shaxslar, shuningdek, chet davlat korxonalarning yuqori martabali rahbarlari,

chet davlatning taniqli siyosatchilari va siyosiy partiyalarining taniqli a’zolari

2.2.43. Kartani blokdan chiqarish - Mijoz tomonidan bank kartasidan foydalanish boʻyicha

ilgari oʻrnatilgan cheklovlarni bekor qilish boʻyicha Bank tomonidan chora-tadbirlar

va qarorlar qabul qilish;

2.2.44. Tavsiya qilingan toʻlov - Bank tomonidan belgilangan limitlar doirasida kredit

liniyasi/mikroqarz/mikrokredit muddati davomida qarz summasini bir yildan ortiq

bo‘lmagan muddatda yoki boshqa muddatda to‘lash uchun kredit,

mikroqarz/mikrokreditdan yoki qarzdorlik mavjud bo‘lganda to‘lanishi majburiy

bo‘lgan qarzdorlik summasidan foizlarda ifodalangan to‘lovni amalga oshirish orqali

qarzdorlikni to‘lash usuli;

2.2.45. O‘zini o‘zi band qilgan shaxslar - jismoniy va yuridik shaxslarga xizmatlar

ko‘rsatishda shaxsan ishtirok etishga asoslangan daromad olishga yo‘naltirilgan

faoliyatni mustaqil ravishda amalga oshiruvchi hamda yakka tartibdagi tadbirkor

sifatida ro‘yxatdan o‘tmagan, mehnat stajini hisobga olish va rag‘batlantiruvchi

tusdagi imtiyozlardan foydalanish huquqi bilan davlat soliq xizmati organlarida

hisobda turgan jismoniy shaxslar;

2.2.46. Mijozlar toʻgʻrisidagi ma’lumotlar - Mijoz tomonidan shartnomalar tuzish va bank

mahsulotlarini olish uchun taqdim etiladigan, Mijoz tomonidan imzolangan va

oʻtkazilgan, potentsial Mijoz, Mijozning kafolatlari, roziligi va kafolatlari

toʻgʻrisidagi ma’lumotlarni oʻz ichiga olgan hujjatlar va ma’lumotlar.

2.2.47. Xizmat paketi - Xizmat paketi xizmatlarini koʻrsatish uchun shartnoma tuzish

boʻyicha taklif qabul qilingan taqdirda, Bank ixtiyori bilan taqdim etiladigan

qoʻshimcha bepul bank xizmatlari toʻplami;

2.2.48. Kartaning amal qilish muddati - operatsiyalarni amalga oshirish uchun kartadan

foydalanishga ruxsat berilgan vaqt davri. Karta raqamli formatda uning old tomonida

koʻrsatilgan yil oyining oxirgi kunigacha amal qiladi;

2.2.49. Hisob raqam - tadbirkorlik faoliyatini amalga oshirish bilan bogʻliq boʻlmagan

maqsadlar uchun BShga muvofiq ochilgan Kartaga xizmat koʻrsatish hisobvaragʻi

(lekin shu bilan cheklanmagan holda) va / yoki bank xizmat koʻrsatish hisobvaragʻi

va / yoki jamgʻarma hisobvaragʻi va / yoki valyuta hisobvaragʻi (agar u faollashtirilgan

boʻlsa) va / yoki valyuta jamgʻarma hisobvaragʻi (agar u faollashtirilgan boʻlsa);

2.2.50. Tomon / Tomonlar - Bank va / yoki Mijoz, vaziyatdan kelib chiqqan holda;

2.2.51. Uchinchi shaxs - Oʻzbekiston Respublikasi Markaziy banki, Mijoz va Bankdan

boshqa har qanday shaxs;

2.2.52. Tarif rejasi - foizlar, komissiyalar, yigʻimlar va jarimalarni hisoblash, yigʻish va

hisoblash miqdori va qoidalari toʻgʻrisidagi ma’lumotlarni, shuningdek, tegishli

shartnoma va BShning ajralmas qismi boʻlgan boshqa ma’lumotlarni oʻz ichiga olgan

(yozma yoki elektron) hujjat;

2.2.53. Tariflar - BShning ajralmas qismi boʻlgan xizmatlari uchun tarif rejalari va boshqa

tariflar toʻplami;

2.2.54. 3D-Secure texnologiyasi - bir martalik parol yordamida karta egasi tomonidan onlayn

bitimni tasdiqlash texnologiyasi.

2.2.55. SSK - XBKni Oʻzbekiston Respublikasi hududida ham, chet elda ham tovarlar (ishlar,

xizmatlar) uchun toʻlov sifatida qabul qiluvchi savdo va servis korxonasi.

2.2.56. Masofaviy aloqa kanallari - Mijoz va Bank oʻrtasida elektron pochta (email), pochta

xizmatlari, MBX, Internet-banking, mobil bank, SMS-xabarlar, telefonlar, fakslar,

bankomatlar, POS-terminallar, terminallar, elektron kabinet, shu jumladan Internet-

kiosk orqali ma’lumotlarni uzatish va almashish vositasi. Bank tomonidan belgilangan

tartibda va shartlarda foydalaniladi;

2.2.57. Holding - tranzaksiya summasiga muvaffaqiyatli oʻtkazish bilan XBK da

mablagʻlarni muzlatish. Holding oʻzaro hisob-kitob sanasiga qadar amal qiladi.

2.2.58. Jarima - shartnoma majburiyatlarini bajarmagan va / yoki lozim darajada bajarmagan

taqdirda Tomonlar toʻlashi kerak boʻlgan pul miqdori;

2.2.59. Elektron kanal - har qanday jismoniy yoki elektron infratuzilma, qurilmalar, apparat

vositalari, dasturiy ta’minot, dastur tomonidan ishlab chiqilgan Mijoz va Bank

tomonidan vakolatli operatsiyalarni amalga oshirishga imkon beruvchi, shu jumladan

bankomat, MBX USSD platformasi, oʻz-oʻziga xizmat koʻrsatadigan toʻlov

terminallari va / yoki toʻlov terminallari va / yoki veb-saytlar;

2.2.60. Elektron bank xizmatlari - Mijozning bank hisobvarag‘i (hisobvaraqlari) bo‘yicha

pul miqdori, o‘tkazilgan operatsiyalar haqida ma’lumot olishi, to‘lovlar va pul

o‘tkazmalarini amalga oshirishi, bank hisobvarag‘ini (hisobvaraqlarini) ochishi yoki

yopishi hamda/yoki boshqa ruxsat etilgan bank operatsiyalarini bajarishi uchun o‘z

bank hisobvarag‘iga (hisobvaraqlariga) kirish huquqini olish bilan bog‘liq xizmatlar;

2.2.61. Elektron pullar - elektron shaklda saqlanadigan va elektron pul tizimida toʻlov

vositasi sifatida qabul qilingan elektron pul emitentining soʻzsiz va qaytarib

boʻlmaydigan pul majburiyatlari;

2.2.62. Call-Markaz - Mijozning qoʻngʻiroqlarini qabul qiluvchi va qayta ishlaydigan, Bank

mahsulotlari va xizmatlari toʻgʻrisida ma’lumot beruvchi va boshqa Mijozlarga xizmat

koʻrsatish uchun Bank tomonidan belgilanadigan xizmatlarni taqdim eʻtuvchi Bank

boʻlinmasi yoki xizmati;

2.2.63. SMS - bu mobil qurilmaga yuboriladigan matnli xabarlardan iborat qisqa xabar

xizmati;

2.2.64. USSD platformasi - Mijozga operatsiyalarni amalga oshirish va oʻzlarining hisob

(lar) iga mobil telefon orqali kirish imkoniyatini beruvchi mobil telefon tarmoqlari

operatorlari tomonidan taʻminlanadigan dasturiy ta’minot;

2.3. “Shu jumladan”, “masalan” yoki “kabi” soʻzlari ularga ergashgan soʻzlarning ma’nosini

cheklamaydi;

2.4. Birlik soni koʻplik sonini oʻz ichiga oladi va aksincha.

3-bob. Bank xizmatlari taqdim etilishining umumiy shartlari

3.1. BShga muvofiq, Mijoz va Bank oʻrtasidagi munosabatlar Mijozga Bank xizmatlarini koʻrsatish,

Mijoz tomonidan Bankdan mikroqarz/mikrokredit, kredit olish, toʻlov bank kartasini berish va

saqlash, shuningdek, hisobvaraqlarni ochish, saqlash va yopish va boshqa bank xizmatlari bilan

bogʻliq ravishda tartibga solinadi.

3.2. Mijozga xizmatlar koʻrsatish tegishli bank shartnomalari tuzilgandan keyin BShga muvofiq,

lekin ular bilan cheklanmasdan amalga oshiriladi.

3.3. Kredit, mikroqarz/mikrokredit berish, hisob ochish uchun zarur boʻlgan hujjatlarni Bank

tomonidan qabul qilinishi, Bank tomonidan shu kabi shartnomalarni majburiy ravishda tuzishiga

olib kelmaydi. Bank belgilangan tartibda shartnomalar tuzilgunga qadar BShda belgilangan

xizmatlarni koʻrsatishi va majburiyatlarini bajarishi shart emas. Tegishli shartnomalarda

ko‘rsatilgan Bankning xatti-harakatlari shartnomalar tuzilganligining tasdig‘i hisoblanadi.

3.4. Mijoz uning hisobvaragʻidan yoki Mijozning Bankdagi yoki Oʻzbekiston Respublikasining

boshqa banklaridagi har qanday bank hisobvaragʻidan pul operatsiyalarini amalga oshirishda

Bank tomonidan Mijozning hisobvaragʻini toʻgʻridan-toʻgʻri hisobdan chiqarish va / yoki

akseptisiz yoki avtomat ravishda debetlashsiz mablagʻlarni hisobdan chiqarish yoʻli bilan Bank

xizmatlari uchun haq toʻlashga vakolat beradi va rozilik beradi.

3.5. Mijozga xizmat koʻrsatish sifatini nazorat qilish maqsadida Bank Mijozni oldindan xabardor

qilganidan soʻng u Mijozning Call-Markaz, Bankning avtorizatsiya xizmati yoki Bankning

boshqa boʻlinmalariga murojaat qilganida, u bilan boʻlgan telefon suhbatlarini yozib olishga va

shuningdek, bunday soʻrov haqiqatini tasdiqlash uchun yozuvdan foydalanishga haqlidir.

3.6. Masofaviy aloqa kanallaridan foydalangan holda, Mijoz zarur boʻlgan maxfiylik rejimini

taʻminlaganligini, barcha kerakli texnik va dasturiy ta’minot manbalariga ega ekanligini, shu

jumladan zararli kompyuter dasturlaridan uchinchi shaxslarning ruxsatsiz kirishi / buzilishdan

himoya qilinganligini tasdiqlaydi.

3.7. Oʻzbekiston Respublikasi qonunlari va/yoki Bankning ichki me’yoriy hujjatlarida nazarda

tutilgan hollarda oʻzaro yozishmalar, operatsiyalarni amalga oshirish, bitimlar tuzish va boshqa

harakatlar uchun zarur boʻlganda elektron raqamli imzo, masofaviy bank tizimlari va telefon

aloqasi orqali olingan tasdiqlar, jismoniy imzo yoki boshqa Oʻzbekistion Respublikasi qonun

hujjatlariga zid boʻlmagan tasdiqlash vositalarining bir yoki bir nechta turlari foydalanilishi

mumkin.

3.8. Mijoz bank bilan tuzilgan shartnomada koʻzda tutilgan oʻz huquqlari va majburiyatlarini

Bankning roziligisiz uchinchi shaxslarga oʻtkazishga (topshirishga) haqli emas.

3.9. Agar Mijoz O‘zbekiston Respublikasi hududida vaqtincha bo‘lmasa va u bo‘lmagan vaqtda

Bankning mobil ilovasiga biriktirilgan Mijozning telefon raqami boshqa shaxsning ixtiyorida

bo‘lsa, Mijozga bank xizmatlarini ko‘rsatish to‘xtatiladi. Bank mijozning shaxsan o‘zi Bankka

yoki Bankning istalgan hududiy Bank xizmatlari markaziga tashrif buyurganidan keyingina

Mijozga bank xizmatlarini ko‘rsatishni davom ettirishi mumkin.

3.10. Iltimos, shuni e’tiborga olingki, Bankning barcha xizmatlari kuniga 24 soat va haftasiga 7 kun

davomida taqdim etilmaydi.

3.11. Agar mijozning komissiyani to‘lash, valyuta ayirboshlashdagi farqni qoplash, tarif xizmatlarini

to‘lash, kreditni qaytarish va boshqa xarajatlarni amalga oshirish uchun kartada yoki Bankdagi

boshqa hisobvaraqlarida mablag‘lar yetarli bo‘lmasa, mijozga ushbu xarajatlarni to‘lash uchun

avtomat ravishda texnik overdraft ochiladi.

3.12. Agar Mijoz texnik overdraftni shakllantirgan boʻlsa, Mijoz 5 kalendar kun ichida salbiy balans

summasiga kartani toʻldirishi kerak.

4-bob. Bank hisobvaragʻi shartnomasi

4.1. Bank hisobvarag‘i shartnomasi shartlariga ko‘ra Mijoz “TBC Bank” ATBning bank mahsulotlari

va xizmatlarini taqdim etish boʻyicha Bosh Shartlarini qabul qilganidan soʻng, Bosh Shartlarda,

ushbu Shartnoma va Oʻzbekiston Respublikasining amaldagi qonun hujjatlarida nazarda tutilgan

shartlar va tartiblar asosida Bank milliy / xorijiy valyutada hisobvaraqlar ochish (bundan buyon

“hisobvaraq” deb ataladi) (norezidentlar uchun 15 bank kuni ichida), Mijozning (hisobvaraq

egasining) hisobvaragʻiga kelib tushgan pul mablagʻlarini qabul qilish va hisobga olish,

Mijozning talablariga binoan, shu jumladan, Bosh shartlar, Bank hisobvarag‘i shartnomasi va

O‘zbekiston Respublikasining amaldagi qonunchiligida nazarda tutilgan shartlar va tartibda,

MBX kanallari orqali hisobvaragʻidan mablagʻlarni yechib olish, oʻtkazish va tegishli

summalarni taqdim etish va hisobvaraq boʻyicha boshqa operatsiyalarni amalga oshirish

majburiyatlarini oʻz zimmasiga oladi.

4.2. Mijoz tomonidan Bosh Shartlar va boshqa qoʻshimcha xizmatlar soʻrovini qabul qilganidan

soʻng, shu jumladan masofaviy bank ximzati onlayn platforma ilovasi orqali bank tomonidan

qoʻshimcha xizmatlar taqdim etiladi.

4.3. Mijoz, oʻz navbatida, Bank tomonidan tasdiqlangan va www.tbcbank.uz veb-saytida

joylashtirilgan mavjud Tariflarga muvofiq komissiyani toʻlash majburiyatini oladi.

4.4. Bank hisobvaragʻi shartnomasi Bosh Shartlar va bank hisobvaraqlarini ochish, ularga xizmat

koʻrsatish va boshqa bank xizmatlari va mahsulotlarini taqdim etish toʻgʻrisida

Ariza/Talabnomaning (oldingi Shartnoma/Ariza) va onlayn Ariza/Talabnomaning ajralmas

qismidir (bundan buyon matnda “Ariza/Talabnoma” deb ataladi).

4.5. Ushbu Shartnomada qoʻllanilgan atama va taʼriflar Bosh Shartlarda koʻrsatilgan.

4.6. Hisob raqamni ochish uchun Mijoz masofaviy bank xizmati tizimida, Bosh Shartlar, ushbu

Shartnoma shartlarini oʻqishi va qabul qilishi, Ariza/Talabnomaga (oldingi Shartnoma/Ariza)

yoki Ariza/Talabnomani qabul qilishni, shuningdek, imzolashi, masofaviy bank xizmati tizimida

Hisob raqamini ochishni talab qilishi kerak.

4.7. Bank Mijozdan O‘zbekiston Respublikasining amaldagi qonunchiligiga muvofiq ochilgan bank

hisobvarag‘iga joylashtirish uchun pul summasini qabul qiladi.

4.8. Tegishli summalarni kirim qilish, o‘tkazish BSh va O‘zbekiston Respublikasining amaldagi

qonunchiligida belgilangan tartibda faqat naqd pulsiz shaklda amalga oshiriladi.

4.9. Bank Mijozga operatsion kun davomida (dam olish kunlari bundan mustasno) bank ofislarida

xizmatlarni taqdim etadi. Mijozga onlayn platformalar (masofaviy bank ximzati tizimi) orqali

xizmat koʻrsatish 24 soat davomida amalga oshiriladi, bunda Mijozning Oʻzbekiston

Respublikasi Markaziy banki tomonidan belgilangan ish vaqtidan keyin amalga oshirilgan

onlayn buyurtmalari keyingi bank kuni shaxsiy hisobda aks ettiriladi. Operatsion kunning

yopilishi Bank tomonidan har doim ham bir vaqtning oʻzida amalga oshirilmaydi va Bankning

mobil ilovasining texnik yangilanishlari tufayli oʻzgarishi mumkin.

4.10. Аgar 3 yil davomida mablagʻ mavjud boʻlsa va operatsiyalar amalga oshirilmasa, Mijozga

harakatsiz 20206-“Jismoniy shaxslarning talab qilib olinguncha depoziti” hisobvaragʻi ochiladi.

Ushbu hisobvaraqni yuritish O‘zbekiston Respublikasining amaldagi qonunchiligida

belgilangan tartibga muvofiq amalga oshiriladi.

4.11. Bank tomonidan hisobvaraqdan pul mablag‘larini yechib olish Bosh Shartlarda, alohida bank

mahsulotlaridan foydalanish bo‘yicha shartnomalar va O‘zbekiston Respublikasi qonunchiligida

nazarda tutilgan hollarda va tartibda amalga oshiriladi.

4.12. Bank majburiyatlari:

4.12.1. Mijozning talabiga, Bosh Shartlarga va ushbu shartnomaga asosan jismoniy shaxs

uchun talab qilib olinguncha depozit hisobvaragʻini ochish.

4.12.2. Mijozning mablagʻlarini saqlash, summalarni hisob raqamiga kirim qilish, ularni

oʻtkazish yoki berish boʻyicha Mijozning talablarini bajarish, shuningdek,

Oʻzbekiston Respublikasining amaldagi qonunchiligi, Bosh Shartlarda va ushbu

Shartnomada nazarda tutilgan boshqa operatsiyalarni bajarish faqat naqd pulsiz

shaklda amalga oshiradi.

4.12.3. Bank sirini saqlash, Oʻzbekiston Respublikasi qonun hujjatlarida belgilangan hollar

bundan mustasno.

4.12.4. Hisob raqamdagi mavjud mablagʻlarning xavfsizligi va butligini taʼminlash.

Hisobvaraqdagi mablag‘larni xatlash yoki u bo‘yicha operatsiyalarni to‘xtatib qo‘yish

faqat O‘zbekiston Respublikasining amaldagi qonun hujjatlarida nazarda tutilgan

hollarda amalga oshirilishi mumkin.

4.13. Bank huquqlari:

4.13.1. Boshqa bank mahsulotlarini taqdim etish munosabati bilan zarur hollarda Mijozga

hisobvaraq ochish.

4.13.2. Hisobvaraq bo‘yicha operatsiyalarni amalga oshirish to‘g‘risidagi topshiriqnoma

lozim darajada bajarilmagan/rasmiylashtirilmagan yoki Bankka topshirilayotgan

operatsiyalar ushbu BSh shartlariga va O‘zbekiston Respublikasining amaldagi

qonunchiligiga zid bo‘lgan taqdirda bunday topshiriqnomani ijroga qabul qilmaslik.

4.13.3. Bank tariflarning oʻzgarishi toʻgʻrisida va ular kuchga kirgunga qadar 10 kun oldin

xabardor qiladi, Bank bu haqida maʼlumotni filiallar yoki bank xizmat koʻrsatish

markazlarida, Bankning www.tbcbank.uz veb-sayti, shuningdek, masofaviy bank

xizmati tizimi orqali eʼlon beradi, agar bunday oʻzgartirishlar O‘zbekiston

Respublikasining amaldagi qonunchiligiga zid boʻlmasa va bank xizmatlari

iste’molchilarining huquqlarini buzmasa. Agar Mijoz o‘zgartirishlar e’lon qilingan

kundan boshlab 10 kun ichida BSHga kiritilgan o‘zgartirishlar bo‘yicha hech qanday

e’tiroz yoki norozilik bildirmasa, ushbu o‘zgartirishlar qonuniy kuchga kiradi va

Mijoz ularni ma’qullaydi, tasdiqlaydi va tan oladi.

4.13.4. Mijozdan uni identifikatsiya qilish imkonini beradigan va hisobvaraq bo‘yicha amalga

oshirilayotgan operatsiyalarning qonuniyligini tasdiqlaydigan ma’lumotlar va

hujjatlarni taqdim etishni talab qilish.

4.13.5. Mijozning hisobvaragʻidagi operatsiyalarni Oʻzbekiston Respublikasining amaldagi

qonunchiligida nazarda tutilgan hollarda toʻxtatish.

4.13.6. Bank Oʻzbekiston Respublikasining amaldagi qonunchiligi normalarida nazarda

tutilgan boshqa huquqlarga ega.

4.13.7. Shuningdek, Mijoz Bankka (Mijoz bilan qoʻshimcha kelishuvsiz) tegishli

operatsiyalarni (tuzatishlarni) amalga oshirish, shu jumladan hisobvaraqni kreditlash

yoki debetlash boʻyicha shubhasiz xato yozuvlar aniqlangan taqdirda, pul

mablagʻlarini shubhasiz hisobdan chiqarish huquqini beradi.

4.14. Mijoz majburiyatlari:

4.14.1. Barcha operatsiyalarni O‘zbekiston Respublikasining amaldagi qonunchiligiga qatʼiy

muvofiq ravishda bajarish.

4.14.2. Bankning talabiga binoan amaldagi qonunchilik va Bankning mahalliy hujjatlari

normalariga muvofiq so‘raladigan ma’lumotlar va hujjatlarni taqdim etish. Bunda

topshiriqlarda mavjud bo‘lgan va Mijozdan so‘ralayotgan axborotning to‘g‘riligi va

ishonchliligi uchun javobgarlik Mijozning o‘ziga yuklanadi.

4.14.3. Hisobvaraqqa noto‘g‘ri/ortiqcha o‘tkazilgan va/yoki hisobvaraqdan yechib olingan

pul mablag‘lari aniqlangan taqdirda zudlik bilan Bankka xabar berish.

4.14.4. Tadbirkorlik faoliyati va O‘zbekiston Respublikasining amaldagi qonun hujjatlariga

zid bo‘lgan faoliyat bilan bog‘liq operatsiyalarni amalga oshirish uchun

hisobvaraqdan foydalanmaslik.

4.14.5. Bosh Shartlarda koʻrsatilgan aloqa kanali orqali 3 (uch) kun ichida Bankni Mijoz

manzili va / yoki telefon raqamining oʻzgarishi, shu jumladan uyali telefon, familiyasi,

ismi yoki otasining ismi, shaxsini tasdiqlovchi hujjat yoki boshqa ushbu

Shartnomaning bajarilishiga taʼsir qilishi mumkin boʻlgan hujjat almashtirilganligi

toʻgʻrisida xabardor qilish.

4.14.6. Shaxsga doir ma’lumotlarni qayta ishlashga berilgan rozilikni har qanday bank

shartnomalarining amal qilish muddati davomida bekor qilmaslik.

4.14.7. Oʻzbekiston Respublikasining amaldagi qonunchiligiga muvofiq boshqa

majburiyatlarga ega.

4.15. Mijoz huquqlari:

4.15.1. Pul mablag‘lari qoldiqlari, kirim-chiqim operatsiyalari to‘g‘risidagi ma’lumotlarni

SMS-xabarnomadan foydalanish orqali, mobil telefon orqali/ MBX orqali/Bankning

rasmiy veb-saytidagi shaxsiy kabinet orqali yoki ushbu BShda nazarda tutilgan boshqa

usulda olish.

4.15.2. Hisobvaraqdagi pul mablag‘larini o‘z ixtiyoriga ko‘ra, shu jumladan, lekin

cheklanmagan holda, MBX mablag‘lari va boshqa masofaviy kanallardan

foydalangan holda mustaqil ravishda tasarruf etish, BSh, Bank hisobvarag‘i

shartnomasi va O‘zbekiston Respublikasining amaldagi qonunchiligida nazarda

tutilgan hollar bundan mustasno.

4.16. Bank O‘zbekiston Respublikasining “Bank siri toʻgʻrisida”gi qonuniga, Bosh Shartlarga va

O‘zbekiston Respublikasining boshqa qonun hujjatlariga muvofiq maʼlumotlarning maxfiyligini

va bank sirini tashkil etuvchi mijozlarning maʼlumotlarini saqlanishini kafolatlaydi.

4.17. Bank sirini tashkil etuvchi maʼlumotlar Mijozga yoki uning vakiliga, ularning soʻroviga binoan

(yozma yoki elektron shaklda) Bank tomonidan taqdim etilishi mumkin.

4.18. Mijozning bank siri hisoblangan maʼlumotlari uchinchi shaxslarga O‘zbekiston

Respublikasining amaldagi qonunchiligida belgilangan tartibda taqdim etiladi.

4.19. Tomonlar oʻz majburiyatlarini bajarmaganligi yoki lozim darajada bajarmaganligi uchun Bosh

Shartlarni va ushbu Shartnomaning shartlarini buzgan tomon O‘zbekiston Respublikasining

amaldagi qonunchiligida belgilangan tartibda javobgar boʻladi.

4.20. Ushbu BShni tasdiqlash orqali Mijoz shaxsga doir ma’lumotlarni qayta ishlashga oʻz roziligini

beradi.

4.21. Mijozning shaxsiy ma’lumotlarini qayta ishlash Mijoz tomonidan shaxsga doir ma’lumotlarni

qayta ishlashga rozilik tasdiqlangan vaqtdan boshlab amalga oshiriladi va Mijoz tomonidan

bunday rozilik bekor qilingunga qadar amal qiladi, shaxsga doir ma’lumotlarni qayta ishlash

uchun Bank Mijozning roziligini talab qilmaydigan holatlar bundan mustasno. Mijozning

shaxsga doir ma’lumotlarga ishlov berishga roziligini bekor qilishi O‘zbekiston Respublikasi

qonunchiligida saqlanishi belgilangan shaxsga doir ma’lumotlarni yo‘q qilishga asos bo‘lmaydi.

4.22. Bank Mijozing mablagʻlaridan foydalanish shaklini belgilash va nazorat qilish, shuningdek,

Mijozning pul mablagʻlaridan foydalanish va tasarruf etish huquqlarini cheklash huquqiga ega

emas, O‘zbekiston Respublikasining amaldagi qonunchiligida nazarda tutilgan hollar bundan

mustasno.

4.23. Shartnomada koʻzda tutilmagan, Bank va Mijoz oʻrtasidagi munosabatlar, Bosh Shartlar va

O‘zbekiston Republikasining amaldagi qonunchiligi talablariga muvofiq tartibga solinadi.

4.24. Tomonlar uchun Mijozning hisobvaragʻi boʻyicha operatsiyalarni amalga oshirish tartibi

O‘zbekiston Respublikasi Markaziy bankining normativ-huquqiy hujjatlari bilan belgilanadi va

ikkala Tomon uchun ham majburiydir.

4.25. Bank hisobvarag‘i shartnomasi Mijoz tomonidan akseptlangan kundan boshlab kuchga kiradi,

nomuayyan muddatga tuziladi va Mijozning tashabbusi bilan istalgan vaqtda yoki Bankning

talabiga ko‘ra sud tomonidan, Mijozning o‘z zimmasiga olgan shartnoma majburiyatlarini

bajarmaganligi sababli, shuningdek, O‘zbekiston Respublikasining amaldagi qonunchiligida

nazarda tutilgan hollarda bekor qilinmaguncha amal qiladi.

4.26. Bank hisobvaragʻi Shartnomaga kiritilgan barcha oʻzgartirish va qoʻshimchalar Bosh Shartlarda

koʻzda tutilgan tartibda kiritiladi. Bunday holda, Bank ushbu BShning 4.13.3- bandiga muvofiq

Mijozni ushbu oʻzgarishlar toʻgʻrisida xabardor qilishga haqlidir.

4.27. Hisobvaraq yopilishi va Shartnoma qonun hujjatlarida nazarda tutilgan hollarda va tartibda,

Bank oldida unga bank xizmatlari ko‘rsatish bilan bog‘liq barcha mavjud qarzlar to‘langanda,

belgilangan tartibda bekor qilinishi mumkin.

4.28. Bundan tashqari, agar ushbu Shartnoma tuzilgan va BSh qabul qilingan kundan boshlab bir yil

davomida “TBC Bank” ATB mobil ilovasida hech qanday tranzaksiyalar/operatsiyalar amalga

oshirilmagan bo‘lsa, Bankka barcha bank hisobvaraqlarini yopishga rozilik berib, unga

ko‘rsatma beradi, 4.10- banddagi holatlar bundan mustasno. Shu oʻrinda “TBC Bank” mobil

ilovasidagi tranzaksiyalar/operatsiyalar mavjud emasligi Mijozning mazkur BShning1-ilovasiga

muvofiq bank hisob raqamlarini yopish to‘g‘risidagi ariza shakliga roziligini bildiradi, ushbu

ariza qogʻoz koʻrinishida Mijoz tomonidan imzolangan va taqdim etilgan ariza bilan bir xil

yuridik kuchga ega.

5-bob. Bank kartalari. Bank kartasini/virtual bank kartasini ochish va

unga xizmat koʻrsatish uchun shartnoma

5.1. Bank kartasini ochish va unga/virtual bank kartasiga xizmat koʻrsatish boʻyicha shartnoma

shartlariga muvofiq Bank Mijozning (bundan buyon matnda “Karta egasi” deb ataladi)

arizaga/Talabnomaga yoki onlayn Ariza/Talabnomaga binoan, ushbu Bosh Shartlarda nazarda

tutilgan “TBC Bank” АTBning bank xizmatlari va mahsulotlarini taqdim etish, Ariza/Talabnoma

yoki onlayn Ariza/Talabnoma (oldingi Shartnoma/Ariza), ushbu shartnoma va O‘zbekiston

Respublikasining amaldagi qonunchiligiga muvofiq milliy valyutada yoki chet el valyutasida

bank karta hisob raqamini ochish (bundan buyon matnda “Hisob” deb ataladi), bank karta (lar)

ni/virtual bank kartalarini (bundan buyon matnda “Karta” deb ataladi) Karta egasiga taqdim

etish, shuningdek, hisob raqamiga xizmat koʻrsatish majburiyatini oladi.

5.2. Karta egasi nomiga karta ochish uchun Karta egasi BSh bilan tanishishi va qabul qilishi hamda

Kartani MBX yoki korporativ www.tbcbank.uz veb-sayti orqali ariza berishi shart.

5.3. Bankning masofaviy bank xizmati tizimida shartnoma muvaffaqiyatli identifikatsiyadan va

qabul qilinganidan soʻng, Karta egasiga keyingi bank kunidan kechiktirmay Hisobvaraq ochiladi

(norezidentlar uchun 15 bank kuni ichida) va Karta 3 bank kuni ichida chiqariladi.

5.4. Hisob raqamni ochgandan va kartani rasmiylashtirgandan soʻng, Karta egasiga u Bankka tashrif

buyurganidan soʻng Karta taqdim etiladi, yoki kuryer orqali shaxs tasdiqlanganidan soʻng

shaxsan beriladi.

5.5. Bank kartasining amal qilish muddati bank kartalari va banklararo toʻlov tizimi orqali naqd

pulsiz toʻlovlarni amalga oshirish uchun toʻlov tizimida belgilangan qoidalar bilan belgilanadi

va bank kartasining old tomonida koʻrsatiladi.

5.6. Kartalar/karta hisobvaraqlari Bank yoki vakolatli organ tomonidan BShda, bank kartasini ochish

va unga xizmat ko‘rsatish shartnomasida, to‘lov tizimlari qoidalarida va O‘zbekiston

Respublikasining amaldagi qonunchiligida belgilangan tartibda, shuningdek, agar oxirgi 12 (o‘n

ikki) oy davomida karta/karta hisobvarag‘i bo‘yicha operatsiyalar amalga oshirilmagan bo‘lsa,

bloklanishi va/yoki yopilishi mumkin.

5.7. Karta Mijozning yozma arizasiga binoan yoki Bosh Shartlarda belgilangan aloqa kanallaridagi

soʻrovnomasiga binoan yoki masofaviy bank xizmati yordamida bloklanishi mumkin.

5.8. Karta boʻyicha operatsiyalarni toʻxtatib turish “Jinoiy faoliyatdan olingan daromadlarni

legallashtirishga, terrorizmni moliyalashtirishga va ommaviy qirg‘in qurolini tarqatishni

moliyalashtirishga qarshi kurashish to‘g‘risida ichki nazorat qoidalari”ga va O‘zbekiston

Respublikasining amaldagi qonunchiligida nazarda tutilgan boshqa holatlarga muvofiq amalga

oshiriladi.

Komprometatsiya.

5.9. Bank kartasiga zarar yetkazilishi, oʻgʻirlanishi va / yoki yoʻqolishi aniqlanganda yoki bank

kartasi yoki uning tafsilotlari, shuningdek, PIN-kartalar, kirish kodlari, autentifikatsiya

ma’lumotlari, Mijozning elektron qurilmasi yoʻqolishi yoki oʻgʻirlanishi mumkinligi,

shuningdek, bank kartasidan bankomatda (ATM) olinadigan va / yoki ism yoki familiya

oʻzgargan holda, Karta egasi zudlik bilan bu haqda Call-Markaz orqali va / yoki BShning 10-

bobida koʻrsatilgan boshqa usul bilan xabardor qilishi, bank kartasini bloklash, shuningdek, bank

kartasini muddatidan oldin qayta rasmiylashtirish toʻgʻrisida ariza yuborishi kerak. Bank kartasi

Bankning amaldagi tariflariga koʻra komissiya miqdori toʻlanganda qayta chiqariladi.

5.10. Agar ilgari yoʻqolgan deb e’lon qilingan Bank kartasi topilsa, Mijoz uni qaytarib berishga shart.

5.11. Kartadan foydalanishda Karta egasi Bank kartasini ochish va unga xizmat koʻrsatish boʻyicha

shartnoma boʻyicha Bank tomonidan taqdim etiladigan quyidagi operatsiyalar turlarini amalga

oshirishi mumkin:

5.11.1. Tovarlar, ishlar va xizmatlar uchun korxonalar bilan naqdsiz shaklda hisob-kitoblar;

5.11.2. Kartadan pul mablagʻlarini jismoniy shaxslar kartalariga oʻtkazish va kartaga pul

oʻtkazish uchun naqd pulsiz operatsiyalar.

5.12. O‘zbekiston Respublikasi qonunchiligi bilan ruxsat berilgan va Bank yordami bilan Karta

egasiga taqdim etilishi mumkin boʻlgan har qanday boshqa toʻlovlar, oʻtkazmalar va

operatsiyalar turlari.

5.13. Karta va Hisob raqam haqida maʼlumot olish.

5.14. Bank majburiyatlari:

5.14.1. Karta egasi bilan Bank kartasini ochish va unga/virtual bank kartasiga xizmat

koʻrsatish boʻyicha shartnoma tuzilgandan soʻng hisob raqamni ochish;

5.14.2. Hisob raqam ochilgandan soʻng, Karta egasiga kartani taqdim etish;

5.14.3. Karta yoʻqolgan yoki unga zarar yetkazilgan taqdirda, www.tbcbank.uz veb-saytida

joylashtirilgan Bank Tariflariga muvofiq ushbu BShda keltirilgan masofaviy aloqa

kanallari orqali taqdim etilgan Karta egasining arizasi / soʻrovi asosida 3 (uch) bank

kun davomida yangi Kartani taqdim etish;

5.14.4. Karta orqali amalga oshirilgan, Hisobvaraqdagi mablag‘lar qoldig‘ini kamaytiruvchi

barcha operatsiyalar summasini, shuningdek, Bank tariflariga muvofiq Karta egasi

tomonidan ko‘rsatilgan operatsiyalarni bajarganlik uchun Bankning vositachilik haqi

summasini Hisobvaraqdan yechib oladi;

5.14.5. Bank kartasini ochish va unga/virtual bank kartasiga xizmat koʻrsatish boʻyicha

shartnoma bekor qilingan holda, Hisobdagi pul qoldigʻini O‘zbekiston

Respublikasining amaldagi qonunchiligiga muvofiq Karta egasiga qaytarib berish

faqat naqd pulsiz shaklda amalga oshiradi.

5.15. Bank huquqlari:

5.15.1. Karta egasi Bosh Shartlarni, Bank kartasini ochish va unga/virtual bank kartasiga

xizmat koʻrsatish boʻyicha shartnomani va O‘zbekiston Respublikasining amaldagi

qonun hujjatlari talablarini buzsa, Karta faoliyatini toʻxtatib qoʻyish;

5.15.2. Karta egasining arizasi yozma ravishda yoki masofaviy aloqa kanallari orqali

yuborilsa, kartani istalgan vaqtda bloklash. Masalan, Karta yoʻqolgan yoki unga zarar

yetkazilganda.

5.15.3. O‘zbekiston Respublikasining amaldagi qonunlariga zid boʻlgan maqsadlarga va

hisob raqamlariga mablagʻlarlar oʻtkazmaslik.

5.16. Karta egasining majburiyatlari:

5.16.1. Bank kartasini ochish va unga/virtual bank kartasiga xizmat koʻrsatish boʻyicha

shartnoma, BSh, Bank yoʻriqnomalari, toʻlov tizimlari va huquqiy normalarga

muvofiq kartadan foydalanish;

5.16.2. Bank kartasini ochish va unga/virtual bank kartasiga xizmat koʻrsatish boʻyicha

shartnomani va /yoki Karta egasining koʻrsatmalarini buzish bilan bogʻliq Bankning

barcha harajatlari va zararlarini qoplash;

5.16.3. Kartaning yoʻqolishi (oʻgʻirlanishi va hokazo) aniqlangan kundan keyingi bank

kunidan kechiktirmay, Bankka va/yoki ushbu Bosh Shartlarda taqdim etilgan aloqa

kanallari orqali Kartaning yoʻqolishi toʻgʻrisida ariza yuborish;

5.16.4. Bankning amaldagi tariflariga muvofiq Karta bilan amalga oshirilgan barcha

operatsiyalar uchun kommissiya toʻlash;

5.16.5. 3 kalendar kuni ichida ushbu BShda taqdim etilgan masofaviy aloqa kanallari orqali

yashash joyini, pasport maʼlumotlarini, telefon raqamlarini va Karta egasining boshqa

zarur maʼlumotlari oʻzgarganligi toʻgʻrisida xabardor qilish.

5.16.6. Karta PIN kodi, kirish kodlari va autentifikatsiya ma’lumotlarining

kompromitatsiyasi, jumladan uchinchi shaxslar tomonidan ularga kirish imkoniyati

yuzaga kelgan taqdirda, ularni o‘zgartirish uchun zudlik bilan Bankni xabardor qilish.

5.17. Karta egasining huquqlari:

5.17.1. Oʻz hisobidagi qoldigʻini toʻldirish;

5.17.2. Hisob raqamidan u bajargan barcha operatsiyalarni aks ettiruvchi koʻchirma olish. Shu

bilan birga, Karta egasi ushbu Bosh Shartlarda taqdim etilgan aloqa kanallari orqali

ushbu xizmatni Bankdan shaxsan oʻzi soʻrashi lozim;

5.17.3. Kartalardagi PIN kodlarni oʻz xohishiga koʻra oʻzgartirish.

5.18. Karta egasi Bankning barcha xizmatlarini www.tbcbank.uz veb-saytida koʻrsatilgan narxlarda

toʻlash majburiyatini oladi.

5.19. Bank kartasini yoki virtual bank kartasini ochish va unga xizmat ko‘rsatish shartnomasiga

muvofiq Bank tomonidan ko‘rsatiladigan xizmatlar uchun to‘lov, karta egasining qo‘shimcha

roziligisiz va akseptsiz, so‘zsiz hisobdan chiqariladi. Shuningdek, karta egasi xizmatlar uchun

boshqa hisoblardan ham to‘lov amalga oshirishi mumkin.

5.20. Bank tariflarning oʻzgarishi toʻgʻrisida va ular kuchga kirgunga qadar 10 kun oldin xabardor

qiladi, Bank bu haqida maʼlumotni Masofaviy bank xizmati tizimi yoki bank xizmat koʻrsatish

markazlarida, shuningdek, www.tbcbank.uz veb-sayti orqali eʼlon beradi, agar bunday

oʻzgartirishlar O‘zbekiston Respublikasining amaldagi qonunchiligiga zid boʻlmasa va bank

xizmatlari iste’molchilarining huquqlarini buzmasa. Аgar Karta egasi oʻzgartirishlar eʼlon

qilingan kundan boshlab 10 kun ichida hech qanday shikoyat yoki eʼtiroz bildirmasa, bu

oʻzgarishlar kuchga kiradi va Karta egasi ularning huquq va majburiyatlarini tasdiqlaydi.

5.21. Karta egasi Bankka kartasi oʻgʻirlanishi yoki yoʻqolishi toʻgʻrisida yozma ravishda xabar

berishidan oldin va kartaning PIN-kodi uchinchi shaxslarga yoki boshqalarga maʼlum boʻlishi

gumoni haqida xabar berishidan oldin, Bank Mijozning maxfiy maʼlumotni saqlash

majburiyatini buzishi natijasida yetkazilgan zararlar uchun, har qanday moliyaviy yoʻqotishlar

va operatsiyalar uchun javobgar boʻlmaydi.

5.22. Bank uchinchi tomonning aybiga koʻra toʻlov tizimlari ishida yuzaga kelgan uzilishlar uchun

javobgar boʻlmaydi (YaRPM, YaXPM ham shu jumladan, lekin ular bilan cheklanib qolmaydi).

5.23. “TBC Bank” ATBning masofaviy bank xizmati tizimida Bank Mijozi tomonidan roʻyxatga

olingan boshqa banklarga tegishli boʻlgan qoʻshimcha kartalar orqali amalga oshirilgan tovarlar

va xizmatlar uchun toʻlangan toʻlovlar uchun Bank javobgar boʻlmaydi.

5.24. Bankdan tashqarida toʻlov tizimlarida amalga oshirilgan operatsiyalar uchun Bank javobgar

emas, Tomonlarning tegishli majburiyatlari toʻlov tizimlari tomonidan taqdim etilgan alohida

huquqiy hujjatlar bilan tartibga solinadi;

5.25. Bank uchinchi shaxslar tomonidan Kartaga xizmat koʻrsatishni rad etganlari uchun javobgar

emas.

5.26. Agar Karta egasi bank kartasining komprometatsiya fakti haqida Bankka ma’lum

qilmasa/xabardor qilmasa, Bank har qanday moliyaviy zarar va tranzaksiyalar uchun javobgar

boʻlmaydi. Agar Bankka Karta egasi tomonidan komprometatsiya haqida ogʻzaki yoki yozma

shaklda xabar qilingan boʻlsa, Bank faqat bank kartasini bloklash choralarini koʻradi.

5.27. Karta egasi Bank kabi bank kartasini ochish va unga/virtual bank kartasiga xizmat koʻrsatish

boʻyicha shartnoma boʻyicha maʼlumotlarning maxfiyligini taʼminlash uchun javobgardir.

5.28. Аgar tomonlardan biri bank kartasini ochish va unga/virtual bank kartasiga xizmat koʻrsatish

boʻyicha shartnomani bajarishda amaldagi qonunchilikni buzsa, ikkinchi Tomon buning uchun

javobgar emas;

5.29. Shartnomada nazarda tutilmagan holatlarda Tomonlarning javobgarligi ushbu BSh va

O‘zbekiston Respublikasining amaldagi qonunchiligi bilan tartibga solinadi.

5.30. Bank kartasini ochish va unga/virtual bank kartasiga xizmat koʻrsatish boʻyicha shartnomani

Tomonlar bajarish jarayonida yuzaga keladigan barcha nizolarni Tomonlar muzokaralar orqali

koʻrib chiqadi va Tomonlar o‘zaro kelishuvga erishmagan taqdirda, nizo ko‘rib chiqish uchun

Bank ro‘yxatdan o‘tgan joydagi fuqarolik sudiga o‘tkaziladi.

5.31. Bank kartasini ochish va unga/virtual bank kartasiga xizmat koʻrsatish boʻyicha shartnoma Mijoz

tomonidan qabul qilingan kundan boshlab kuchga kiradi va Tomonlarning har biri tashabbusi

bilan yoki sud qarori bilan bekor qilinmaguncha amal qiladi.

5.32. Bank kartasini ochish va unga/virtual bank kartasiga xizmat koʻrsatish boʻyicha shartnoma

Tomonlardan birining tashabbusi bilan bekor qilinishi mumkin, agar bir Tomon shartnomani

bekor qilinishi kutilgan kundan 30 kun oldin yozma ravishda yoki masofaviy aloqa kanallari

orqali xabardor qilsa, quyidagilar sharti bilan: Bank tomonidan Karta egasiga berilgan barcha

kartalar yaroqli holatda Bankka qaytarilsa; Karta egasi ushbu shartnoma boʻyicha Bank oldidagi

barcha majburiyatlarini bajargan boʻlsa; Karta egasining Bank oldida qarzdorligi boʻlmasa.

5.33. Bank kartasini ochish va unga/virtual bank kartasiga xizmat koʻrsatish boʻyicha shartnoma bekor

qilinganda, kartani berish uchun toʻlanadigan haq, Bank tarifiga muvofiq operatsiyalarni qayta

ishlash uchun komissiya haqi va boshqa toʻlovlar qaytarilmaydi.

5.34. Bank kartasidan Gruziya hududida, TBC BANK AJ (Gruziya) tarmogʻida (bankomatlar va

terminallar) ham foydalanish mumkin, bunda pul mablagʻlarini tranzaksiya valyutasidan oʻzbek

soʻmiga avtomat ravishda konvertatsiya qilish Bankning tijorat kursi boʻyicha amalga oshiriladi.

5.35. Gruziya hududida amalga oshirilgan operatsiyalar bo‘yicha pul mablag‘lar holdingi O‘zbekiston

Respublikasi Markaziy bankining tranzaksiya sanasida belgilangan kursi bo‘yicha amalga

oshiriladi.

5.36. Gruziya hududida amalga oshirilgan operatsiyalar boʻyicha karta hisobvarag‘idan pul

mablag‘larini yechib olish o‘zaro hisob-kitoblar amalga oshirilgan sanada belgilangan

O‘zbekiston Respublikasi Markaziy bankining kursi bo‘yicha amalga oshiriladi.

5.37. Mijoz mablag‘larining xavfsizligini ta’minlash va bank kartalari bilan firibgarlik

operatsiyalariga qarshi kurashish maqsadida, agar barcha banklar tomonidan chiqarilgan

kartalarning (shu jumladan virtual va kobeydjing kartalarining) umumiy soni 20 (yigirma)

donaga teng yoki undan ortiq bo‘lsa, Bankda ochilgan kartalar soni esa 5 (besh) donaga teng

yoki undan ortiq bo‘lsa, Bank Mijozga yangi karta ochishni rad etishga haqli. Bank Mijozga

yangi kartani ochishni rad etishga haqli. Ushbu qoida chet el valyutasida ochilgan bank

kartalariga nisbatan tatbiq etilmaydi.

6-bob. “VISA” xalqaro bank kartasini / “VISA” virtual xalqaro bank

kartasi ochish va unga xizmat koʻrsatish uchun shartnoma

6.1. “VISA” xalqaro bank kartasini ochish va unga xizmat koʻrsatish boʻyicha shartnoma shartlariga

muvofiq (bundan buyon matnda “VISA” deb yuritiladi) Bank Mijozning arizasi/talabnomasiga

koʻra AQSh dollarida (keyingi oʻrinlarda “hisobvaraq” deb ataladi) hisobvaraq ochish, Mijozga

(keyingi oʻrinlarda “Karta egasi” deb ataladi) xalqaro bank kartasini (keyingi oʻrinlarda “XBK”

deb ataladi) chiqarish, shuningdek, “TBC Bank” ATB bank mahsulotlari va xizmatlarini taqdim

etish boʻyicha mazkur BShda nazarda tutilgan shartlar va tartibda, “VISA” xalqaro bank

kartasini ochish va unga xizmat koʻrsatish boʻyicha ariza/talabnoma va shartnomada hamda

Oʻzbekiston Respublikasining amaldagi qonunchiligiga muvofiq karta hisobiga (a) xizmat

koʻrsatish majburiyatini oʻz zimmasiga oladi.

6.2. Karta egasining nomiga XBKni ochish uchun u MBX tizimida yoki www.tbcbank.uz korporativ

saytda BSh bilan tanishib chiqishi va qabul qilishi hamda XBK ochilishini soʻrashi kerak.

6.3. Bankning MBX tizimida Shartnomani muvaffaqiyatli identifikatsiyalab, qabul qilgandan soʻng

Karta egasiga keyingi bank kunidan kechiktirmagan holda (norezidentlar uchun 15 bank kuni

ichida) hisob raqamni ochadi va 5 bank kuni mobaynida XBK chiqariladi.

6.4. Agar XBK virtual boʻlib jismoniy koʻrinishga ega boʻlmasa, u holda kartani buyurtma qilgan

Egasi verifikatsiyadan oʻtgan boʻlsagina, karta ilova orqali buyurtma qilinganidan keyin 30

daqiqa ichida faollashtiriladi.

6.5. Hisob raqam ochilgandan keyin va XBK chiqarilgandan soʻng, XBK Karta egasiga u Bankka

tashrif buyurganida beriladi yoki kuryer orqali yetkazib beriladi va shaxsan shaxsni

identifikatsiyalashdan keyin topshiriladi.

6.6. Bank XBKni yangi muddatga uzaytirish imkoniyati bilan chiqarilgan kundan boshlab 5 yilgacha

boʻlgan muddatga chiqaradi.

6.7. Hisob raqamdagi pul mablagʻlarning qoldigʻi uchun foizlar hisoblanmaydi.

6.8. XBK yordamida operatsiyalar haqida elektron xabarnomalarni olish uchun SMS-xabarnoma

xizmati avtomat ravishda faollashtiriladi.

6.9. XBK Bosh Shartlar, xalqaro bank kartasini ochish va unga xizmat koʻrsatish Shartnomasi hamda

Oʻzbekiston Respublikasining amaldagi qonunchiligi bilan belgilangan tartibda, shuningdek,

Karta va/yoki karta hisobvaragʻi bo‘yicha oxirgi 12 (o‘n ikki) oy operatsiyalar bajarilmagan

taqdirda, Bank yoki vakolatli organ tomonidan bloklanishi va/yoki yopilishi mumkin.

6.10. XBKni Karta egasi tomonidan, uning yozma soʻroviga koʻra yoki Bankning MBX yordamida

yoki BShda belgilangan aloqa kanallari orqali taqdim etilgan soʻrov asosida bloklash mumkin.

6.11. XBK boʻyicha operatsiyalarni toʻxtatib turish “Tijorat banklarida jinoiy faoliyatdan olingan

daromadlarni legallashtirishga, terrorizmni moliyalashtirishga va ommaviy qirgʻin qurolini

tarqatishni moliyalashtirishga qarshi kurashish boʻyicha ichki nazorat qoidalari” va Oʻzbekiston

Respublikasining amaldagi qonun hujjatlarida nazarda tutilgan boshqa holatlarga muvofiq

amalga oshiriladi.

6.12. XBK valyutasidan farqli boshqa valyutada tranzaksiyalar amalga oshirilganda, mablagʻlarni

Holding qilish tranzaksiya sanasidagi “VISA” toʻlov tizimining kursi boʻyicha amalga oshiriladi.

Mablagʻlar hisobvaraq va XBKdan hisob-kitob sanasidagi Bankning tijorat kursi boʻyicha

yechib olinadi.

Komprometatsiya.

6.13. XBKga zarar yetkazilsa, oʻgʻirlansa va/yoki yoʻqotilsa yoki XBK yoki uning rekvizitlari,

shuningdek, karta PIN-kodi, foydalanish kodlari, autentifikatsiya ma’lumotlari, Karta egasining

elektron qurilmasi yoʻqolgan yoki oʻgʻirlangan boʻlishi mumkinligi aniqlansa, shuningdek,

Bankomatda (ATM) olib qoʻyilgan boʻlsa va/yoki ism yoki familiya oʻzgargan boʻlsa, Karta

egasi zudlik bilan Bankning Call-Markazi orqali va/yoki BShning 10-bobida belgilangan boshqa

usul bilan ogohlantirishi va XBKni bloklashi kerak, shuningdek, XBKni muddatidan oldin qayta

chiqarish uchun ariza berishi kerak.

6.14. Agar ilgari yoʻqolgan deb eʻlon qilingan XBK topilsa, Karta egasi uni Bankka qaytarishi kerak.

6.15. Karta egasi XBKdan foydalanganda Xalqaro bank kartasini ochish va unga xizmat koʻrsatish

shartnomasi doirasida Bank tomonidan taqdim etiladigan quyidagi operatsiyalarni amalga

oshirishi mumkin:

6.15.1. Internet tarmogʻida tovarlar (ishlar, xizmatlar) uchun toʻlash;

6.15.2. Humo va Uzcard kartalaridan mablagʻlarni konvertatsiya qilish orqali kartani

toʻldirish;

6.15.3. XBK va Hisob raqam boʻyicha ma’lumotnoma olish.

6.15.4. TBC UZ mobil ilovasidagi VISA Virtual kartasi va milliy valyutadagi kartalar (Humo,

Uzcard) o‘rtasida pul mablag‘larini o‘tkazish Bankning bunday o‘tkazma vaqtida

belgilangan valyuta ayirboshlash kurslari bo‘yicha amalga oshiriladi. Ushbu

ayirboshlash kurslari bank karta egasiga o‘tkazma vaqtida ko‘rinib turadi va bunday

o‘tkazmaning tasdiqlanishi bank karta egasining ko‘rsatilgan valyuta ayirboshlash

kurslariga roziligini bildiradi. TBC UZ ilovasida Humo/Uzcard kartalari va Visa

Virtual kartasi o‘rtasida pul mablag‘larini konvertatsiya qilishda konvertatsiya

summalari yuzdan bir qismigacha yaxlitlanadi. Shu munosabat bilan, bunday hollarda

konvertatsiya darajasi ilovada koʻrsatilganidan koʻproq yoki kamroq tomonga farq

qilishi mumkin.

6.16. Bank majburiyatlari:

6.16.1. Mazkur BShni qabul qilgandan soʻng hisob raqamni ochish, Karta egasi bilan xalqaro

bank kartasini ochish va unga xizmat koʻrsatish uchun Shartnoma tuzish.

6.16.2. Agar XBK jismoniy koʻrinishda boʻlsa, hisob raqam ochilganidan soʻng xalqaro bank

karta egasiga berish.

6.16.3. Agar XBK virtual koʻrinishda boʻlsa, Bankning mobil ilovasi orqali kartaning toʻliq

tafsilotlarini olish imkoniyatini taqdim etish.

6.16.4. Agar xalqaro bank karta egasiga tegishli kartaning amal qilish muddati oʻtgan boʻlsa,

karta yoʻqolsa va unga zarar yetkazilgan boʻlsa, ariza/soʻrov qabul qilingan sanadan

boshlab 5 (besh) bank kunidan koʻp boʻlmagan muddat oʻtgandan keyin ushbu BShda

nazarda tutilgan masofaviy aloqa kanallari orqali berilgan ariza/soʻrov asosida yangi

XBKni www.tbcbank.uz saytda joylashtirilgan Bank tariflariga muvofiq chiqarish.

6.16.5. Oʻzbekiston Respublikasining amaldagi qonunchiligi va ushbu Shartnomaga koʻra

Karta egasining topshirigʻiga binoan hisob-kitoblarni amalga oshirish boʻyicha

xizmatlar koʻrsatish.

6.16.6. Karta egasining yozma arizasi boʻyicha yoki Karta egasining tegishli

identifikatsiyalash jarayonidan oʻtganidan keyin aloqa kanallari orqali murojaat

qilganida XBKni bloklash

6.16.7. Xalqaro bank kartasini ochish va unga xizmat koʻrsatish boʻyicha Shartnoma bekor

qilinganda, Hisob raqamdagi pul mablagʻlar qoldigʻini Oʻzbekiston Respublikasining

amaldagi qonunchiligiga koʻra usulda faqatgina naqd pulsiz shaklda qaytarish.

6.16.8. Hisrob raqamdagi mablagʻ qoldigʻini kamaytiruvchi, XBK orqali amalga oshirilgan

barcha operatsiyalar summalarini, shuningdek, Bank tariflariga muvofiq ushbu

operatsiyalar Karta egasi tomonidan amalga oshirilganligi uchun Bank komission

mukofotining summalarini Hisob raqamga debet qilish.

6.17. Bank quyidagi huquqlarga ega:

6.17.1. Agar Karta egasi mazkur BShga hamda Xalqaro bank kartasini ochish va unga xizmat

koʻrsatish Shartnomasiga hamda Oʻzbekiston Respublikasining amaldagi qonun

hujjatlari normalariga rioya etmasa, XBK amal qilishini toʻxtatib turish.

6.17.2. Agar Karta egasi tomonidan yozma yoki masofaviy aloqa kanallari orqali ariza

yuborilgan boʻlsa, XBKni istalgan vaqtda bloklash. Misol uchun, XBKni yoʻqotish

yoki unga zarar yetkazish holatlarida.

6.17.3. Oʻzbekiston Respublikasining amaldagi qonunchiligiga koʻra taqiqlangan yoki unga

zid boʻlgan holda hisobvaraqlarga va maqsadlarni koʻzlab mablagʻ oʻtkazmaslik.

6.17.4. Zarur hollatlarda, amaldagi qonun hujjatlarida belgilangan tartibda, Karta egasi

tomonidan hisob raqam boʻyicha amalga oshiriladigan operatsiyalarning

qonuniyligini tekshirish va xizmatlar koʻrsatish bilan bogʻliq zarur tasdiqlovchi

hujjatlarni talab qilish.

6.17.5. Karta egasi tomonidan ushbu BSh, Xalqaro bank kartasini ochish va unga xizmat

ko‘rsatish shartnomasi hamda O‘zbekiston Respublikasining amaldagi qonunchiligiga

muvofiq O‘zbekiston Respublikasining amaldagi qonunchiligi normalari buzilgan

taqdirda, Xalqaro bank kartasini ochish va unga xizmat ko‘rsatish shartnomasini bekor

qilish.

6.17.6. Quyidagi hollatlarda oldindan ogohlantirmasdan karta operatsiyalarini bloklash:

6.17.6.1. himoya chorasi sifatida taxminiy firibgarlik yuzaga kelsa;

6.17.6.2. davlat organlarining talabiga binoan

6.17.6.3. Vakolatli xalqaro tashkilotlarning sanksiyalariga muvofiq karta egasining

sanksiya ro‘yxatiga kiritilishi, shuningdek, XBK emissiyasining xalqaro

me’yorlari buzilishi munosabati bilan.

6.17.6.4. amaldagi qonun hujjatlarida nazarda tutilgan boshqa hollatlarda.

6.17.7. Karta egasining roziligisiz hisob raqamdan quyidagilarni yechib olish:

6.17.7.1. bank xizmatlari uchun bank tariflariga muvofiq vositachilik komissiyasi;

6.17.7.2. tegishli asos mavjud boʻlsa, Hisob raqamga notoʻgʻri oʻtkazilgan

mablagʻlar.

6.18. Karta egasi majburiyatlari:

6.18.1. Xalqaro bank kartasini ochish va unga xizmat koʻrsatish shartnomasiga hamda BShga,

Bank yoʻriqnomalariga, shuningdek, amaldagi qonunchilik normalariga muvofiq

XBKdan foydalanish.

6.18.2. Karta egasi tomonidan Xalqaro bank kartasini ochish va unga xizmat koʻrsatish

toʻgʻrisidagi shartnomasini buzish bilan bogʻliq barcha xarajatlarni va Bank zararlarini

toʻlash.

6.18.3. XBK yoʻqolganligi (yoʻqotish, oʻgʻirlik va h. k.) aniqlangan kundan e’tiboran keyingi

bank kunidan kechiktirmagan holda mazkur BShda belgilangan aloqa kanallari orqali

Bankka XBK yoʻqolganligi haqida ariza va/yoki xabarnoma yuborish;

6.18.4. Bankning amaldagi tariflariga muvofiq XBK yordamida amalga oshirilgan barcha

operatsiyalar uchun komissiya haqini toʻlash.

6.18.5. 3 kalendar kun mobaynida Bankka ushbu BShda nazarda tutilgan masofaviy aloqa

kanallari orqali yashash joyi, pasport ma’lumotlari, telefon raqamlari va Karta

egasining boshqa muhim ma’lumotlari oʻzgargan holatlar haqida xabar berish.

6.18.6. Komprometatsiya holatlarida, shu jumladan uchinchi shaxslar tomonidan karta PIN-

kodi, kirish kodlari va autentifikatsiya ma’lumotlarini qoʻlga kiritilishi holatlari

yuzaga kelsa, ularni oʻzgartirish uchun Bankni darhol xabardor qilish.

6.18.7. Har hafta TBC UZ mobil ilovasida mavjud boʻlgan Tranzaksiya tarixi orqali karta

boʻyicha amalga oshirilgan tranzaksiyalarni tekshirish.

6.19. Karta egasi quyidagi huquqlarga ega:

6.19.1. hisob raqamdagi balansni toʻldirish.

6.19.2. o‘zi o‘tkazgan barcha operatsiyalar aks ettiriladigan Hisobvaraq bo‘yicha ko‘chirma

olish. Bunda, Bank egasi ushbu xizmatni shaxsan Bankdan ushbu BShda nazarda

tutilgan masofaviy aloqa kanallari orqali so‘rashi kerak.

6.19.3. Amaldagi qonun hujjatlari va ushbu Shartnoma talablari doirasida oʻz pul

mablagʻlarini hisobvaraqda erkin tasarruf etish.

6.19.4. XBKni MBX orqali bloklash yoki blokdan chiqarish.

6.19.5. MBX orqali Bankning amaldagi tariflariga muvofiq komissiyani toʻlash sharti bilan

XBKni qayta chiqarish uchun ariza berish.

6.19.6. Berilgan ariza asosida keyinchalik Hisob raqamni yopish bilan XBKdan foydalanishni

rad etish.

6.20. Karta egasi www.tbcbank.uz saytida koʻrsatilgan tariflar boʻyicha Bankning barcha xizmatlarini

toʻlash majburiyatini oladi.

6.21. Xalqaro bank kartasini ochish va unga xizmat koʻrsatish shartnomasiga muvofiq Bank

tomonidan koʻrsatiladigan xizmatlar uchun toʻlovlar akseptsiz va tortishuvsiz tartibda Karta

egasining qoʻshimcha roziligisiz yechib olinadi. Karta egasi, shuningdek, boshqa hisob

raqamlardan naqd pul koʻrinishida boʻlmagan shaklda xizmatlar uchun toʻlashi mumkin.

6.22. Bank tariflarni, Bosh Shartlarni va bank mahsulotlari shartlarini oʻzgartirish huquqiga ega, bunda

Bank tariflarning kuchga kirishidan 10 kun oldin oʻzgarishi haqida xabar beradi, agar bunday

oʻzgarishlar amaldagi qonunchilikka zid boʻlmasdan, Oʻzbekiston Respublikasi va bank

xizmatlari iste’molchilarining huquqlarini buzmasa, bu haqda MBX manbalarida, Bank

boʻlinmalari binolarida, shuningdek, www.tbcbank.uz bank veb-sayti sahifalarida ma’lumot

beradi. Agar Karta egasi e’lon qilingan kundan boshlab 10 kun ichida oʻzgartirishlar haqida hech

qanday shikoyat yoki e’tiroz bildirmasa, ushbu oʻzgarishlar qonuniy kuchga kiradi va Karta egasi

ular boʻyicha oʻz huquq va majburiyatlarini tasdiqlaydi.

6.23. Bank “VISA” tizimida yuzaga keladigan uzilishlar uchun javobgar emas.

6.24. Bankdan tashqaridagi toʻlov tizimlarida amalga oshirilgan tranzaksiyalar uchun javobgar emas,

Tomonlarning tegishli majburiyatlari va javobgarligi toʻlov tizimlari tomonidan taqdim etilgan

alohida huquqiy hujjatlar bilan tartibga solinadi.

6.25. Bank uchinchi shaxslar tomonidan XBKga xizmat koʻrsatishdan bosh tortgani uchun javobgar

emas.

6.26. Karta egasi, shuningdek, Bank, ushbu BShga koʻra va Xalqaro bank kartasini ochish va unga

xizmat koʻrsatish boʻyicha shartnomaga muvofiq axborotning maxfiyligini ta’minlash uchun

javobgardir.

6.27. Agar Tomonlarning biri Xalqaro bank kartasini ochish va unga xizmat koʻrsatish boʻyicha

shartnomani bajarishda amaldagi qonun hujjatlariga rioya qilmasa, ikkinchi Tomon buning

uchun javobgar boʻlmaydi.

6.28. Ushbu Shartnomada koʻzda tutilmagan hollarda Tomonlarning javobgarligi mazkur BSh va

Oʻzbekiston Respublikasining amaldagi qonunchiligi bilan tartibga solinadi.

6.29. Tomonlar Xalqaro bank kartasini ochish va unga xizmat koʻrsatish boʻyicha shartnomani

bajarish jarayonida yuzaga keladigan barcha nizolar muzokaralar yoʻli bilan koʻrib chiqadi va

agar Tomonlar oʻzaro kelishuvga erisha olmasa, ushbu nizo Bank roʻyxatga olingan joydagi

fuqarolik sudi tomonidan koʻrib chiqiladi.

6.30. Xalqaro bank kartasini ochish va unga xizmat koʻrsatish toʻgʻrisidagi shartnoma Karta egasi

tomonidan uni qabul qilgan kunidan boshlab kuchga kiradi va Tomonlarning har qanday

tashabbusi bilan yoki sud qarori bilan bekor qilingan kunigacha amal qiladi.

6.31. Xalqaro bank kartasini ochish va unga xizmat koʻrsatish toʻgʻrisidagi shartnoma Tomonlardan

birining tashabbusi bilan bekor qilinishi mumkin, agar yozma xabarnoma yoki ikkinchi

Tomonning masofaviy aloqa kanallari orqali Shartnoma bekor qilinishidan 30 kun oldin xabar

berilib, Bank tomonidan Karta egasiga berilgan barcha XBK ishga yaroqli holatda Bankka

qaytarilsa; Karta egasi mazkur Shartnoma boʻyicha barcha majburiyatlarni bajargan boʻlsa;

Karta egasi Bank oldida hech qanday qarzdorlikka ega boʻlmasa;

6.32. Xalqaro bank kartasini ochish va unga xizmat koʻrsatish boʻyicha shartnoma bekor qilinganda

XBK chiqarish uchun toʻlov, Bank tarifiga muvofiq Operatsiyalarni qayta ishlash uchun

komission mukofot va boshqa toʻlovlar egasiga qaytarilmaydi.

Tranzaksiyalar boʻyicha nizolar:

6.33. Agar Karta egasi karta bo‘yicha tranzaksiya u tomonidan avtorizatsiya qilinmaganiga ishonch

hosil qilsa, Karta egasi o‘z kartasini TBC Uz mobil ilovasi orqali darhol bloklashi yoki Bankning

Call-markaziga qo‘ng‘iroq qilishi lozim.

6.34. Karta egasi XBKning oʻgʻirlanganligi yoki yoʻqotilganligi toʻgʻrisida hamda Karta egasi

XBKning PIN kodi uchinchi shaxslarga yoki biron-bir shaxsga ma’lum boʻlganligiga unda

shubhasi borligi haqida yozma xabar bergunga qadar Bank biror shaxs tomonidan amalga

oshirilgan moliyaviy yoʻqotishlar va tranzaksiyalar uchun, ma’lumotlar maxfiyligiga Karta egasi

tomonidan rioya etilmaganligi sababli yuzaga kelgan yoʻqotishlar uchun javobgar emas.

6.35. Ruxsatsiz tranzaksiya boʻyicha nizo yuzaga kelgan taqdirda, Karta egasi XBKni bloklashga oʻz

roziligini bildiradi.

6.36. 3D-Secure texnologiyasidan foydalangan holda amalga oshirilgan operatsiyalar muhokama

qilinmaydi va Karta egasining oʻzi tomonidan amalga oshirilgan deb hisoblanadi.

6.37. Bank quyidagi operatsiyalar boʻyicha javobgar emas:

6.37.1. 3D-Secure texnologiyasidan foydalangan holda amalga oshirilgan operatsiyalar;

6.37.2. ushbu BSh, mazkur Shartnomani buzgan holda amalga oshirilgan operatsiyalar;

6.37.3. XBK egasi tomonidan MBX orqali yoki ushbu BSh, mazkur Shartnomada koʻrsatilgan

boshqa kanallar orqali XBKni bloklanguniga qadar XBK boʻyicha amalga oshirilgan

operatsiyalar.

6.38. Agar Karta egasi to‘lovni amalga oshirgandan so‘ng fikrini o‘zgartiradigan bo‘lsa, Bank

tranzaksiyani bekor qila olmaydi. Bunday holatlarda, Karta egasi sotuvchi yoki yetkazib

beruvchi bilan to‘g‘ridan-to‘g‘ri bog‘lanishi lozim.

6.39. Bank tovarlar va xizmatlar sifatiga hech qanday kafolat bermaydi va har qanday sotuvchi yoki

xizmat koʻrsatuvchi tomonidan koʻrsatiladigan xizmatlar uchun javobgar emas. Bu boradagi har

qanday nizo bevosita sotuvchi yoki xizmat koʻrsatuvchi bilan hal qilinishi kerak.

6.40. Agar operatsiyalar amalga oshirilgan kundan boshlab 30 kalendar kundan koʻp boʻlmagan vaqt

oʻtgan boʻlsa, Karta egasi XBKdan foydalanish orqali amalga oshirilgan operatsiyalar boʻyicha

da’vo qilish huquqiga ega.

6.41. Nizoli operatsiyani hal qilish uchun zarur boʻlgan vaqt ishning murakkabligiga qarab farq qilishi

mumkin va 60 ish kunidan taxminan 120 ish kunigacha tashkil etishi mumkin.

6.42. Zaruriyat yuzaga kelganda Bank nizoli vaziyatda yordam beradigan qoʻshimcha hujjatlarni

(masalan, hisob-faktura, xizmatdan voz kechish toʻgʻrisidagi bildirishnomalar, toʻlov

kvitansiyalari) talab qilishi/soʻrashi mumkin.

7-bob. Kredit mahsulotlarining umumiy shartlari

7.1. Mijoz/bank karta egasi www.tbcbank.uz. veb-saytida joylashtirilga BSh ma’lumotlariga

asoslanib, kredit mahsulotlaridan foydalanish huquqiga ega.

7.2. Har bir kredit mahsuloti www.tbcbank.uz. veb-saytida chop etiladi. Kredit mahsuloti

toʻgʻrisidagi umumiy qoidalar ushbu bob bilan belgilanadi va aniq shartlar Tomonlar tuzgan

alohida tegishli kredit mahsuloti toʻgʻrisidagi shartnoma bilan belgilanadi va tartibga solinadi.

7.3. Mijoz kredit mahsulotini olish uchun Bankka soʻrov yuborishi kerak, shu jumladan masofaviy

bank xizmati tizimi (mobil ilova, shaxsiy kabinet va boshqalar) elektron aloqa vositalari orqali

qilingan soʻrov asosida bir nechta mahsulotlarni olishga ruxsat beriladi. Bank Mijozning

soʻrovini koʻrib chiqadi va kredit mahsuloti uchun soʻrovni tasdiqlash yoki rad etish toʻgʻrisida

mustaqil ravishda qaror qabul qiladi.

7.4. Kredit mahsulotini olgandan soʻng, Mijoz (qarz oluvchi) Bank bilan tuzilgan alohida

shartnomada koʻrsatilgan shartlarga muvofiq uni qaytarishi va foizlarni (yuzaga keladigan

penya/jarimalarni) toʻlashi shart.

7.5. Foizlar Mijozning Bank oldidagi qoplanmagan majburiyatiga hisoblanadi va yiliga 365 kunlik

hisob-kitob usuli asosida obyektdan foydalanishning haqiqiy kunlariga muvofiq hisoblab

chiqiladi.

7.6. Bank Mijoz/Qarz oluvchining Bankdagi va boshqa tijorat banklarida ochilgan barcha

hisobvaraqlaridagi mablag‘larni quyidagi holatlarda shubhasiz hisobdan chiqarishga,

Mijozdan/Qarz oluvchidan yoki uning vorisidan kreditni muddatidan oldin to‘liq soʻndirishni

(shu jumladan hisoblangan foizlarni), shu jumladan sud tartivida talab qilishga va/yoki

keyinchalik berilishini to‘xtatishga haqli:

7.6.1. Mijoz/Qarz oluvchi tomonidan Kredit shartnomasi va mazkur BSh boʻyicha oʻz

zimmasiga olgan majburiyatlarning buzilishi va/yoki bajarilmasligi va/yoki lozim

darajada bajarilmasligi;

7.6.2. agar Mijoz/Qarz oluvchi kredit olish uchun Bankka kredit berish to‘g‘risida qaror

qabul qilish uchun hal qiluvchi bo‘lgan masalalar bo‘yicha noto‘g‘ri yoki to‘liq

bo‘lmagan ma’lumotlarni taqdim etgan bo‘lsa;

7.6.3. kredit qaytarilishining ta’minoti yoʻqolishi yoki ta’minot qiymatining pasayishi;

7.6.4. Mijoz/Qarz oluvchi Bank toʻlov talablarini qabul qilishdan asossiz ravishda rad etgan

boʻlsa;

7.6.5. kredit shartnomasi shartlaridan va BShdan kelib chiqadigan kredit boʻyicha asosiy

qarzni, foizlarni va/yoki boshqa toʻlovlarni kechiktirish holatlarida;

7.6.6. garov shartnomasini kredit shartnomasi tuzilgan kundan boshlab kredit shartnomasida

nazarda tutilgan muddatda tuzmaslik;

7.6.7. Mijoz/Qarz oluvchi moliyaviy ahvolining yomonlashishi, shu jumladan daromad

manbai yoʻqolishi;

7.6.8. agar Mijoz/Qarz oluvchiga nisbatan jinoiy ish yoki sud ishi qo‘zg‘atilgan bo‘lsa yoki

qarzdorning mulki qarzni qoplash uchun xatlangan bo‘lsa, yoki uning mablag‘lari yoki

boshqa mol-mulki bilan operatsiyalar muzlatilgan va/yoki to‘xtatilgan bo‘lsa;

7.6.9. Kredit shartnomasini tuzish va undan foydalanishdan maqsad jinoyatdan olingan

daromadlarni legallashtirish, terrorizmni moliyalashtirish yoki ommaviy qirg‘in

qurollarini tarqatishni moliyalashtirish ekanligiga shubhalar mavjud boʻlsa;

7.6.10. Mijoz/Qarz oluvchiga pul summasini toʻlash va/yoki Mijoz/Qarz oluvchining mol-

mulkini undirish va/yoki uchinchi shaxslar tomonidan xatlash toʻgʻrisida da’vo

qoʻzgʻatilgan boʻlib, uning miqdori Mijoz/Qarz oluvchi tomonidan ushbu Shartnoma

boʻyicha majburiyatlarini bajarilishi borasida xavf mavjud boʻlsa;

7.6.11. Bankning kredit mahsulotlaridan foydalanganda xatolik bilan oʻtkazilgan summalarni

qaytarish maqsadida pul mablagʻlari notoʻgʻri oʻtkazilganda va/yoki amaldagi

qonunchilikni buzgan holda va/yoki shubhali summalarni Mijoz/Qarz oluvchining

hisobvaragʻiga o‘tkazganda;

7.6.12. kredit boʻyicha mablagʻlarning qaytarilmasligi xavfini oshiradigan har qanday

omillarning yuzaga kelishi holatlarida;

7.6.13. agar quyidagi holatlar ro‘y bergan bo‘lsa yoki Bankning fikriga ko‘ra, Mijoz/Qarz

oluvchi tomonidan Shartnoma bo‘yicha majburiyatlarni bajarmaslik (to‘g‘ri

bajarmaslik) xavfi mavjud bo‘lsa, quyidagi holatlardan birortasi bilan bog‘liq holda:

7.6.13.1. Qarz oluvchi/Ish beruvchi tomonidan Bankning yozma/elektron

xabarnomasi asosida olingan Mijoz/Qarz oluvchi va Ish beruvchi

o‘rtasidagi mehnat munosabatlari (shu jumladan kelajakda) tugatilganligi

to‘g‘risidagi ma’lumotlar yoki boshqa manbalardan Bankka kelib tushgan

ma’lumotlar mavjudligi yoki aniqlanganda;

7.6.13.2. Mijozning/Qarz oluvchining oʻlimi yoki bedarak yoʻqolishi;

7.6.13.3. Mijoz/Qarz oluvchi tomonidan uning har qanday tasdiq va kafolatlarining

buzilishi;

7.6.13.4. Mijoz/Qarz oluvchi tomonidan O‘zbekiston Respublikasi qonun hujjatlari

talablari Mijoz/Qarz oluvchi tomonidan Bank oldidagi majburiyatlarning

buzilishiga olib kelgan yoki olib kelishi mumkin bo‘lgan holatlar.

7.6.14. Agar Qarz oluvchi tomonidan kredit olish va Bank tomonidan kredit berish to‘g‘risida

qaror qabul qilish uchun har qanday turdagi ma’lumotlar soxtalashtirilgan bo‘lsa yoki

Bank Qarz oluvchi tomonidan taqdim etilgan va/yoki Bank tomonidan Qarz oluvchi

to‘g‘risidagi ma’lumotlarni o‘z ichiga olgan uchinchi shaxslarning ma’lumotlar

bazalaridan olingan ma’lumotlar haqiqatga to‘g‘ri kelmasligiga shubha qilsa.

7.6.15. Shuningdek, agar Mijoz/Qarz oluvchi shubhali xatti-harakatlarni sodir etilishida

gumon qilinayotgan boʻlsa yoki kredit mahsuloti noqonuniy xatti-harakatlarni amalga

oshirish maqsadida olingan boʻlsa yoki kredit mahsuloti shubhali/noqonuniy

operatsiyalarni amalga oshiruvchi shaxs sifatida Bank tomonidan baholangan boʻlsa,

Bank Mijoz/Qarz oluvchidan, Mijoz/Qarz oluvchining huquqiy vakilidan kredit

mahsulotini muddatidan oldin toʻlashini talab qilish huquqiga ega (hisoblangan

foizlarni hisobga olgan holda).

7.7. Mijoz mazkur BShda, Bankda oʻzaro tuzilgan shartnomalarda, shuningdek, Bank ma’lumotlar

bazasida va/yoki “Kredit byurosi”, “Kredit-axborot tahliliy markazi” ma’lumotlar bazalarida

(bundan buyon matnda “Byuro” deb yuritiladi) va Kreditlar Axboroti Davlat Reyestriga (garov

reyestri) yoki boshqa tashkilotlarda, shu jumladan moliya institutlari, mobil aloqa operatorlari

va hokozolarda taqdim etilgan Mijoz ma’lumotlarini qayta ishlashga rozilik va ruxsat beradi.

Ushbu ma’lumot kredit layoqatini baholash maqsadida qayta ishlanadi va byuro va/yoki

Kreditlar Axboroti Davlat Reyestriga obuna boʻlgan kredit tashkiloti (tashkilotlari), shuningdek,

Oʻzbekiston Respublikasining amaldagi qonunchiligiga muvofiq axborot yetkazib beruvchi va

oluvchi tomonlar ihtiyoriga taqdim etiladi;

7.8. Mijoz Oʻzbekiston Respublikasi qonun hujjatlarida nazarda tutilgan huquqlardan, xususan, Qarz

oluvchining iltimosiga binoan Bank ma’lumotlar ishlov beruvchisi sifatida toʻliq boʻlmagan,

notoʻgʻri, eskirgan yoki noqonuniy ravishda olingan va qayta ishlangan boʻlsa, ma’lumotlarni

toʻgʻirlashi, yangilashi, qoʻshishi, bloklashi, oʻchirishi yoki yoʻq qilishi shart majburiyatidan

xabardordir. Mijoz, shuningdek, Bank Oʻzbekiston Respublikasi qonun hujjatlarida belgilangan

qoidalar va shartlarga muvofiq byuroga/byurodan axborot taqdim etish va olishni oʻz ichiga

olgan Mijozga tegishli barcha kredit / kreditga oid boʻlmagan va boshqa tegishli axborotni qayta

ishlashga rozilik beradi;

7.9. Mijozning kredit mahsuloti uchun soʻrovini va/yoki Mijozning Bank oldidagi majburiyatlarini

bajarish (shu jumladan qarzlarni qaytarish) boʻyicha qaror qabul qilish uchun Bank uchinchi

shaxslar va davlat shaxslari orqali Mijoz haqida har qanday shaxsiy ma’lumotni talab qilish va

olish huquqiga ega;

7.10. Agar Mijoz Shartnoma boʻyicha har qanday majburiyatni buzsa yoki Bankning biznes obroʻsini

va/yoki uning qonuniy manfaatlarini himoya qilish uchun zarur boʻlsa, Bank roʻyxatdan oʻtgan

joyida sudga da’vo arizani berish huquqiga ega.

7.11. Bank istalgan vaqtda Mijozning istalgan hisobvaragʻidan Bank oldidagi har qanday majburiyatni

bajarish va bunday majburiyat yuzaga kelgandan keyin uning roziligisiz (ogohlantirishsiz)

summalarni yechish huquqlariga ega;

7.12. Bank amaldagi qonunchilik talablariga asosan kredit mahsulotlari boʻyicha oʻz talablarini toʻliq

yoki qisman uchinchi shaxsga berish huquqiga ega. Bunda bunday uchinchi shaxsga,

shuningdek, uning agentlariga va boshqa vakolatli shaxslarga bunday imtiyozni amalga oshirish

uchun zarur boʻlgan ma’lumotlarni kredit mahsulotlari va kredit shartnomasi shartlari va boshqa

shartnomalar toʻgʻrisida ma’lumotlarni oshkor qilishga, shuningdek, bunday shaxslarga tegishli

hujjatlarni taqdim etishga haqlidir.

7.13. Kredit mahsulotini olish uchun ariza taqdim etish bilan Mijoz shartnoma shartlarining o‘z

foydasiga yaxshilanishiga, xususan, quyidagilarga rozilik bildiradi:

7.13.1. qarzdorlikni to‘lash bo‘yicha to‘lov muddatini uzaytirish imkoniyatini taqdim etish;

7.13.2. kredit mahsuloti va boshqa komissiyalarni taqdim etish uchun Shartnomada nazarda

tutilgan komissiyalar, foizlar va boshqalarni pasaytirish;

7.13.3. kredit limitining miqdorini oshirish;

7.13.4. greys-davr, imtiyozli davr, promo-davr taqdim etish;

7.13.5. yangi yoki qoʻshimcha kredit limitini taqdim etish;

7.14. Mijozlar voyaga yetgan (muomalaga layoqatli) davridan boshlab Bankdan kredit mahsulotlarini

olishlari mumkin.

7.15. Kredit mahsulotlari uchun shartnoma shartlari (mazkur BShning ajralmas qismi) bilan tanishish

uchun Mijoz www.tbcbank.uz rasmiy veb-sahifasidan ma’lumot olishi yoki Bank saytida

koʻrsatilgan telefon orqali Bank bilan bogʻlanishi mumkin.

7.16. Kredit mahsulotlari shartnomalari va BSh matnlari o‘rtasida ziddiyatlar yuzaga kelganda,

Tomonlar o‘rtasidagi munosabatlarda Kredit mahsulotlari shartnomalari ustuvor kuchga ega

bo‘ladi.

8-bob. Kredit mahsulotlarini taqdim etish tartibi

8.1. Kredit mahsulotlarini olish uchun Qarz oluvchi MBX tizimida ushbu BSH bilan tanishib chiqishi

va uni akseptlashi (qabul qilishi) hamda kredit mahsuloti taqdim etilishini so‘rashi lozim.

8.2. Ichki o‘rganishlar va tahlillar natijalari asosida ariza olingandan so‘ng, Bank MBX tizimi

interfeysida Qarz oluvchiga mumkin bo‘lgan moliyalashtirish summasini yoki kredit mahsulotini

taqdim etish imkoniyati yo‘qligini ma’lum qiladi.

8.3. Qarz oluvchining mumkin boʻlgan moliyalashtirish summasi Qarz oluvchining kredit layoqatini

baholash (skoring) orqali, Bankdagi Qarz oluvchi haqidagi mavjud ma’lumotlar asosida

aniqlanadi. Qarz oluvchining kredit layoqatini baholash usuli bankning tijorat siri boʻlib, maxfiy

hisoblanadi.

8.4. Ariza taqdim etilganda Qarz oluvchi bank kartasi chiqarilgan to‘lov tizimi tomonidan taqdim

etiladigan SMS xabarnoma xizmati ulangan o‘zining bir yoki bir nechta faol bank kartalarini

ko‘rsatadi va MBXga qo‘shadi/bog‘laydi, shu bilan birga Bankka bunday qarzdorlikni so‘ndirish

hisobiga muddati o‘tgan qarz miqdoridagi pul mablag‘larini avtomat ravishda hisobdan

chiqarishga/kredit mahsuloti bo‘yicha barcha qarzdorliklarni (Bosh shartlarda va amaldagi

qonunchilikda nazarda tutilgan hollarda) so‘zsiz tartibda muddatidan oldin undirishga huquq

beradi va rozilik beradi. Kredit mahsulotlariga shartnomalar amal qilish davrida Qarz oluvchi

avval biriktirilgan bank kartalarini MBXdan oʻchirmaslik va bank kartalariga ulangan SMS

xabar qilish xizmatini bekor qilmaslik majburiyatini oladi.

8.5. Qarz oluvchi Bank tomonidan moliyalashtirish uchun taklif qilingan summaga rozi bo‘lmagan

taqdirda, so‘ndirish oyining istalgan sanasini ko‘rsatgan holda mumkin bo‘lgan

moliyalashtirishning maksimal summasidan oshmaydigan summada ariza taqdim etishga yoki

kredit mahsulotini olishdan bosh tortishga haqli.

8.6. Qarz oluvchining skoringi uchun Bank, Qarz oluvchi to‘g‘risida axborot olish uchun boshqa

vositalarni istisno etmasdan, Qarz oluvchining kredit tarixi to‘g‘risidagi ma’lumotlar uchun

kredit byurosiga murojaat qiladi.

8.7. Agar Bank Qarz oluvchiga kredit (mikroqarz/mikrokredit) berishni ma’qullasa, Bank ruxsat

etilgan miqdordan oshmagan holda kredit (mikroqarz/mikrokredit) berish vaqtida Qarz

oluvchining qarz yukini tahlil qilish maqsadida kredit berishdan oldin kredit byurosiga takroran

murojaat qilish huquqiga ega. Agar kredit (mikroqarz/mikrokreditʻ) berish vaqtiga kelib Qarz

oluvchida qarz yuki (boshqa banklardagi mavjud boshqa kreditlar/kredit uchun talabnomalar

summasi) oshgan va/yoki muddati o‘tgan qarzdorlik mavjud bo‘lsa, Bank Mijozga kredit

(mikroqarz/mikrokredit) berishni rad etishga haqli. Bunda Mijoz qarz yuki kamaytirilgandan

va/yoki muddati o‘tgan qarzdorliklar qaytarilgandan keyin kredit (mikroqarz/mikrokredit) olish

uchun Bankka takroran murojaat qilish huquqiga ega.

8.8. Kredit (mikroqarz/mikrokredit) ajratish to‘g‘risida qaror qabul qilingan taqdirda, Bank TBC UZ

mobil ilovasi yoki kredit arizasini rasmiylashtirish imkoniyati ta’minlangan boshqa ilovalar

orqali Qarz oluvchiga SMS xabar va Push bildirishnoma yuboradi.

8.9. Mijoz kredit (mikroqarz/mikrokredit) ajratish to‘g‘risida qaror qabul qilingunga va ular

to‘g‘risida bildirishnoma olingunga qadar kredit arizasini bekor qilishga haqli.

8.10. Qarz oluvchi kredit (mikroqarz/mikrokredit) olishga rozi bo‘lgan taqdirda, Bank Qarz

oluvchining hisobvarag‘iga mablag‘lar o‘tkazilgandan keyin quyidagi operatsiyalarni amalga

oshirish uchun kredit mablag‘laridan foydalanishni 48 soatga cheklashga haqli:

8.10.1. P2P operatsiyalari;

8.10.2. Jismoniy shaxslarning hisobvaraqlariga va elektron hamyonlariga o‘tkazmalar;

8.10.3. P2P tranzaksiyalar orqali hisobni to‘ldirish imkoniyatini yaratgan mobil aloqa operatorlari

orqali telefon raqamlari hisoblarini to‘ldirish;

8.10.4. Chet el to‘lovlari va pul o‘tkazmalari hamda valyuta ayirboshlashning onlayn

operatsiyalari.

8.11. Bank Qarz oluvchiga belgilangan cheklovlar to‘g‘risida aloqa kanallari orqali xabar qiladi.

Belgilangan cheklovlarni olib tashlash uchun Qarz oluvchi Bank xodimi bilan telefon suhbat

orqali qo‘shimcha shaxsiy tekshiruvdan o‘tishi kerak.

8.12. Agar Qarz oluvchi bilan telefon orqali muloqotdan so‘ng Bank Qarz oluvchining uchinchi

shaxslar ta’sirisiz kredit (mikroqarz/mikrokredit) olganligini aniqlay olsa, Bank 8.10-bandda

belgilangan pul mablag‘laridan foydalanish cheklovlarini olib tashlashi mumkin.

8.13. Agar operatsiyalar bo‘yicha cheklovlar amal qilayotgan davrda Bank kredit arizasini uchinchi

shaxslar ta’siri ostida, noto‘g‘ri axborot va/yoki aldov ostida rasmiylashtirilganligini aniqlasa

yoki Qarz oluvchi 48 soatdan keyin qo‘shimcha tekshiruvdan o‘tish uchun qo‘ng‘iroq qilmasa,

Bank onlayn mikroqarz shartnomasini bekor qilishga va bu haqda Mijozni xabardor qilgan holda

mablag‘larni Bankka qaytarishga haqli.

8.14. MBX orqali Bank tomonidan taklif qilingan shartlar asosida Qarz oluvchi kredit mahsulotini

olishga rozilik bergan vaqtdan boshlab, kredit mahsuloti shartlarini Tomonlar kelishib olgan deb

hisoblanadi va Qarz oluvchi tomonidan tasdiqlanadi.

8.15. Mijoz mazkur BShda nazarda tutilgan shartnomalar boʻyicha oʻz huquq va majburiyatlarini

bankning oldindan yozma roziligisiz uchinchi shaxslarga oʻtkazish (topshirish) huquqiga ega

emas.

8.16. Bank ushbu BShda nazarda tutilgan asoslar bo‘yicha kredit qarzini undirish yuzasidan sudlarga

da’vo arizasi bergan taqdirda, Bank Qarz oluvchidan da’vo arizasi berilgan kunda amalda

bo‘lgan BHMning 1 (bir) baravari miqdorida jarima undirishga haqli.

9-bob. Tadbirkorlik subyektlariga xizmat ko‘rsatish

9.1. Yakka tartibdagi tadbirkor va/yoki yuridik shaxsning mansabdor shaxsi bo‘lgan mijoz

tadbirkorlik subyektlari va o‘zini o‘zi band qilgan shaxslarga (keyingi o‘rinlarda - Korxonalar)

hisob-kitob xizmati ko‘rsatish bo‘yicha mahsulotdan foydalanishi mumkin.

9.2. Bank tomonidan xizmat ko‘rsatilishi mumkin bo‘lgan korxonalar toifalari va Korxonalar uchun

mavjud bo‘lgan bank xizmatlari ro‘yxati Bank ixtiyoriga ko‘ra o‘zgartirilishi yoki cheklanishi

mumkin. Xizmatlar ro‘yxati quyidagi havolalar orqali mavjud: tbcbusiness.uz va tbcbank.uz.

Bank Mijozni xabardor qilmasdan Bank tomonidan xizmat ko‘rsatilishi mumkin bo‘lgan mavjud

bank xizmatlari va yuridik shaxslar va yakka tartibdagi tadbirkorlar toifalari ro‘yxatini bir

tomonlama kengaytirish va kamaytirishga haqli.

9.3. Yuridik shaxslar va yakka tartibdagi tadbirkorlarga bank xizmatlaridan foydalanish uchun Mijoz

tbcbusiness.uz saytiga o‘tishi va ro‘yxatdan o‘tib, identifikatsiyalash jarayonidan o‘tishi kerak.

9.4. Korxonalarga xizmat ko‘rsatish shartlari va qoidalari “TBC Bank” ATBda yuridik shaxslar va

yakka tartibdagi tadbirkorlarga kompleks bank xizmati ko‘rsatishning Bosh Shartlari (bundan

buyon matnda “KBX” deb yuritiladi) va Yuridik shaxslar va yakka tartibdagi tadbirkorlar uchun

tariflar (bundan buyon matnda “KBX tariflari” deb yuritiladi) bilan belgilanadi. KBX va KBX

tariflari bilan tbcbank.uz va tbcbusiness.uz havolasi orqali tanishish mumkin.

9.5. tbcbusiness.uz saytida ro‘yxatdan o‘tgandan va identifikatsiyadan o‘tgandan so‘ng, Mijoz

keyinchalik hisobvaraq ochish va MBX tizimida Korxona sifatida ro‘yxatdan o‘tish uchun KBX

shartlariga rozi bo‘lishi kerak.

9.6. Bankning yuridik shaxslar va yakka tartibdagi tadbirkorlarga xizmat ko‘rsatish xizmatlaridan

foydalanishni rad etish va to‘xtatish KBXda nazarda tutilgan tartibda amalga oshiriladi.

10-bob. Aloqa

10.1. Bankning Mijoz bilan aloqasi ogʻzaki, yozma, elektron shaklda yoki Call-Markaz orqali amalga

oshirilishi mumkin.

10.2. Yozma xabar boshqa tarafga arizada va/yoki shartnomada koʻrsatilgan aloqa ma’lumotlarini

koʻrsatgan holda, shaxsan kuryer orqali (shu jumladan maxsus pochta orqali), elektron pochta,

mobil aloqa (qisqa xabar xizmati), Internet-banking, mobil banking va/yoki keyinchalik bank

tomonidan belgilanadigan boshqa aloqa vositalari orqali quyidagi shartlarda ma’lum qilinishi

kerak:

10.2.1. Mijoz tomonidan Bankka shaxsan yoki kuryer orqali yuborilgan bildirishnoma bank

kanselyariyasida roʻyxatdan oʻtgan kunida yetkazilgan deb hisoblanadi, agar

xabarnoma elektron pochta orqali yuborilgan boʻlsa, u Bank Mijozga bunday xabarni

qabul qilishni tasdiqlash sifatida javob beradigan kun ichida yetkazilgan deb

hisoblanadi;

10.2.2. Bank tomonidan kuryer orqali Mijozga yuborilgan xabarnoma (shu jumladan,

buyurtma pochta) xabarnoma Mijozga yuborilgan kunda yetkazilgan deb hisoblanadi,

ammo yetkazib berish tasdiqlanmasa, xabarnoma Mijozning belgilangan rasmiy

manzilida har qanday shaxsga berilgan kundan keyingi kalendar kunda topshirilgan

deb hisoblanadi;

10.2.3. Bank tomonidan Mijozga elektron pochta orqali yuborilgan xabarnoma Mijozning

elektron pochta serveridan yetkazib berishni rasmiy tasdiqlash kuni qabul qilingan deb

hisoblanadi. Bunday tasdiq boʻlmasa, u yuborilgandan keyin keyingi kalendar kundan

yetkazilgan deb hisoblanadi;

10.2.4. Bank tomonidan Mijozga mobil aloqa (qisqa xabarlar xizmati), MBX, mobil banking

yoki keyinchalik Bank tomonidan belgilanadigan boshqa aloqa usuli orqali yuborilgan

xabarnoma bunday xabarnoma yuborilgandan keyingi kalendar kuni yetkazib berilgan

deb hisoblanadi.

10.3. Bank bankning xizmat koʻrsatish standartlariga javob berishiga ishonch hosil qilish uchun,

suhbatni yozib olish uchun Mijozni oldindan xabardor qilib, Tomonlar oʻrtasidagi telefon

qoʻngʻiroqlarini yozib olishi yoki kuzatishi mumkin.

10.4. Mijozning elektron shaklda yuborilgan bildirishnomasi bunday bildirishnomalarni

autentifikatsiya qilish uchun Bankning xavfsizlik tartib-qoidalaridan o‘tishi kerak.

10.5. Agar Mijoz har qanday shartnoma ma’lumotlarini (shu jumladan, arizada mavjud boʻlgan aloqa

ma’lumotlarini) oʻzgartirish toʻgʻrisida Bankni oldindan xabardor qilmasa va / yoki biron-bir

kontakt egasi Bank tomonidan yuborilgan xabarni qabul qilishdan bosh tortsa, Bank tomonidan

yuborilgan har qanday xabarnoma bunday xabarni yuborilganidan keyingi kun ichida

yetkazilgan deb hisoblanadi.

10.6. Tomonlar oʻrtasidagi muloqot oʻzbek/rus tilida amalga oshiriladi, ammo bank Mijoz uchun

maqbul boʻlgan boshqa tilda ham muloqot qilishi mumkin.

10.7. Bank Mijoz bilan turli maqsadlarda muloqot qilishi mumkin, shuning uchun xabarnomalar

(ogʻzaki, yozma yoki elektron shaklda boʻlgani kabi), (i) ma’lumotnoma / tranzaksiya; (ii)

mazkur BSh bilan bogʻliq; (iii) marketing maqsadlari uchun va/yoki (iv) boshqa maqsadlarda,

Oʻzbekiston Respublikasining amaldagi qonunchiligiga muvofiq amalga oshirilishi mumkin.

10.8. Agar Mijoz tomonidan Bankka taqdim etilgan shartnomalar va/yoki hujjatlardan (ilovalar,

shakllar, ariza-soʻrovlar va h. k.) biri Mijozning amaldagi bogʻlanish uchun ma’lumotlarini oʻz

ichiga olmagan boʻlsa, Bank Mijoz tomonidan koʻrsatilgan oxirgi ma’lum manzil boʻyicha

xabarnoma yuborish huquqiga ega, bunday manzilga ma’lumot yuborilganidan soʻng keyingi

kalendar kuni qabul qilingan deb hisoblanadi.

10.9. Bank tomonidan Mijozga yuborilgan bildirishnomalar har qanday xizmatlardan foydalanish

boʻyicha taklif deb hisoblanmaydi, agar bunday taklif Bank xabarnomasida aniq koʻrsatilmagan

boʻlsa.

10.10. Mijoz xabarnomalarni yoki boshqa ma’lumotlarni elektron pochta orqali yoki boshqa aloqa

vositalari orqali yuborishda yuzaga kelishi mumkin boʻlgan uchinchi tomonga maxfiy axborotni

oshkor qilish xavfidan tegishli tartibda ogohlantirilganligini va bu bilan bogʻliq boʻlgan

mas’uliyatni oʻz zimmasiga olganligini tasdiqlaydi.

10.11. Mijozning aloqa ma’lumotlaridan foydalanishda maxfiylik shartlarining buzilishi natijasida

yuzaga kelishi mumkin boʻlgan natija uchun Mijoz shaxsan oʻzi javob beradi. Agar Mijoz Bank

tomonidan Mijozning ma’lum aloqa ma’lumotlaridan foydalanmasligini xohlasa, Mijoz bunday

istak-xohish haqida yozma ravishda yoki masofaviy aloqa kanallari orqali Bankka xabar beradi.

10.12. Mijoz tomonidan mijozning irodasini aniq ifoda etadigan Call-Markaz orqali kelib tushgan

barcha arizalar, murojaatlar, tasdiqlar Mijoz tomonidan shaxsan imzolangan qogʻoz hujjatlar

bilan teng huquqli kuchga ega.

11-bob. Identifikatsiyalash / masofaviy (raqamli) mijozlarni

identifikatsiyalash

11.1. Bank xizmat koʻrsatishda, Mijoz esa bank xizmatlaridan foydalanishda mazkur BShda, amaldagi

Oʻzbekiston Respublikasi qonunchilikda va/yoki Tomonlar oʻrtasida tuzilgan boshqa

shartnomalarda belgilangan Mijozning shaxsini tasdiqlash tartib-qoidasiga amal qilishi kerak.

11.2. Mijozni identifikatsiyalash/masofaviy (raqamli) identifikatsiyalash Bank tomonidan shaxsni

tasdiqlovchi hujjat (pasport yoki uning o‘rnini bosuvchi hujjat) va/yoki biometrik ma’lumotlar

(agar bunday imkoniyat mavjud bo‘lsa) asosida amalga oshiriladi. Bunda Bank Mijozni

identifikatsiyalashda/masofaviy identifikatsiyalashda:

11.2.1. shaxsni tasdiqlovchi hujjat (pasport yoki uning oʻrnini bosuvchi hujjat) asosida

bunday hujjatning asl nusxasi bilan tanishib chiqishi lozim;

11.2.2. biometrik ma’lumotlarga asoslanib (imkoni boʻlsa) bunday ma’lumotlar Oʻzbekiston

Respublikasi davlat organlarining axborot tizimi bilan verifikatsiyadan oʻtkazilishi

kerak.

11.3. Masofaviy (raqamli) identifikatsiyalash O‘zbekiston Respublikasining amaldagi qonunchiligi

talablariga muvofiq Mijozning shaxsini tasdiqlovchi hujjatda mavjud bo‘lgan ma’lumotlarni

kiritish va Mijozning mobil qurilmasining videokamerasiga uning yuzini videotasvirga tushirish

orqali amalga oshiriladi.

11.4. Bank amaldagi qonunchilik talablariga muvofiq amalga oshirilgan dastlabki identifikatsiyadan

so‘ng Mijozni identifikatsiyalash vositasidan foydalangan holda elektron kanallar orqali,

shuningdek, arizada va/yoki Bankda mavjud bo‘lgan istalgan hujjatda ko‘rsatilgan mijozning

identifikatsiya ma’lumotlaridan foydalangan holda Mijozni identifikatsiyalashi mumkin.

11.5. Mijozning takroriy va har bir takroriy identifikatsiyasi Mijozdan olingan ma’lumotlarning

ishonchliligiga shubha tugʻdirganda amalga oshirilishi mumkin.

11.6. Shuningdek, identifikatsiyalash maqsadida Call-Markaz aniq turdagi savollar berishi,

shuningdek, tasdiq sifatida Bank tomonidan yuborilgan kodlarni oshkor qilishni soʻrashga haqli.

11.7. Agar Mijozning shaxsini tasdiqlash muvaffaqiyatli boʻlmasa, Bank oʻz xizmatlarini taqdim

etmasligi mumkin.

11.8. Bank va uning xodimlari Mijozning shaxsini aniqlash va tekshirish maqsadida Mijozni shaxsan

fotosuratga olish huquqiga ega. Identifikatsiya va tekshiruvdan oʻtish bosqichida Mijoz

fotosuratga olishdan bosh tortgan taqdirda, Bank Mijozga bank xizmatlari koʻrsatilishini rad

etishga haqli.

12-bob. Tasdiqnomalar va kafolatlar

12.1. Mijoz Arizani imzolab/qabul qilib va/yoki har qanday bank xizmatlardan foydalanganda

quyidagilarni tasdiqlaydi va kafolatlaydi:

12.1.1. toʻliq ishga layoqatli shaxs boʻlib, arizani imzolash/qabul qilish, shartnomalar

shartlarini va mazkur BShni bajarish vakolatiga egaligini;

12.1.2. Bankka taqdim etiladigan ma’lumotlar haqiqiy, ishonchli, toʻgʻri va aniqligini va

taqdim etilgan barcha hujjatlar toʻliq va dolzarbligini;

12.1.3. Ushbu BShni tuzish Bank va/yoki uchinchi tomonning Mijoz va/yoki uning aloqador

shaxslariga nisbatan majburlash, aldash va/yoki tahdid natijasi emas va Bank mazkur

BShni va/yoki Mijoz bilan tuzilgan har qanday tegishli shartnomani bajarish uchun

oʻz ta’siridan aldov yo‘li bilan foydalanmagan;

12.1.4. Mijoz hech qanday yurisdiksiya qonunchiligiga zid ravishda to‘g‘ridan-to‘g‘ri yoki

bilvosita noqonuniy faoliyatlarda (jumladan, noqonuniy faoliyatdan mablagʻlarni

legallashtirish, qurol-yarog‘ savdosi, giyohvand moddalar savdosi va/yoki terrorizm)

ishtirok etmaydi;

12.1.5. Bank tomonidan Mijozga taqdim etilgan barcha ma’lumotlar aniq va tushunarli;

12.1.6. Mijozning xohish-irodasini aniq ifoda etadigan, ruxsat etilgan kanallari orqali taqdim

etiladigan elektron rozilik, shuningdek, Call-Markazga murojaat etish orqali

bildirilgan rozilik Mijozning oʻz qoʻli bilan imzolagan qogʻoz hujjatlari bilan teng

yuridik kuchga ega;

12.1.7. Bank Mijozga tegishli mahsulot va/yoki xizmat uchun Mijozdan olinadigan barcha

toʻlovlar haqida batafsil ma’lumot beradi;

12.1.8. Ushbu hujjatni tasdiqlash va rozilik berish Mijozning har qanday bankda ochilgan

hisobvaraqlaridan bank mahsulotlaridan foydalanish natijasida yuzaga kelgan Bank

oldidagi qarzdorlik miqdoridagi mablag‘larni hisobdan chiqarishga bo‘lgan aksepti

hisoblanadi, bunda Mijoz Bankka bunday hisobdan chiqarishni Mijoz bilan

qo‘shimcha kelishuvsiz amalga oshirishni topshiradi.

12.2. Ushbu ariza va kafolatlar Tomonlarning majburiyatlari toʻliq bajarilguniga qadar amal qiladi.

12.3. Mijoz har qanday shartnoma majburiyatlari va/yoki vakolat va kafolatlarning buzilishiga olib

kelishi mumkin boʻlgan har qanday holatlar haqida Bankni darhol xabardor qilishi kerak.

12.4. Tomonlar, Bank ushbu BSh va / yoki boshqa tegishli shartnomani yuqoridagi arizalar, kafolatlar

va majburiyatlar asosida tuzishini va ularni ushbu BSh shartlari sifatida koʻrib chiqishini tan

oladilar va kelishib oladilar. Binobarin, har qanday arizalar, kafolatlar va majburiyatlarning

buzilishi, ushbu BShni va / yoki boshqa tegishli har qanday shartnomani, Mijozga oldindan

ogohlantirmasdan (shu jumladan, cheklovsiz, kreditni va Bank tomonidan taqdim etiladigan

boshqa mahsulotlar va xizmatlarni toʻxtatib qoʻyish / bekor qilishni) bir tomonlama ravishda

bekor qilish Bank uchun yetarli asosdir.

12.5. Mijoz ushbu BSh kuchga kirgan sanadan keyin yuzaga kelishi mumkin bo‘lgan yoki unga

ma’lum bo‘lgan, bank shartnomalari shartlarining buzilishi, nomuvofiqligi yoki noto‘g‘ri yoki

chalg‘ituvchi bo‘lishi mumkin bo‘lgan har qanday holat haqida Bankka yozma ravishda yoki

kelishilgan aloqa kanallari orqali xabar berishi kerak.

12.6. Mijozga har qanday bank xizmatlaridan noqonuniy maqsadlarda, shu jumladan, Oʻzbekiston

Respublikasi qonunchiligi bilan taqiqlangan tovarlarni yoki xizmatlarni sotib olish uchun

foydalanish taqiqlanadi.

12.7. Ushbu bilan Mijoz mobil aloqa tarmoqlari, ijtimoiy tarmoqlar va boshqa mumkin boʻlgan

raqamli kanallar orqali Bankdan reklama olishga rozi ekanligini e’lon qiladi va kafolatlaydi.

13-bob. Tomonlarning qoʻshimcha huquqlari va majburiyatlari

13.1. Mijozning majburiyatlari:

13.1.1. Shaxsiy ma’lumotlarning oʻzgarishi (F.I.Sh., manzili, shaxsini tasdiqlovchi hujjatlar,

STIR, uy telefon raqami, ish telefoni raqami, ish joyi (daromad manbai)) toʻgʻrisida

Bankka xabar berish, shuningdek, masofaviy aloqa kanallaridan foydalangan holda

Bankka hisobvaraqlarni boshqarish yoki hisobvaraqlardan ma’lumotlarni olish

huquqiga ega shaxslarning oʻzgarishi toʻgʻrisida xabar berish va xabarnomaga tegishli

hujjatlarni ilova qilish. Oʻzgarishlar va biriktirilgan hujjatlar toʻgʻrisida xabarnoma

olishdan oldin, Bank operatsiyalarni ilgari Bankka taqdim etilgan hujjatlar va imzo

namunalari asosida amalga oshirish.

13.1.2. Bank talabiga binoan bank operatsiyalari bilan bogʻliq boʻlgan barcha hujjatlar va

ma’lumotlarni zudlik bilan taqdim etish.

13.1.3. Mazkur BSh va Bank bilan tuzilgan shartnomalarning shartlari va tartib-qoidalariga

rioya qilish.

13.1.4. Bank xizmatlari uchun (komissiyalarini) oʻz vaqtida va toʻliq hajmda toʻlash.

13.1.5. Bankka to‘g‘ri, ishonchli, to‘liq, haqiqiy va chalg‘itmaydigan ma’lumotlar, hujjatlar,

arizalar va kafolatlarni taqdim etish.

13.1.6. Mijoz hisobvaraqlardan va bank kartalaridan pul mablagʻlarini avtomat ravishda

yechish boʻyicha xizmatlarni majburiy ulash va ulardan foydalanishni ta’minlaydigan

ba’zi bir bank mahsulotlarini olganda va ulardan foydalangan taqdirda, Mijoz shu

bilan xizmatni ulash va foydalanishdan qochmaslik, bunday funksiyalarni amalga

oshirishga xalaqit bermaslik va tegishli bank mahsulotlari boʻyicha shartnomalar

shartlariga qat’iy rioya qilish majburiyatini oladi.

13.1.7. Ushbu BShlarni qabul qilishda, u 2.2.42-bandiga muvofiq agar YMSh maqomiga ega

boʻlsa (hozirda yoki kelajakda), bu haqda Bankka quyidagi elektron pochtasi orqali

darhol xabar berish: contact@tbcbank.uz.

13.1.8. Bankni ushbu BShda nazarda tutilgan har qanday aloqa kanallari orqali Oʻzbekiston

Respublikasidan tashqariga chiqish sanalari va muddatlari toʻgʻrisida, lekin kutilgan

chiqish sanasidan 5 kalendar kunidan kechiktirmay xabardor qilishi kerak.

13.1.9. Texnik xato tufayli Bankdagi Mijozning har qanday hisobvaragʻiga pul mablagʻlari

notoʻgʻri oʻtkazilsa, Mijoz oʻz ehtiryojlari yoki boshqa ehtiyojlariga sarflamasligi

shart va darhol Bankka bunday xato aniqlangan kundan kechiktirmay Bankning Call-

Markaziga ushbu holat haqida xabar berishi kerak.

13.1.10. Foydalanadigan mobil qurilmaning axborot xavfsizligini mustaqil ravishda

ta’minlashi, mobil qurilmaga operatsion tizim darajasida (shu jumladan, buzish)

oʻzgarishlar kiritmasligi, ya’ni faqat mobil qurilmaning zavod operatsion tizimidan

foydalanishi kerak.

13.1.11. Bank xizmatlarini taqdim etish shartlari, Bankning www.tbcbank.uz saytidagi ushbu

shartlarning oʻzgarishi bilan mustaqil ravishda kirib, kuzatib borishi va doimiy

ravishda tanishib chiqishi kerak.

13.1.12. Hozirda ishlab chiqaruvchi tomonidan qoʻllab-quvvatlanadigan mobil qurilmadan

foydalanilayotganligiga va qurilma operatsion tizimning (OT) yangilanishlarini

olishda davom etayotganiga ishonch hosil qilish.

13.1.13. O‘zbekiston Respublikasi norezidenti tomonidan omonat (foizlar hisoblangan talab

qilib olinguncha depozit hisobvarag‘i yoki muddatli depozit hisobvarag‘i) ochilganda

soliq rezidenti maqomi to‘g‘risida zarur ma’lumotlarni taqdim etish.

13.2. Bankning majburiyatlari:

13.2.1. Mijozning soʻroviga binoan Mijozga hisob qaydnomasining holati boʻyicha ma’lumot

berish.

13.2.2. Ushbu BShga, shuningdek, BSh va Oʻzbekiston Respublikasining tegishli

qonunchiligi doirasida tuzilgan shartnomalarga muvofiq Mijozning koʻrsatmalariga

rioya qilish.

13.3. Mijozning huquqlari:

13.3.1. Shartnoma tuzilgandan keyin bankdan hisobvaraq/kartaga pul mablag‘larini olgunga

qadar bo‘lgan davrda kredit mahsulotlarini olishdan bepul asosda voz kechish;

13.3.2. Jarimalar undirilmasdan istalgan vaqtda kredit mahsulotlari boʻyicha qarzdorlikni

muddatidan oldin toʻlash;

13.4. Bankning huquqlari:

13.4.1. Oʻzbekiston Respublikasi qonun hujjatlariga muvofiq Mijozning hisobvaraqlarining

amal qilishini toʻxtatib turish;

13.4.2. Tijorat banklarida jinoiy faoliyatdan olingan daromadlarni legallashtirishga,

terrorizmni moliyalashtirishga va ommaviy qirgʻin qurollarini tarqatishni

moliyalashtirishga qarshi kurashish boʻyicha ichki nazorat qoidalariga muvofiq

tegishli tekshiruvlar oʻtkazish.

13.4.3. Mijoz tomonidan yolgʻon ma’lumot taqdim etilgan taqdirda, shuningdek, Oʻzbekiston

Respublikasining amaldagi qonunchiligida, mazkur BShda nazarda tutilgan boshqa

hollarda Mijozning hisobvaraqlaridagi operatsiyalarni va faoliyatini toʻxtatib turish va

ushbu toʻxtatib turish Mijoz tomonidan yozma tushuntirish taqdim etilgunga qadar

amal qiladi.

13.4.4. Bank sirini tashkil etuvchi ma’lumotlarni Oʻzbekiston Respublikasining “Bank siri

toʻgʻrisida”gi Qonuniga muvofiq Bankka xizmat koʻrsatuvchi uchinchi shaxslarga

taqdim etish.

13.4.5. Mijozning mazkur BShning 13.1.10-kichik bandida koʻrsatilgan majburiyatlarni

buzgan taqdirda, Mijozning mobil qurilmasining zavod operatsion tizimiga

qaytarilguniga qadar, Bankning mobil ilovasidan foydalanish imkoniyatini toʻxtatib

turish.

13.4.6. Agar Mijoz tomonidan ushbu BShning 13.1.12-kichik bandida koʻrsatilgan

majburiyatlar buzilgan taqdirda, ishlab chiqaruvchi tomonidan qo‘llab-

quvvatlanmaydigan va ishlab chiqaruvchidan operatsion tizim (OT) yangilanishlarini

olishni to‘xtatgan eskirgan mobil qurilma orqali Mijozning Bank mobil ilovasidan

foydalanish imkoniyatini to‘xtatib turish.

13.4.7. Mijoz, shuningdek, notoʻgʻri va/yoki amaldagi qonunchilikni buzgan holda

oʻtkazilgan summalarni va/yoki shubhali summalarni, koʻrsatilgan xizmatlar uchun

komissiya xarajatlarini, muddati oʻtgan kredit mahsulotlari boʻyicha qarzdorlikni, ular

boʻyicha foizlarni, penyalarni, jarimalarni va bank mahsulotlaridan foydalanganlik

uchun boshqa qarzdorliklarni amaldagi tariflarga muvofiq qaytarish maqsadida xatolik

bilan Mijoz hisobvaragʻiga oʻtkazilgan summani shubhasiz hisobdan chiqarish (Mijoz

bilan kelishilmagan holda) huquqini Bankka taqdim etadi, shuningdek, Bankda

ochilgan barcha hisobvaraqlardan, shu jumladan Oʻzbekiston Respublikasining

boshqa istalgan banklardan avtomat ravishda hisobdan chiqarish yoʻli bilan shubhasiz

yechib olish huquqini beradi.

13.4.8. Bankka nisbatan moliyaviy/iqtisodiy sanksiyalar qoʻllash xavfi mavjud boʻlganda

Mijozga bank hisobvaragʻini ochish yoki operatsiyalarni amalga oshirishni rad etish.

13.4.9. Oʻzbekiston Respublikasi soliq qonunchiligining talablariga muvofiq, soliq rezidenti

maqomiga ega boʻlmagan Oʻzbekiston Respublikasi norezident omonatchilaridan

Bank tomonidan depozitlar boʻyicha toʻlangan foizlar (daromadlar) summasidan soliq

har qanday hisobvaraqlardan akseptsiz toʻlov manbai tomonidan ushlab qolinib,

keyinchalik budjetga oʻtkaziladi.

13.4.10. Agar Mijoz tomonidan Oʻzbekiston Respublikasi qonun hujjatlarida taqiqlangan

tovarlar va xizmatlar uchun toʻlash, sotish va xizmatlar koʻrsatish xavfi mavjud boʻlsa,

Bank Mijozning operatsiyalarini oʻrganish, qoʻshimcha ma’lumotlarni soʻrash,

operatsiyalar summasini cheklash, operatsiyalarni cheklash (rad etish) va ushbu

BShni, bank xizmatlarini koʻrsatish boʻyicha boshqa shartnomalarni bir tomonlama

tartibda bekor qilish huquqiga ega.

13.4.11. Bank Mijozning o‘z majburiyatlarini bajarmasligi bilan bog‘liq bo‘lgan sud qarorini

olish va ijro etish bo‘yicha har qanday xarajatlarni, shu jumladan davlat bojlari, pochta

xarajatlari va ishni sudda ko‘rib chiqish bilan bog‘liq har qanday boshqa xarajatlarni

Mijozdan undirishga haqli.

13.5. Mijozga Bank tomonidan taqdim etiladigan har qanday xizmatlardan noqonuniy maqsadlarda,

shu jumladan Oʻzbekiston Respublikasi qonunchiligida taqiqlangan tovarlar yoki xizmatlarni

sotib olish uchun foydalanish taqiqlanadi.

13.6. Axborot, reklama, marketing va boshqa turdagi SMS-xabarlarni yuborish.

14-bob. Tomonlarning javobgarligi

14.1. Tomonlar oʻz majburiyatlarini bajarmaganliklari yoki lozim darajada bajarmaganliklari uchun

ushbu BSh shartlarini hamda Bank va Mijoz oʻrtasida tuzilgan shartnomalarni buzgan tomon

Oʻzbekiston Respublikasining amaldagi qonunchiligida belgilangan tartibda javobgar boʻladi.

14.2. Bank bank mahsulotlari boʻyicha qarzdorlikni qaytarishni, barcha hisoblangan foizlar va boshqa

qoʻshimcha talablarni toʻlashni, shuningdek, Mijoz tomonidan Bankka yetkazilgan barcha

zararlarni Mijoz tomonidan qoplanishini talab qilish huquqiga ega.

14.3. Jarima toʻlash Mijozni oʻziga yuklatilgan majburiyatlarni bajarishdan yoki buzilishlarni bartaraf

etishdan ozod etmaydi.

14.4. Mijoz ushbu bilan Bank o‘z ixtiyoriga ko‘ra Mijozning har qanday va/yoki barcha

hisobvaraqlaridan uning qo‘shimcha akseptisiz va ushbu mablag‘larni Mijozning har qanday

va/yoki barcha to‘lov majburiyatlarini (shu jumladan, cheklovlarsiz, zarar va/yoki

yo‘qotishlarni) to‘liq qoplash va/yoki kamaytirish uchun yo‘naltirmasdan hisobdan chiqarishi

mumkinligini tan oladi va bunga rozi bo‘ladi;

14.5. Mijoz o‘z majburiyatlarini bajarmagan va/yoki lozim darajada bajarmagan taqdirda, Bank o‘z

ixtiyoriga ko‘ra Bankka tegishli bo‘lgan barcha summalarni Bankka to‘lanmagan boshqa har

qanday summalar bilan birlashtirishi mumkin. Mijoz ushbu bilan Bankka tegishli barcha

summalar birlashtirilgandan so‘ng, Bank bunday summani undirishning har qanday qonuniy

usullaridan foydalanish huquqiga ega ekanligiga rozilik bildiradi.

14.6. Mazkur BShda nazarda tutilmagan Mijoz va Bankning javobgarligi Mijoz va Bank oʻrtasidagi

bank mahsulotlarining alohida shartnomalarida aks ettirilgan.

14.7. Tomonlarning mazkur BSh va alohida tuzilgan shartnomalarda nazarda tutilmagan javobgarlik

choralari Oʻzbekiston Respublikasi qonunchiligiga muvofiq qoʻllaniladi.

Bank quyidagi hollarda javobgar emas:

14.8. BSh doirasida tuzilgan, Ariza/Talabnoma (oldingi Shartnoma/Ariza) yoki onlayn

Ariza/Talabnoma va shartnomalar boʻyicha majburiyatlarni bajarmaslik yoki lozim darajada

bajarmaslik holatlari uchun, agar bu yengib boʻlmas kuch, shu jumladan: elektr energiyasining

oʻchirilishi, aloqa liniyalarining shikastlanishi, yongʻinlar va bank irodasiga bogʻliq boʻlmagan

boshqa holatlar natijasida yuzaga kelgan boʻlsa. Bank yuqorida koʻrsatilgan holatlar va ularning

oqibatlari bartaraf qilinganidan soʻng, darhol Mijoz bilan tuzilgan shartnomalar boʻyicha oʻz

majburiyatlarini bajaradi;

14.9. Bank tomonidan bank sirini tashkil etuvchi axborotning bank nazoratidan tashqaridagi

sabablarga koʻra, Mijozning PIN va/yoki kirish kodi uchinchi shaxslarga taqdim etilishi yoki

Call-Markaz orqali e’lon qilinishi oqibatida yuzaga kelishi mumkin boʻlgan zararlar va boshqa

salbiy oqibatlar uchun;

14.10. Bank nazorati doirasidan tashqarida boʻlgan sabablar tufayli, shu jumladan, uchinchi shaxsning

operatsiya oʻtkazish uchun bank kartasini qabul qilishdan bosh tortgani, shuningdek, dasturiy

va/yoki texnik vositalarga xizmat koʻrsatishda avariya, yoki uzilishlar oqibatida yuzaga kelgan

holatlarda.

14.11. Mijozning hisobvaraqlaridan pul uchinchi shaxslar tomonidan hisobdan chiqarilgan taqdirda.

Agar to‘lovni amalga oshirish vaqtida Karta bloklanmagan, uning amal qilish muddati

tugamagan va Karta uning egasi tomonidan to‘lov amalga oshirilgan to‘lov kartalari tizimi

ishtirokchilari o‘rtasida tuzilgan shartnomalarga muvofiq to‘lovni amalga oshirish uchun

foydalanilgan bo‘lsa, Karta yordamida amalga oshirilgan to‘lov ruxsat etilgan hisoblanadi.

14.12. Mijozning Bank mobil ilovasidan Oʻzbekiston Respublikasidan tashqarida foydalanganligi,

shuningdek, Bankning mobil ilovasidan Oʻzbekiston Respublikasidan tashqarida foydalanish

vaqtida boshqa mamlakatlar qonunchiligi buzilishi natijasida yetkazilgan zarar yoki yoʻqotish

uchun.

14.13. Mijoz oʻz telefon raqamini/mobil qurilmasini uchinchi shaxsga berish natijasida sodir etilgan har

qanday harakatlar uchun.

14.14. ushbu BShning 5.9. – 5.11. - bandida koʻrsatilgan shartlarni bajarmaslik uchun.

15-bob. Fors-major holatlar

15.1. Bank va Mijoz ushbu BSh bo‘yicha majburiyatlarni qisman yoki to‘liq bajarmaganlik uchun

javobgarlikdan ozod qilinadi, agar bu bajarmaslik yengib bo‘lmaydigan kuch (fors-major)

holatlari tufayli yuzaga kelgan bo‘lsa - bu tabiiy hodisalar (zilzilalar, ko‘chkilar, bo‘ronlar,

qurg‘oqchilik va boshqalar) yoki ijtimoiy-iqtisodiy holatlar (urush holati, blokadalar, davlat

manfaatlari yo‘lida import va eksportni taqiqlash va boshqalar), epidemiyalar, pandemiyalar,

shuningdek, O‘zbekiston Respublikasining amaldagi qonunchiligiga ko‘ra fors-major deb tan

olinadigan, Bank va Mijozning irodasi va harakatlariga bog‘liq bo‘lmagan favqulodda, oldini

olib bo‘lmaydigan va kutilmagan holatlar bo‘lib, ular ushbu BSh bo‘yicha qabul qilingan

majburiyatlarni bajara olmaydilar.

15.2. Yengib bo‘lmaydigan kuch (fors-major) holatlari yuzaga kelgan taqdirda, majburiyatlarni

bajarish bo‘yicha belgilangan muddatlar yengib bo‘lmaydigan kuch (fors-major) holatlari amal

qiladigan muddatga ko‘chiriladi.

15.3. Favqulodda vaziyatlar tufayli kelib chiqqan majburiyatlarni bajarish imkonsizligi yuzaga kelgan

tomon yuqoridagi holatlarning yuzaga kelishi va tugashi toʻgʻrisida boshqa Tomonni ular yuzaga

kelgan va tugagan vaqtdan boshlab 5 (besh) kalendar kundan kechiktirmay yozma ravishda

xabardor qilishi shart.

16-bob. Mijoz ma’lumotlari va maxfiylik

16.1. Ushbu bilan Mijoz uning har qanday shaxsiy ma’lumotlarini, shu jumladan mijozning biometrik,

maxsus shaxsiy ma’lumotlarini (Shaxsga doir ma’lumotlar) BSH maqsadlarida, xususan, BSh

bo‘yicha majburiyatlar Bank va Mijoz tomonidan joriy va kelajakda bajarilishini nazorat qilish

va oldindan aytib berish, Mijozning moliyaviy va mulkiy holatini, BSh mavzusiga tegishli

bo‘lgan qismida Mijozning uchinchi shaxslar bilan munosabatlarini tekshirish, shuningdek,

Bank tomonidan statistik va/yoki marketing tadqiqotlarini o‘tkazish va/yoki Mijozni Bankning

yangi mahsulotlari/xizmatlari va Bank hamkorlari haqida xabardor qilish uchun qayta ishlashga

rozilik beradi.

16.2. Shaxsga doir ma’lumotlarga ishlov berish Bank, uning affilangan shaxslari, Bank bilan bog‘liq

shaxslar va Bank tomonidan vakolat berilgan boshqa tashkilotlar tomonidan O‘zbekiston

Respublikasi hududida ham, undan tashqarida ham Mijozning shaxsiy ma’lumotlariga

avtomatlashtirilgan tarzda, shuningdek avtomatlashtirish vositalaridan foydalanmasdan ishlov

berish, ya’ni har qanday manbalardan yig‘ish, yozish, tizimlashtirish, to‘plash, saqlash,

aniqlashtirish (yangilash, o‘zgartirish, to‘ldirish), olish, tizimlashtirish, foydalanish, taqdim

etish, tarqatish, uzatish (shu jumladan, shaxsga doir ma’lumotlar subyektlarining huquqlarini

yetarli darajada himoya qilishni ta’minlaydigan yoki ta’minlamaydigan xorijiy davlatlar

hududiga), Internet tarmog‘ining umumiy foydalanish mumkin bo‘lgan resurslarida - Bank veb-

saytlari sahifalarida joylashtirish, egasizlantirish va yo‘q qilishni o‘z ichiga oladi.

16.3. Mijoz O‘zbekiston Respublikasi qonunchiligi doirasida Bankning ixtiyoriga ko‘ra, Mijozga

tegishli har qanday ma’lumotni (shu jumladan shaxsga doir ma’lumotlarni) istalgan vaqtda va

istalgan manbadan hamda istalgan miqdorda talab etish huquqini Bankka berish uchun Mijoz oʻz

roziligini beradi. Ushbu ma’lumotlar shaxsga doir ma’lumotlar subyektlarining huquqlarini

yetarli darajada himoya qilishni ta’minlaydigan yoki ta’minlamaydigan uchinchi shaxslarga, shu

jumladan xorijiy davlatlar hududiga, tanishish, taqqoslash, tekshirish, tahlil qilish, saqlash,

uzatish (O‘zbekiston Respublikasi hududida va uning tashqarisida), qonuniy va/yoki shartnoma

majburiyatlarini bajarish maqsadida so‘raladi.

16.4. Mazkur BShning 16.14-bandida ko‘rsatilgan maqsadlarni amalga oshirish uchun O‘zbekiston

Respublikasi hududida hamda uning hududidan tashqarida, shu jumladan shaxsga doir

ma’lumotlarni qayta ishlashning avtomatlashtirilgan vositalaridan foydalangan holda,

shuningdek, shaxsiy ma’lumotlarni qayta ishlashni avtomatlashtirish vositalaridan

foydalanmasdan Shaxsga doir ma’lumotlarga ishlov berish Bank tomonidan, shu jumladan

tegishli/affilangan shaxslar, Bankning huquqiy vorislari yoki Bank tomonidan vakolat berilgan

boshqa tashkilotlar tomonidan amalga oshirilishi mumkinligiga Mijoz oʻz roziligini bildiradi.

16.5. BShni amalga oshirish maqsadida Mijoz, u bilan aloqani har qanday tarzda, jumladan, telefon

qoʻngʻiroqlari, SMS-xabarlar va/yoki elektron pochta xabarlarini joʻnatish uchun uning aloqa

ma’lumotlaridan foydalanishga rozilik bildiradi va Bankdan, shu jumladan mobil operator orqali

mobil qurilmadan kelgan SMS-xabarnoma xizmatini oʻchirmaslik majburiyatini oladi.

16.6. Mazkur BShni qabul qilish orqali Mijoz Bank bilan telefon orqali suhbatlarni, bank

xodimlarining ishini baholash maqsadida, shuningdek, bahsli holatlar yuz berganda, Bank va

Mijoz orasidagi suhbatning Mijozni oldindan ogohlantirgan holda yozib olinishiga rozilik beradi.

16.7. Mijoz Bank tomonidan mobil aloqa operatorlari va/yoki boshqa uchinchi shaxslardan olinadigan

shaxsiy ma’lumotlar va/yoki mijozning hisob ma’lumotlari, qo‘ng‘iroqlar, tranzaksiyalar, mobil

hamyonlar va/yoki boshqa faoliyat turlari olinishiga rozilik beradi va ushbu shartlarga muvofiq

ko‘rib chiqiladigan marketing, kredit anderrayting va/yoki boshqa tijorat maqsadlari uchun

bunday ma’lumotlar va/yoki ma’lumotlarni Bankka taqdim etuvchi mobil aloqa operatori

va/yoki boshqa uchinchi tomon bilan kelishib oladi.

16.8. Bank amaldagi qonun hujjatlariga muvofiq oʻz ixtiyorida boʻlgan Mijozning shaxsiy

ma’lumotlarining saqlanishini ta’minlash uchun zarur choralarni koʻradi.

16.9. Bank va/yoki uning affilangan shaxslari va/yoki Bank bilan yagona kompaniyalar guruhiga

kiruvchi shaxslar va/yoki Bank bilan bog‘liq shaxslar va/yoki Bank tomonidan vakolat berilgan

boshqa tashkilotlar O‘zbekiston Respublikasi hududida ham, uning tashqarisida ham Mijozning

quyidagi ma’lumotlarini (cheklanmagan holda) avtomatlashtirilgan tarzda, shuningdek,

avtomatlashtirish vositalaridan foydalanmasdan qayta ishlashlari (to‘plash, yozish,

tizimlashtirish, yig‘ish, saqlash, aniqlashtirish (yangilash, o‘zgartirish, to‘ldirish), ajratib olish,

foydalanish, uchinchi shaxslarga berish, shu jumladan - xorijiy davlatlar hududiga, shaxsga doir

ma’lumotlar subyektlarining huquqlarini yetarli darajada himoya qilishni ta’minlaydigan yoki

ta’minlamaydigan, taqdim etish, tarqatish, Internet tarmog‘ining hamma uchun ochiq

resurslarida - Bank saytlari sahifalarida joylashtirish, egasizlantirish va yo‘q qilish) mumkin:

16.9.1. Mijozning familiyasi, ismi va otasining ismi;

16.9.2. Mijozning pasporti yoki uning oʻrnini bosuvchi hujjatning tafsilotlari: seriya va raqam

hujjat, hujjat berilgan sana, hujjatni bergan organning nomi;

16.9.3. Doimiy va/yoki vaqtincha yashash joyi, tugʻilgan sanasi va joyi, fuqarolik, soliq

toʻlovchining identifikatsiya raqami, shaxsiy identifikatsiya raqami (JSHSHIR);

16.9.4. Uy (agar mavjud boʻlsa) va/yoki mobil (uyali) telefon raqami;

16.9.5. Elektron pochta manzili;

16.9.6. Kredit tarixi va mijozning toʻlovga layoqatsizligi (ham ijobiy, ham va salbiy, shu

jumladan joriy va / yoki oʻtgan qarzdorliklar, qarz ma’lumotlari va ularni toʻlash);

16.9.7. Mijozning koʻchar va koʻchmas mulkiga egalik toʻgʻrisidagi ma’lumotlar, daromad

haqida ma’lumot;

16.9.8. Mijozning ish beruvchisi va ish sharoitlari toʻgʻrisidagi ma’lumotlar (ish joyi, ish haqi,

ish jadvali va boshqalar), ta’lim va olingan mutaxassislik toʻgʻrisidagi ma’lumotlar;

16.9.9. Mijozning Bankdagi va boshqa har qanday bank va/yoki moliya muassasasidagi

hisobvaraqlari va kartalari hamda bunday hisobvaraqlarda amalga oshiriladigan

tranzaksiyalarga oid istalgan ma’lumot;

16.9.10. Mijozning elektron kanallarda va/yoki Internet tizimida, boshqa ochiq manbalarda

mavjud bo‘lgan har qanday ma’lumotlari, Mijoz bilan muloqot jarayonida to‘plangan

ma’lumotlar (elektron pochta, telefon, chat, ijtimoiy tarmoqlar yoki boshqa aloqa

kanallari orqali);

16.9.11. Mijozning oila a’zolari, qarindoshlari yoki u bilan yashaydigan boshqa shaxslar

to‘g‘risidagi ma’lumotlar, bog‘lanish ma’lumotlari;

16.9.12. Mijozni psixologik, iqtisodiy, madaniy yoki ijtimoiy xususiyatlarga ko‘ra

identifikatsiya qilish uchun Bankka zarur bo‘lgan biometrik ma’lumotlar, mijoz

haqidagi ma’lumotlar.

16.9.13. Sug‘urta badallari, soliqlar bo‘yicha qarzdorlik, jamg‘arib boriladigan pensiya

badallari summasi;

16.9.14. Audio yozuvlar / video yozuvlar;

16.9.15. Mijoz haqidagi ma’lumotlarni tahlil qilish natijasida Bank tomonidan (yoki Bankning

topshirig‘iga binoan) yaratilgan ma’lumotlar (masalan, Mijozning xatti-harakatlari,

afzalliklari, xavf reytingi va boshqalar);

16.9.16. Mobil qurilmada saqlanadigan va mobil ilova tomonidan alohida funksiyalar,

xizmatlar, mahsulotlar/xizmatlarni amalga oshirish doirasida foydalaniladigan

ma’lumotlar, shu jumladan cookie-fayllar va kirish huquqi orqali uzatiladigan

ma’lumotlar, mobil ilovadan foydalanganda Bankka avtomat ravishda uzatiladigan

yoki operatsion tizim darajasida rozilikdan so‘ng uzatiladigan boshqa ma’lumotlar;

16.9.17. Xizmat/mahsulotlardan foydalanish uchun zarur boshqa shaxsiy ma’lumotlar;

16.9.18. O‘zbekiston Respublikasi qonun hujjatlariga muvofiq qayta ishlanishi lozim bo‘lgan

ma’lumotlar.

16.10. Agar Mijoz Bankka uchinchi shaxs (shaxslar) haqida ma’lumot bersa, Bank bunday uchinchi

shaxs (shaxslar) ma’lumotlarini qayta ishlash/tekshirish uchun javobgar boʻlmaydi va Mijoz

uchinchi shaxs (shaxslar) haqidagi ma’lumotlardan foydalanish uchun zarur boʻlgan har qanday

ruxsatnomani olishi kerak.

16.11. Bank tomonidan elektron kanallar orqali ma’lumotlarni qayta ishlash, shuningdek, bunday

elektron kanalda mijozning faolligini qayd etish va toʻplangan ma’lumotlardan Bankning

ixtiyoriga koʻra foydalanishni oʻz ichiga oladi.

16.12. Agar Qonunchilik Mijozning oʻz ma’lumotlarini qayta ishlashga roziligini talab qilsa, Mijoz

tomonidan elektron va/yoki jismoniy shaklda berilgan har qanday rozilik Mijoz tomonidan

tegishli ravishda kelishilgan deb hisoblanadi va Tomonlar uchun majburiydir.

16.13. Bank tomonidan olingan shaxsiy ma’lumotlar va Mijoz haqidagi boshqa ma’lumotlar quyidagi

maqsadlarda foydalanilishi mumkin:

16.13.1. Mijoz manfaat oluvchi yoki manfaatdor tomon boʻlgan shartnomalarni tuzishda va

bajarishda;

16.13.2. Mijozning huquq va majburiyatlarini toʻgʻri bajarilishini ta’minlash;

16.13.3. ma’lumotlarni tekshirish, shu jumladan firibgarlik operatsiyalarini oldini olish

maqsadida;

16.13.4. Shartnomalar ijrosi bilan bogʻliq boʻlgan maʼlumotlarni Mijozga yetkazish,

shuningdek, uchinchi tomonning qoʻshma dasturlarida (sodiqlik dasturlarida) ishtirok

etadigan uchinchi shahslar toʻgʻrisidagi maʼlumotlardan habardor qilish;

16.13.5. sugʻurta, pochta, aloqa tashkilotlariga taqdim etish;

16.13.6. Bank tomonidan yangi mahsulotlar/xizmatlar boʻyicha statistik va/yoki marketing

tadqiqotlarini olib borish va/yoki Mijozni yangi mahsulotlar/xizmatlar bilan xabardor

qilish;

16.13.7. davlat va boshqa tashkilotlarga kechiktirilgan qarzdorliklarni undirish uchun berish.

16.14. Mijoz ma’lumotlarni qayta ishlash Bank va/yoki uning affilangan shaxslari, Bank bilan yagona

kompaniyalar guruhiga kiruvchi shaxslar, Bank bilan aloqador shaxslar hamda Bank tomonidan

vakolat berilgan boshqa tashkilotlar tomonidan amalga oshirilishi mumkinligini tan oladi va

bunga rozilik bildiradi. Bu jarayon quyidagi maqsadlarda (shu jumladan, lekin cheklanmagan

holda) amalga oshirilishi mumkin:

16.14.1. O‘zbekiston Respublikasi qonun hujjatlariga va ichki normativ hujjatlarga rioya

etilishini ta’minlash;

16.14.2. Mijoz Tomonlardan biri boʻlib shartnomalarni tuzish va va bajarish bo‘yicha choralar

ko‘rish, shu jumladan shartnomalar bo‘yicha joriy va kelajakdagi majburiyatlarning

bajarilishini nazorat qilish hamda prognozlash;

16.14.3. Mijozning moliyaviy va mulkiy holatini, uning uchinchi shaxslar bilan o‘zaro

munosabatlarini tekshirish, kredit hisobotini, Mijoz to‘g‘risidagi kredit axborotini

olish;

16.14.4. Mijozga tegishli har qanday ma’lumotni O‘zbekiston Respublikasi qonunchiligiga

muvofiq istalgan manbadan istalgan miqdorda va istalgan vaqtda so‘rash;

16.14.5. Mijoz bilan muloqotni amalga oshirish, shu jumladan bank mahsulotlari/xizmatlari va

ulardan foydalanish shartlari to‘g‘risida xabarnomalar, so‘rovlar va ma’lumotlarni

yuborish, shu jumladan Mijozlardan so‘rovlar va arizalarni qayta ishlash, keyinchalik

bunday so‘rovlar va arizalarni ijro etish uchun Bank kontragentlariga yuborish;

16.14.6. Turli hisobotlar, tadqiqotlar va/yoki taqdimotlarni tayyorlash;

16.14.7. Bank xizmatlari/mahsulotlari sifatini yaxshilash, ulardan foydalanish qulayligi,

Bankning yangi xizmatlari/mahsulotlarini ishlab chiqish, Mijozga moslashtirilgan

bank xizmatlarini taklif qilish, hamkorlikning yangi usullarini ishlab chiqish va Bank

biznesini rivojlantirish;

16.14.8. Bank va/yoki uning affilangan shaxslari, Bank bilan bog‘liq shaxslar, Bank bilan

yagona kompaniyalar guruhiga kiruvchi shaxslar hamda Bank tomonidan vakolat

berilgan tashkilotlar tomonidan statistik, marketing va boshqa tadqiqotlarni o‘tkazish,

kredit va/yoki tranzaksiya tarixini tahlil qilish, to‘lovlar/o‘tkazmalar, daromadlar,

xarid qilish xatti-harakatlari va o‘zining va/yoki umumiy mijozlar va/yoki barcha

mijozlarning boshqa ma’lumotlarini tahlil etish; Bank Bosh Shartlarining 16.14.8-

bandlari maqsadlari uchun, Bank tomonidan vakolatli deb tan olingan tashkilot - bu

Bank belgilagan shartlar doirasida o‘zining mobil yoki veb-ilovasida mijozlari va

foydalanuvchilariga Bank xizmati yoki mahsulotidan foydalanish imkoniyatini taqdim

etuvchi yuridik shaxsdir.;

16.14.9. Bank tomonidan yuridik, buxgalteriya, auditorlik, axborot (shu jumladan

ma’lumotlarni joylashtirish va qayta ishlash, axborot texnologiyalarini yaratish) va

maslahat xizmatlarini olish;

16.14.10. Bank tomonidan, shu jumladan uning affilangan shaxslari va/yoki Bank bilan bog‘liq

shaxslar va/yoki boshqa tashkilotlar bilan birgalikda aksiyalar, savolnomalar,

so‘rovlar o‘tkazish va/yoki yangi mahsulotlar/xizmatlar haqida xabardor qilish;

16.14.11. Ilovadan foydalanib qonunchilik yoki kelishuvlar talablariga zid xatti-harakatlarning

oldini olish;

16.14.12. Bankning qonuniy manfaatlarini va/yoki qonuniy huquqlarini himoya qilish.

16.15. Ushbu BShning 16.9 va 16.14-bandlari maqsadlari uchun Bank bilan yagona kompaniyalar

guruhiga kiruvchi shaxslar quyidagilardir: (1) Bank bevosita yoki bilvosita (boshqa shaxslar

orqali, shu jumladan qimmatli qog‘ozlarning nominal egasi vositasida) ustav kapitalida har

qanday miqdordagi ulushga (ovoz berish huquqiga ega bo‘lgan yoki bo‘lmagan) egalik qiladigan

(yakka tartibda yoki boshqa har qanday shaxs bilan birgalikda) yoki nazoratni amalga

oshiradigan (yakka tartibda yoki boshqa shaxslar bilan birgalikda siyosatga, biznes qarorlariga

yoki boshqaruv organlari, qo‘mitalar a’zolarining tayinlanishiga ta’sir ko‘rsatadigan) yuridik

shaxslar, bu nazorat ishonchli boshqaruv yoki aksiyadorlar/ishtirokchilar bilan tuzilgan kelishuv

orqali yoxud mazkur shaxsning boshqaruv organlari/qo‘mitalarida ishtirok etish yo‘li bilan

amalga oshiriladi; (2) Bank aksiyadori bevosita yoki bilvosita (boshqa shaxslar orqali, shu

jumladan qimmatli qog‘ozlarning nominal egasi orqali) ustav kapitalida (yakka tartibda yoki

boshqa har qanday shaxs bilan birgalikda) har qanday miqdordagi ulushga (ovoz berish huquqiga

ega yoki ega bo‘lmagan) ega bo‘lgan yuridik shaxslar.

16.16. Mol-mulk va maxfiy ma’lumotlarning xavfsizligi va himoyasini ta’minlash, shuningdek,

xizmatlar sifatini nazorat qilish maqsadida Bank binolari video va audio kuzatuv ostida bo‘ladi.

Bundan tashqari, videokuzatuv bankomatlar orqali ham amalga oshiriladi, audioyozuv esa Bank

bilan telefon orqali bog‘lanish vaqtida amalga oshiriladi.

16.17. Mijoz videokuzatuv va audioyozuvning muhimligini tan oladi va shuning uchun Bankka

xavfsizlikni ta’minlash va Mijozga tegishli xizmat ko‘rsatish maqsadida har qanday

ma’lumotlarni, shu jumladan Call-Markazga/dan qo‘ng‘iroqlar amalga oshirilgan vaqtda yozib

olingan audioyozuvni qo‘shimcha ravishda ogohlantirmasdan qayta ishlashga so‘zsiz rozilik

beradi.

16.18. Tomonlardan har biri boshqa Tomonning u hamkorlik natijasida va/yoki uning davomida olishi

mumkin bo‘lgan maxfiy axborotini boshqa Tomonning oldindan yozma roziligisiz uchinchi

shaxslarga oshkor qilmaslik va/yoki boshqacha tarzda taqdim etmaslik majburiyatini oladi,

ushbu BShning 16.19-bandida nazarda tutilgan holatlar bundan mustasno.

16.19. Ushbu BShdagi “maxfiy ma’lumotlar” atamasi shartnomaviy munosabatlarni amalga oshirish

jarayonida Tomonlarga ma’lum bo‘lgan va hamma foydalanishi mumkin bo‘lmagan bank,

texnik, moliyaviy va boshqa ma’lumotlarni cheklamagan holda o‘z ichiga oladi.

16.20. Tomonlar Maxfiy ma’lumotlarni saqlaydilar hamda ushbu Maxfiy ma’lumotlarni, ushbu BShda

belgilangan holatlar va/yoki qonunchilik talab qilgan hollar bundan mustasno, hech qanday

uchinchi tomonga oshkor etmaydilar va/yoki bermaydilar. Bu majburiyat ushbu BShning butun

amal qilish muddati davomida, shuningdek, ular tugagandan so‘ng ham kuchda qoladi.

16.21. Mijozning shaxsiy va maxfiy ma’lumotlari BSh va/yoki Bank bilan tuzilgan boshqa har qanday

shartnomaning butun amal qilish muddati davomida, bunday shartnomalar muddati

tugagan/bekor qilingan taqdirda esa amaldagi bank qonunchiligida belgilangan muddatlar

davomida Bankda saqlanadi.

16.22. Bank “Bank siri to‘g‘risida”gi O‘zbekiston Respublikasi Qonuniga va O‘zbekiston

Respublikasining boshqa qonun hujjatlariga muvofiq Mijoz to‘g‘risidagi bank sirini tashkil

etuvchi ma’lumotlarning maxfiyligini va saqlanishini kafolatlaydi.

16.23. Bank sirini tashkil etuvchi ma’lumotlar Bank tomonidan Mijoz yoki uning qonuniy vakiliga

uning murojaati asosida (yozma yoki elektron shaklda) taqdim etilishi mumkin.

16.24. Mijoz to‘g‘risidagi bank sirini tashkil etuvchi ma’lumotlar uchinchi shaxslarga O‘zbekiston

Respublikasining amaldagi qonunchiligida nazarda tutilgan tartibda taqdim etiladi.

16.25. Mijoz O‘zbekiston Respublikasi qonunchiligida nazarda tutilgan tartibda, shuningdek,

Mijozning yozma roziliklarida ko‘rsatilgan hollarda, agar Bankning fikriga ko‘ra, Mijozning

harakatlarida jinoyat alomatlari mavjud bo‘lsa, Bankka surishtiruv va dastlabki tergov

organlariga bank sirini tashkil etuvchi ma’lumotlar va axborotni oshkor qilish va taqdim etish

huquqini beradi.

16.26. Agar qonun hujjatlarida boshqacha tartib nazarda tutilmagan bo‘lsa, Mijoz Bankdan Bankda

mavjud bo‘lgan Mijozning shaxsiy ma’lumotlarini o‘chirib tashlashni talab qilishga haqli emas.

16.27. Mazkur BShni qabul qilgan holda, Mijoz Bank tomonidan “Kredit-axborot tahliliy markazi"

kredit byurosi” MCHJga kredit buyurtmanomasining rasmiylashtirilishini va Bankka o‘zi

to‘g‘risidagi kredit hisobotini, zaruratga ko‘ra, cheklanmagan miqdorda taqdim etilishini

tasdiqlaydi va rozilik beradi. Bu ma’lumotlar kreditga layoqatlilikni baholash va Bank

tomonidan kredit mahsulotlari bo‘yicha shaxsiy takliflar berish maqsadida qayta ishlanadi.

16.28. Bosh Shartlarning 16.28-bandida ko‘rsatilgan maqsadlar uchun Mijoz bank tomonidan kredit

mahsulotlari bo‘yicha shaxsiy takliflarni olish uchun “Kredit-axborot tahliliy markazi” kredit

byurosi MCHJga bank tomonidan kredit buyurtmanomasini rasmiylashtirishga vakolat beradi va

rozilik beradi, shuningdek, Mijoz kredit hisobotini taqdim etishga rozilikni qabul qilish sanasi

Bank tomonidan “Kredit-axborot tahliliy markazi” kredit byurosi MCHJga kredit

buyurtmanomasini taqdim etish sanasi ekanligiga rozilik beradi. Mijoz Bankning ushbu bandda

ko‘rsatilgan xatti-harakatlari unga tushunarli ekanligini tasdiqlaydi, shuningdek, Bankning

ushbu xatti-harakatlari Tomonlar o‘rtasida nizo predmeti bo‘lmasligiga rozilik beradi va kafolat

beradi.

17-bob. Korrupsiyaga qarshi choralar

17.1. Tomonlar oʻz huquqlari yoki majburiyatlari bilan bogʻliq ravishda korrupsiyaga qarshi qonun

hujjatlari talablariga rioya qilish va korrupsiyaga qarshi qonun hujjatlari normalarini buzishi

mumkin boʻlgan har qanday harakatlar qilmaslik majburiyatini oladilar. Shuningdek, (lekin

cheklanmagan holda), pul yoki boshqa har qanday shaklda, har qanday jismoniy yoki yuridik

shaxslar, shu jumladan, (lekin cheklanmagan holda), va noqonuniy toʻlovlarni amalga oshirish

uchun taklif, ruxsat yoki va’da berish uchun, tijorat tashkilotlari, hokimiyat va oʻzini-oʻzi

boshqarish organlari, davlat xizmatchilari, xususiy kompaniyalar va ularning vakillaridan pora

olmasligi lozim. Tomonlarning biri majburiyatlarni buzgan taqdirda, ikkinchi Tomon bir

tomonlama va suddan tashqari amaldagi bank shartnomalari boʻyicha majburiyatlarni

bajarishdan bosh tortish huquqiga ega.

17.2. Tomonlar quyidagilarni e’tirof etadi va kafolatlaydi:

17.2.1. Tomonlarning har biri, oʻzlarini vijdonan va qonuniy ravishda tutishlari, yuqori

axloqiy me’yorlarga rioya qilishlari kerak. Tomonlar korrupsiya, soliq firibgarligi,

soliq toʻlashdan boʻyin tovlashni har qanday shaklda va boshqa har qanday jinoiy

harakatlariga nisbatan toqat qilmaslik siyosatiga rioya qilishadi va yuqorida keltirilgan

masalalarni doimiy nazorat ostida ushlab turadilar.

17.2.2. Tomonlar, shuningdek, ular bilan bogʻliq shaxslar: vakolatli shaxslar, vakillar

korrupsiyani (toʻgʻridan-toʻgʻri yoki bilvosita), soliq firibgarligini va soliq toʻlashdan

boʻyin tovlashni har qanday shaklda qoʻllab-quvvatlaydigan har qanday faoliyatda

ishtirok etmasligi kerak.

18-bob. Bosh Shartlarga muvofiq tuzilayotgan shartnomalarga

qoʻshimcha va oʻzgartirishlar kiritish, muddatidan oldin bekor qilish va

voz kechish

18.1. Agar Mijoz Bankka kredit va Bankning boshqa mahsulotlar bo‘yicha barcha komissiya to‘lovlari

va boshqa qarzdorliklarni to‘lagan bo‘lsa, ochilgan bank hisobvaraqlaridan barcha mavjud

mablag‘larni, shu jumladan talab qilib olinguncha depozit hisobvaraqlaridan, muddatli depozit

hisobvaraqlaridan boshqa banklarda ochilgan bank hisobvaraqlariga o‘tkazgan bo‘lsa, Mijoz

istalgan vaqtda “TBC Bank” ATB mobil ilovasidagi o‘z hisob qaydnomasini o‘chirib tashlashi

mumkin.

18.2. “TBC Bank” ATBning mobil ilovasidagi o‘z hisob qaydnomasini o‘chirish orqali Mijoz har

qanday yoki barcha bank mahsulotlaridan foydalanishni to‘xtatishga, ushbu BShni bekor

qilishga, barcha bank hisobvaraqlari va xizmatlarini yopishga roziligini bildiradi, shuningdek,

ushbu xatti-harakat Mijoz tomonidan shaxsan (o‘z qo‘li bilan) berilgan arizaga (ushbu BShning

2-ilovasiga muvofiq) tenglashtirilishiga va Mijoz tomonidan imzolangan qog‘oz shaklidagi ariza

bilan bir xil yuridik kuchga ega bo‘lishiga rozilik bildiradi.

18.3. Mazkur BSh istalgan vaqtda Tomonlarning kelishuvi yoki Oʻzbekiston Respublikasi qonun

hujjatlarida nazarda tutilgan boshqa hollarda bekor qilinishi mumkin. Mazkur BShning bekor

qilinishi Mijozni Bank oldida qabul qilingan majburiyatlatini toʻliq bajarishdan ozod qilmaydi.

18.4. Bank Mijozning holatini yomonlashtirmaydigan va O‘zbekiston Respublikasining amaldagi

qonunchiligiga zid bo‘lmagan tegishli ma’lumotlarni Bankning www.tbcbank.uz veb-saytida

va/yoki filiallari yoki bank xizmatlari markazlarida joylashtirish orqali ushbu BShga

o‘zgartirishlar kiritish huquqiga ega. Agar mijoz BShdagi oʻzgarishlar e’lon qilingan kundan

boshlab 10 kun ichida BShdagi oʻzgarishlarga nisbatan hech qanday da’vo yoki e’tiroz

bildirmasa va bank xizmatlaridan foydalanishni davom ettirsa, ushbu oʻzgarishlar kuchga kiradi

va Mijoz tomonidan qabul qilingan hisoblanadi.

18.5. Bank qonun hujjatlariga o‘zgartirishlar kiritilgan taqdirda, buning natijasida Mijoz bilan tuzilgan

shartnomalar bo‘yicha majburiyatlarni bajarish imkonsiz bo‘lib qolsa, har qanday

Shartnomalarga va ushbu BShga bir tomonlama tartibda o‘zgartirishlar kiritish huquqiga ega.

18.6. Mazkur BSh tomonidan tartibga solinmagan har qanday masalalar Oʻzbekiston Respublikasining

amaldagi qonunchiligiga muvofiq hal etilishi kerak.

18.7. Tomonlar oʻrtasida shartnomalardan kelib chiqadigan yoki ular bilan bogʻliq boʻlgan barcha

nizolar Tomonlar muzokaralar yoʻli bilan hal etadi. Agar Tomonlar muzokaralar davomida

kelishuvga erishmasa, nizo Oʻzbekiston Respublikasining amaldagi qonunchiligiga muvofiq

Bank roʻyhatdan oʻtgan joydagi sudida koʻrib chiqilishi kerak.

18.8. Agar ushbu Shartnomaning biror bandi o‘z kuchini yo‘qotsa, bunday holat boshqa bandlarga

ta’sir qilmasligi va Mijozga amaldagi majburiyatlardan to‘liq yoki qisman voz kechish uchun

asos bo‘lmasligi kerak.

18.9. Istalgan istisno holatlarda, jumladan, har qanday jinoiy, firibgarlik va/yoki noqonuniy harakatlar

yoki tranzaksiyalar uchun yoki ular bilan bog‘liq holda har qanday hisob qaydnomasidan

foydalanishda gumon qilinganda, Bank Mijozni oldindan ogohlantirmasdan har qanday hisob

qaydnomasini yopishi, to‘xtatib qo‘yishi yoki muzlatib qo‘yishi mumkin.

18.10. Agar Mijoz vakolatli xalqaro tashkilotlarning sanksiyalar ro‘yxatiga kiritilgan bo‘lsa yoki

“Tijorat banklari uchun jinoyatlardan olingan daromadlarni legallashtirishga, terrorizmni

moliyalashtirishga va ommaviy qirg‘in qurollarini tarqatishni moliyalashtirishga qarshi

kurashish bo‘yicha ichki nazorat qoidalari” buzilgan taqdirda, Bank ushbu BShni bir tomonlama

bekor qilish huquqiga ega.

19-bob. Boshqa qoidalar

19.1. BSh va Bankning boshqa ichki me’yoriy hujjatlari bilan to‘g‘ridan-to‘g‘ri tartibga solinmagan

barcha masalalar O‘zbekiston Respublikasi qonunchiligiga muvofiq tartibga solinadi.

19.2. BShning biron-bir bandi amaldagi qonunchilikka muvofiq haqiqiy emas, noqonuniy yoki ijro

etilishi mumkin emas deb topilgan taqdirda, BShning boshqa barcha bandlari oʻz kuchini saqlab

qoladi. Tomonlar bunday holatda haqiqiy bo‘lmagan, noqonuniy yoki amalga oshirib

bo‘lmaydigan bandni o‘zaro maqbul, qonuniy va yuridik kuchga ega bo‘lgan band bilan

almashtirishi shart.

19.3. BShning oʻzbek, rus va ingliz tillaridagi matnlari bir-biridan farq qilsa, rus tilidagi matn ustunlik

qiladi. Shu bilan birga, agar Mijoz MBXda ingliz tilini tanlasa va mijoz BSh va bank

shartnomasining ingliz tilidagi nusxasini qabul qilsa, Mijoz BShning rus tilidagi nusxasidan

asosiy nusxa sifatida foydalanilishini va nizolar yuzaga kelgan taqdirda tomonlar o‘rtasidagi

munosabatlarni tartibga solishini tasdiqlaydi va bunga rozi bo‘ladi.

19.4. Mijoz bank mobil ilovasida bank kartasi tashqi raqamining oxirgi to‘rtta raqamini kiritish orqali

bank kartasini faollashtirib, bank xodimidan bank kartasini shaxsan (o‘z qo‘li bilan) olganligini

tasdiqlaydi.

20-bob. Bank bilan O‘zbekiston Respublikasining norezidenti bo‘lgan

Mijoz o‘rtasidagi munosabatlarni tartibga solishning o‘ziga xos

xususiyatlari

20.1. Ushbu bobning maqsadlari uchun O‘zbekiston Respublikasining rezidentlari deganda

O‘zbekiston Respublikasining fuqarolari, shu jumladan chet eldagi fuqarolari, O‘zbekiston

Respublikasida yashash guvohnomasiga ega bo‘lgan chet el fuqarolari, O‘zbekiston

Respublikasida yashash guvohnomasiga ega bo‘lgan fuqaroligi bo‘lmagan shaxslar tushuniladi.

O‘zbekiston Respublikasining norezidentlari yoki jismoniy shaxslari - norezidentlar deganda

yuqorida ko‘rsatib o‘tilgan O‘zbekiston Respublikasining rezidenti tushunchasiga kirmaydigan

barcha shaxslar tushuniladi.

20.2. Ushbu bobning qoidalari faqat jismoniy shaxslar - norezidentlarga nisbatan qo‘llaniladi va ushbu

bob va mazkur BShning boshqa boblari normalari o‘rtasida biron-bir ziddiyatlar yuzaga kelgan

taqdirda ustuvor kuchga ega bo‘ladi.

20.3. Ushbu BShning 4-, 5- va 6-boblari qoidalari va shartlari O‘zbekiston Respublikasi norezidenti

bo‘lgan jismoniy shaxslarga faqatgina ular tegishli ravishda identifikatsiyadan o‘tkazilgandan va

taqdim etilgan hujjatlar ushbu BSh qoidalari hamda O‘zbekiston Respublikasi qonunchiligi

talablariga muvofiq verifikatsiyadan o‘tkazilgandan keyin tatbiq etiladi. Ushbu BSh 7-, 8- va 9-

boblarining qoidalari O‘zbekiston Respublikasi norezidentlari bo‘lgan jismoniy shaxslarga

tatbiq etilmaydi.

20.4. BSh va mazkur BShning 4-, 5- va 6-boblarida ko‘zda tutilgan shartnomalar matni o‘rtasida

ziddiyatlar yuzaga kelgan taqdirda, Bank bilan norezident o‘rtasidagi munosabatlarda tegishli

shartnomalarning shartlari ustunlik kuchiga ega bo‘ladi.

20.5. Jismoniy shaxslar - norezidentlarga milliy va chet el valyutasida birlamchi bank hisobvaraqlarini

(shu jumladan bank kartalarini) ochish maqsadida Bank jismoniy shaxs - norezidentdan quyidagi

qo‘shimcha ma’lumotlar / hujjatlarni so‘rashga haqli:

20.5.1. norezident jismoniy shaxsning O‘zbekiston Respublikasida turganligini (yashashini)

tasdiqlovchi hujjat;

20.5.2. Bank talablariga javob beradigan amal qilish muddati bilan O‘zbekiston

Respublikasida doimiy yoki vaqtinchalik ro‘yxatdan o‘tganligi to‘g‘risidagi amaldagi

ma’lumotnoma va u tegishli ariza berilgan kundan boshlab kamida 15 bank kuni

davomida o‘z kuchini saqlab qolishi kerak;

20.5.3. ish yoki o‘qishni, shuningdek, daromad manbalarini tasdiqlovchi hujjatlar;

20.5.4. jismoniy shaxsning shaxsiy identifikatsiya raqami (JSHSHIR);

20.5.5. O‘zbekiston Respublikasining litsenziyalangan aloqa operatorida ro‘yxatga olingan

telefon raqami.

20.6. Jismoniy shaxs - norezident uchun ochiladigan keyingi bank hisobvaraqlari shaxsni tasdiqlash

tartib-qoidalaridan o‘tish orqali, shuningdek, 20.5-bandga muvofiq Bank tomonidan so‘ralgan

hujjatlar/ma’lumotlarning dolzarbligi sharti bilan masofadan turib ochilishi mumkin.

20.7. Bank o‘z ixtiyoriga ko‘ra, shuningdek, O‘zbekiston Respublikasi qonun hujjatlari talablarini

bajarish maqsadida norezident jismoniy shaxslardan mazkur BShning 20.5-bandida nazarda

tutilmagan qo‘shimcha hujjatlarni, shu jumladan norezident jismoniy shaxslar pul

mablag‘larining kelib chiqish manbalarini tasdiqlovchi hujjatlarni so‘rab olishga haqli.

20.8. 20.5-bandda ko‘rsatilgan yoki 20.7-bandga muvofiq Bank tomonidan qo‘shimcha ravishda

so‘ralgan ma’lumotlar/hujjatlar Bank va Mijoz o‘rtasidagi har qanday shartnomalar yoki

xizmatlar ko‘rsatish davrida o‘zgargan taqdirda (“Mijoz” - bu yerda va keyinchalik jismoniy

shaxslar - norezidentlarni ham o‘z ichiga oladi), Mijoz keyingi ish kunidan kechiktirmay Bankni

bunday o‘zgarishlar to‘g‘risida ushbu o‘zgarishlarni tasdiqlovchi hujjatlarni taqdim etgan holda

xabardor qilishi shart.

20.9. Bank o‘z xohishiga ko‘ra, kiritilgan o‘zgartirishlar va tegishli hujjatlarni o‘rganish davrida har

qanday joriy shartnomalarning va (yoki) xizmatlarning amal qilishini va (yoki) ko‘rsatilishini

to‘xtatib turishga haqli. O‘zbekiston Respublikasi hukumat ma’lumotlar bazalaridan zarur

ma’lumotlar/tasdiqlarni o‘z vaqtida olish sharti bilan, bunday bazalar bilan o‘zaro hamkorlik

qonun hujjatlarida nazarda tutilgan hollarda, o‘zgarishlar to‘g‘risidagi taqdim etilgan hujjatlarni

o‘rganishning eng uzoq muddati 15 ish kunini tashkil etadi. Shartnomalar va/yoki xizmatlar

Mijoz tomonidan taqdim etilgan hujjatlarni o‘rganish va tekshirish yakunlangandan so‘ng

keyingi ish kunidan kechiktirmay qayta tiklanadi. Shartnomalar va xizmatlarni tiklashga

to‘sqinlik qiladigan kamchiliklar yoki boshqa holatlar aniqlangan taqdirda, Bank bunday

kamchiliklar va holatlar to‘liq bartaraf etilgunga qadar shartnomalarni va/yoki xizmatlarni

to‘xtatib turishga haqli.

20.10. Norezident jismoniy shaxslarning chet el valyutasidagi hisobvaraqlariga quyidagilar o‘tkazilishi

mumkin:

20.10.1. notijorat turdagi o‘tkazmalar;

20.10.2. ichki valyuta bozorida sotib olingan mablag‘lar;

20.10.3. qonuniyligini tasdiqlovchi hujjatlar asosida olingan mablag‘lar.

20.11. Norezident jismoniy shaxslarning chet el valyuta hisobvaraqlaridagi mablag‘lar hisobvaraq

egasining ko‘rsatmasiga binoan quyidagilar uchun foydalanilishi mumkin:

20.11.1. notijorat turdagi o‘tkazmalar uchun;

20.11.2. ichki valyuta bozorida sotish uchun;

20.11.3. O‘zbekiston Respublikasi banklarining bankomatlari va kassalari yordamida naqd

xorijiy valyutani yechib olish uchun;

20.11.4. chet el banklarida ochilgan o‘z hisobvaraqlariga o‘tkazish uchun.

20.12. Norezident jismoniy shaxslarga chet el valyutasini sotish ular tomonidan respublika hududida

milliy valyuta mablag‘lari qonuniy manbalardan olinganligini tasdiqlovchi taqdim etilgan

hujjatlar asosida amalga oshiriladi. Bunda operatsiya summasi taqdim etilgan hujjatlarda

ko‘rsatilgan summa miqdoridan oshmasligi kerak.

20.13. Ushbu BShda nazarda tutilgan huquqlarga qo‘shimcha ravishda, Bank norezident jismoniy

shaxslar bilan o‘zaro munosabatlarda quyidagi qo‘shimcha huquqlarga ega:

20.13.1. hisobvaraqlar ochish va/yoki norezidentlarning hisobvaraqlari bo‘yicha moliyaviy

operatsiyalarni amalga oshirishni rad etish, shuningdek, quyidagi hollarda joriy

hisobvaraqlar/operatsiyalarni to‘xtatib qo‘yish/bloklash:

o Bank norezident jismoniy shaxs taqdim etgan ma’lumotlar va hujjatlarni

o‘rganish natijalarini qoniqarli deb hisoblamasa;

o Bankka nisbatan iqtisodiy sanksiyalar qo‘llash xavfi mavjud boʻlsa;

o operatsiyalar tijorat banklari uchun jinoiy faoliyatdan olingan daromadlarni

legallashtirishga, terrorizmni moliyalashtirishga va ommaviy qirg‘in qurolini

tarqatishni moliyalashtirishga qarshi kurashish to‘g‘risidagi qonun hujjatlariga

muvofiq va O‘zbekiston Respublikasining amaldagi qonun hujjatlarida nazarda

tutilgan boshqa hollarda shubha uyg‘otsa;

o hisobvaraqqa o‘tkazilayotgan mablag‘lar noqonuniy yo‘l bilan olingan deb

hisoblash uchun asoslar mavjud boʻlsa;

o O‘zbekiston Respublikasi vakolatli organlarining yoki xorijiy davlatlar vakolatli

organlarining, shu jumladan sud instansiyalarining talablari yoki ko‘rsatmalari

mavjud bo‘lsa;

o norezident O‘zbekiston Respublikasi hududidan tashqarida bo‘lgan holda, qonun

hujjatlari va/yoki vakolatli uchinchi shaxslar talablariga ko‘ra muayyan xizmat

faqat O‘zbekiston Respublikasi hududida ko‘rsatilishi mumkin bo‘lsa;

o 20.5- va 20.7-bandlarda ko‘rsatilgan hujjatlar o‘z dolzarbligini yo‘qotgan boʻlsa;

o rad etish, to‘xtatib turish yoki bloklash zarurati Bankning ichki hujjatlari bilan

bog‘liq boʻlsa.

20.13.2. jismoniy shaxs - norezidentning hisobvarag‘iga kirishni vaqtincha cheklash yoki to‘liq

bloklash, shuningdek, quyidagi hollarda mablag‘larning transchegaraviy

o‘tkazmalarini to‘xtatib turish:

o Mijoz va/yoki uning kontragentlari, benefitsiarlar, hisob raqamini yurituvchi bank

hamda to‘lov zanjirida ishtirok etuvchi boshqa banklarning OFAC, FATF,

Yevropa Ittifoqi (YI), Birlashgan Millatlar Tashkiloti (BMT), Fransiya

(Iqtisodiyot va moliya vazirligi) sanksiyalar ro‘yxati, shuningdek, Buyuk

Britaniya sanksiyalar ro‘yxatiga kiritish holatlarida;

o agar O‘zbekiston Respublikasining qonun hujjatlariga zid bo‘lmasa, xorijiy

davlatlarning vakolatli organlaridan rasmiy so‘rov olish holatlarida;

o taqdim etilgan hujjatlar yoki ma’lumotlarning haqiqiy ma’lumotlarga

nomuvofiqligi aniqlanganda.

20.13.3. qonun hujjatlarida, Bankning ichki hujjatlarida yoki komplaens nazoratning xalqaro

standartlarida nazarda tutilgan hollarda norezident jismoniy shaxs bilan bank xizmati

ko‘rsatish shartnomasini bekor qilish va uning hisobvaraqlari/kartalarini

yopish/bloklash;

20.13.4. qonun hujjatlariga rioya qilish, Bank manfaatlarini himoya qilish va yuzaga kelishi

mumkin bo‘lgan tavakkalchiliklarning oldini olish maqsadida norezident jismoniy

shaxslarga nisbatan muayyan bank mahsulotlari va xizmatlaridan (shu jumladan,

masofaviy bank xizmatlaridan) foydalanishga cheklovlar joriy etish;

20.13.5. norezidentlar tomonidan O‘zbekiston Respublikasi banklarida hisobvaraqlar ochish va

ulardan foydalanish tartibi to‘g‘risidagi qonun hujjatlari qoidalariga, shuningdek,

xalqaro to‘lov tizimlarida nazarda tutilgan qoidalar va shartlarga o‘zgartirishlar

kiritilgan taqdirda, norezident jismoniy shaxslar bilan tuzilgan shartnomalar

shartlariga bir tomonlama tartibda o‘zgartirish va qo‘shimchalar kiritish;

20.13.6. 30 kunlik davr uchun jami 10 000 AQSH dollaridan ortiq summadagi kiruvchi

to‘lovlar va/yoki valyuta ayirboshlash operatsiyalari amalga oshirilganda jismoniy

shaxs - norezidentdan pul mablag‘larining kelib chiqish manbalarini tasdiqlovchi

hujjatlarni so‘rab olish;

20.13.7. operatsiyani o‘rganish uchun qo‘shimcha axborot so‘rash, operatsiya summasini

cheklash, cheklovlar belgilash yoki uni o‘tkazishni rad etish, shuningdek, quyidagi

hollarda norezidentga xizmat ko‘rsatishni to‘xtatish va u bilan tuzilgan shartnomalarni

bir tomonlama tartibda bekor qilish:

o agar norezident yoki uning operatsiyasi sanksiyalar ta’siri ostiga tushsa yoxud

ularni qo‘llash xavfi mavjud bo‘lsa;

o agar norezident tomonidan amalga oshirilayotgan operatsiyalar anketaga muvofiq

uning profiliga mos kelmasa (tegishli hollarda);

o agar norezident Bankka operatsiyani amalga oshirish uchun zarur bo‘lgan barcha

hujjatlarni, shu jumladan pul mablag‘larining kelib chiqish manbalarini

tasdiqlovchi hujjatlarni taqdim etmagan bo‘lsa.

20.14. Ushbu BShda nazarda tutilgan majburiyatlardan tashqari, norezident jismoniy shaxslar Bank

bilan o‘zaro munosabatlarda quyidagi qo‘shimcha majburiyatlarga ega:

20.14.1. O‘zbekiston Respublikasi qonun hujjatlariga rioya qilish, shuningdek, daromad

manbalarini identifikatsiyalash, tasdiqlash va normativ hujjatlarda nazarda tutilgan

boshqa tartib-taomillar uchun zarur bo‘lgan ishonchli axborot va hujjatlarni Bankka

taqdim etish.

20.14.2. kamida 5 ish kuni oldin Bankni 1 oydan ortiq muddatga O‘zbekiston Respublikasidan

chiqib ketishi va qaytib kelganidan keyingi ish kunidan kechiktirmay qaytib kelishi

to‘g‘risida xabardor qilishi. Agar mijoz O‘zbekiston Respublikasi hududida uzoq vaqt

bo‘lmagan taqdirda, Bank hisobvaraq bo‘yicha operatsiyalarni o‘tkazishga cheklovlar

belgilash huquqiga ega.

20.14.3. Fuqarolik, shaxsga doir ma’lumotlar, O‘zbekiston Respublikasida turish huquqini

tasdiqlovchi hujjatlar, daromad manbalari, shuningdek, Bankda xizmat ko‘rsatishga

ta’sir ko‘rsatuvchi boshqa ma’lumotlar o‘zgarganligi to‘g‘risida Bankni o‘z vaqtida

xabardor qilish.

20.14.4. hisobvaraqlardan faqat shaxsiy, notijorat maqsadlarda foydalanish, qonun hujjatlarida

nazarda tutilgan hollar bundan mustasno.

“TBC Bank” ATB

bank mahsulotlari va xizmatlarini taqdim etilishi boʻyicha Bosh Shartlari

“TBC Bank” ATB bank mahsulotlari va xizmatlarini

taqdim etish boʻyicha Bosh Shartlariga 1-ilova

“TBC Bank” ATB Boshqaruv Raisi

S. Tetrashiviliga

F.I.Sh.:

Tel.:

JShShIR:

……………………………………………………………………………………………………

Shaxsni tasdiqlovchi hujjatning seriya va raqami:

Berilgan sana:

Kim tomonidan berildi:

ARIZA

Men ushbu ariza bilan Sizdan men bilan tuzilgan bank hisobvarag‘i shartnomasini bekor qilishingizni va

Bankda ochilgan barcha mavjud hisob raqamlarni o‘z xohishimga ko‘ra yopishingizni so‘rayman.

“TBC Bank” ATB

bank mahsulotlari va xizmatlarini taqdim etilishi boʻyicha Bosh Shartlari

“TBC Bank” ATB bank mahsulotlari va xizmatlarini

taqdim etish boʻyicha Bosh Shartlariga 2-ilova

“TBC Bank” ATB Boshqaruv Raisi

S. Tetrashiviliga

F.I.Sh.:

Tel.:

JShShIR:

……………………………………………………………………………………………………

Shaxsni tasdiqlovchi hujjatning seriya va raqami:

Berilgan sana:

Kim tomonidan berildi:

ARIZA

Ushbu ariza bilan men Sizdan “TBC Bank” ATB mobil ilovasidagi menga tegishli hisob qaydnomani

o‘chirishingizni va u bilan bog‘liq Bankda ochilgan barcha mavjud hisob raqamlarni o‘z xohishimga ko‘ra

yopishingizni so‘rayman.

Menga tegishli hisob qaydnomani o‘chirish va mavjud hisob raqamlarni yopish shartlari bilan tanishdim va

ularga roziman. Shuningdek, o‘z hisob qaydnomam bilan bog‘liq Bankning kredit va boshqa mahsulotlari bo‘yicha

barcha komissiya to‘lovlari hamda boshqa qarzdorliklarni to‘lash majburiyatini o‘z zimmamga olaman.